هوندا سيفيك موديل93 أو 94 ولا ابيزا 1000 موديل 2000 حتى 2002

**goofy301** · 03-05-2008 07:55 PM

السلام عليكم جميعاً ورحمة الله وبركاته.....
هذه اول مشاركة لى فى هذا المنتدى الشيق والجميل وارجو من السادة الافاضل الافادة والمساعدة فى هذا الاختيار..ما بين هوندا سيفيك سواء ex كاربيراتير 1500cc أو si انجيكشن Cc1600 موديلات 92 و 93 و 94 ولا ابيزا 1000 Cc موديل عام 2000 حتى 2002 من حيث قوة الموتور والعزم والعمر الافتراضى والعفشة والثبات مع العلم بأن الكماليات ثابتة فى فى جميع الحالات .....
وللعلم ايضا بأنى لا افاضل بين السيات والهوندا عموماً.. ولكن بين هذا الاختيار فقط حيث ان السعر متقارب يعنى مابين 45000 حتى 55000 مع اختلاف السعة اللترية للمواتير....
وجزاكم الله كل خير..

**mohamed ibiza** · 03-05-2008 10:19 PM

اولا هوندا الشركة العملاقة و بالذات هوندا سيفيك 92 اللي بتتميز بتصميم رائع متميز اشاد به كل خبراء السيارات و سيات الواجهة الرياضية لمجموعة فولكس واجن اللي بتتميز بمواتيرها الالمانية اللي لا غبار عليها و التصميم الرياضي الرائع الجذاب جداااااااااااا.........

المقارنة هنا شديدة الماني و ياباني لكن المقارنة دي محسومة من ناحية التحمل والقدرة علي الشغل بدون اعطال جوهرية في الجانب الالماني و الجانب الياباني طبعا قدرته علي التحمل عالية و عربيات ناعمة و زي الفل لكن معلش الفرق كبير بين الالماني و الياباني في التحمل الالماني يكسب......

اولا الابيزا:
1000 سي سي انجكشن 72 حصان تكنولوجيا عالية عربية تدار كلها بالكمبيوتر الموجود تحت الكرسي الامامي اليمين انجكشن يعني استهلاك اقل في القود بيديك علي اد دوستك مع السعة اللترية المنخفضة يبقي تقريبا مش هتحط بنزين قطع غيارها موجودة و متوفرة في التوكيل و برا التوكيل و اسعارها معقولة بالمقارنة مع عمرها الافتراضي الطويييييييييييييييييل جدا جدا جدا عربية ثباتها ممتاااااااااااااااااااااا ااااااااااااااااااااااز في السرعات العالية عن تجربة فعلا العربي ثباتها جامد جدا باور ستيرنج كهربائي ناعم جدا جدا جدا اعطالها تكاد تكون معدومة عربية تتميز بأحلي شكل موجود في موديلات الابيزا من سنة 1992 العفشة بتاعتها حمالة اسية بطريقة غريبة و ده شيء معروف عن كل موديلات الابيزا و موديل 2002 عفشته زي الفل بتاعة شغل و حرت الموتور فوق الممتاز و للعلم الخامات المصنعة منها موتور الابيزا 2001 و انت نازل حسب ترتيب الموديلات اللي قبله عمرك ما هتلاقي زيها في الجديد…العربية ممتازة كثبات و سحب و موتور و عفشة و صالونها مصنع من اجود الخامات الاسبانية التقفيل ممتاز و الميكانيكية فاهمينها و لو جبتها و احتجت اي حاجة متقلقش انا موجود

السيفيك 92:
1500 سي سي كربراتير 105 حصان يعني الاداء هيكون اعلي في الجري من الابيزا العربية عموما اللي اعرفه عنها انها ممتازة و في ناس هتفيدك فيها اكتر مني...... استهلاك البنزين هيكون اعلي كتير من الابيزا اولا 1500 سي سي و الابيزا 1000 سي سي و كربراتير و الابيزا انجكشن و السيفيك 1600 سي سي 130 حصان انجكشن برضه استهلاكها هيكون اعلي من الابيزا لكن هيكون اقل من السيفيك 1500 سي سي و عموما الفرق بين السيفيك و الابيزا في استهلاك البنزين هيكون ملحوظ و كبير اما عن الثبات العربية قاعدة العجلات بتاعتها عريضة لكن انا مجربتهاش بس اللي يقلق ان وزن العربية قليل و ده باين في البودي بتاع العربية انا شايف انه خفيف و رقيق اوي كده الوزن علي ما اعتقد 970 كيلو فبصراحة الثبات مش عارف اخباره هتكون ايه في السرعات العالية و الناس اللي مجرباها هتفيدك ان شاء الله......

عموما لو حبيت الابيزا و هتجيبها هي 72 حصان لو عايز جري اكتر و تقرب من اداء السيفيك ممكن تحطلها فلتر هواء سبور و بوجيهات ايريديوم و طقم سلوك سبور و حسب كلام خبير التعديلات الشهير اسلام مشهور الحركة دي بتزود قدرة العربية الحصانية بنسبة 7% تقريبا و بتزود الجري و التسارع و السحب بيكون احسن و فلتر الهواء بيساهم في زيادة نسبة الهواء اللي بيتم ضخه داخل غرفة الاحتراق و بيسرع عملية الاحتراق و بيساهم في حرق البنزين بصورة افضل بالتالي توفير بنزين اكتر.....

اتمني اكون افدنك عموما سواء جبت ابيزا او سيفيك اهلا بيك معانا في نايل موتورز و لو جبت الابيزا يبقي هتنضم معانا لعصابة السيات

**SEATLOVER** · 03-05-2008 11:09 PM

اهلاً بيك يا goofy301 فى قسم السيات
والله حاجة تفرح دايماً الايام دى عندنا المشاركة الاولى لناس كتير ...ربنا يزيد
..هو بس حضرتك سؤالك بيبقى فى قسم المقارنات .. عشان بتقارن بين عربيتين

على العموم
طبعاً المايسترو بتاعنا رد عليك رد وافى وكامل (على استحياء) من وجهة نظرى
انا هاقولك بصراحة و على بلاطة
فى عوامل المقارنة اللى حضرتك حاططها
الهونـــــــــــــــــدا تكسب بمررررررررراحل
مفيش حاجة الابيزا تكسب فيها فى المقارنة دى سوى (توفير البنزين )

ورحم الله امرىءُ عرف قدر نفسة :D

**NaderNabil** · 04-05-2008 12:08 AM

المشاركة الأصلية كتبت بواسطة mohamed ibiza

اولا الابيزا:
1000 سي سي انجكشن 72 حصان

تصحيح بسيط يا باشا....الابيزا ال 1000سي سي بتطلع 50 حصان...37كيلووات

**SEATLOVER** · 04-05-2008 12:18 AM

المشاركة الأصلية كتبت بواسطة NaderNabil

تصحيح بسيط يا باشا....الابيزا ال 1000سي سي بتطلع 50 حصان...37كيلووات

فى موديلات كتير نزلت مصر 1000cc و16 valves بتعمل 72 h.p

بعدين خلاص يا نادر ما احنا قولنا للراجل الهوندا تكسب بمررررررراحل :D
بلاش تيجى على الحتة اللى بتوجعنى كتير :D:D:D

**NaderNabil** · 04-05-2008 12:23 AM

المشاركة الأصلية كتبت بواسطة SEATLOVER

فى موديلات كتير نزلت مصر 1000cc و16 valves بتعمل 72 h.p

بعدين خلاص يا نادر ما احنا قولنا للراجل الهوندا تكسب بمررررررراحل :D
بلاش تيجى على الحتة اللى بتوجعنى كتير :D:D:D

بصراحة يا عمرو مافيش أي معلومات علي الشبكة:D بتقول ان فيه 1000 سي سي 16 صباب و بيطلع 72 حصان سواء من سيات او من فولكس جروب عموما

ياريت لو فيه لينك الواحد يستنور بيه

**fahd_628** · 04-05-2008 03:41 PM

سيفيككككك طبعاااااااااااااااااااااا

**Lord of the flies** · 04-05-2008 04:08 PM

الهوندا للقيادة الراقية و السيات للاستعمال الرياضى والشوارع التى تكثر بها المطباط مع ترشيحى الرهيب للهوندا

**goofy301** · 04-05-2008 09:38 PM

المشاركة الأصلية كتبت بواسطة SEATLOVER

اهلاً بيك يا goofy301 فى قسم السيات
والله حاجة تفرح دايماً الايام دى عندنا المشاركة الاولى لناس كتير ...ربنا يزيد
..هو بس حضرتك سؤالك بيبقى فى قسم المقارنات .. عشان بتقارن بين عربيتين

على العموم
طبعاً المايسترو بتاعنا رد عليك رد وافى وكامل (على استحياء) من وجهة نظرى
انا هاقولك بصراحة و على بلاطة
فى عوامل المقارنة اللى حضرتك حاططها
الهونـــــــــــــــــدا تكسب بمررررررررراحل
مفيش حاجة الابيزا تكسب فيها فى المقارنة دى سوى (توفير البنزين )

ورحم الله امرىءُ عرف قدر نفسة :D

اشكرك يا SEATLOVER على ملاحظتك.....واشكر كل السادة الافاضل المحترمين على التوضيح المفصل ....
هو بصراحة يا جماعة الموضوع مش موضوع مقارنة تحديدا قد ما هو حيرة فى الاختيار ما بين الحديث والقديم ليس اكثر وحيرتى بسبب ذهابى الى احد معرض السيارات للشراء فعلاً فوجدت الاتى :
هوندا سيفيك 93 SI 1600cc بسعر 54000
ابيزا 1000cc موديل 2001 بسعر 52000
بونتو 1300cc موديل 2004 بسعر 54000
وكان احتيارى بسبب هل اركب موديل قديم بسعة لترية اعلى ولا موديل حديث بسعة لترية اقل مع وجود نفس الكماليات.......ارجو اكون وضحت الصورة اكثر مع العلم ان استخدامى عائلى ليس اكثر...

**mohamed ibiza** · 05-05-2008 09:14 PM

زي ما قال سيات لوفر انا عن نفسي بعشق شكل الهوندا 93 جامدة جدا جدا و الابيزا 2001 احلي شكل نزل في الابيزا بص الهوندا تكسب في كل حاجة شكل و تصميم وجري لانها قدرتها اعلي و حلو الكلام كده بس في4 نقط لصالح الابيزا اولا توفير بنزين رهييييييييييييب ثانيا قدرة علي الحرت مع شوارع بلدك اكتر من الهوندا و عمر افتراضي اطول للقطع و كمان فرق سعر شوية لصالح الابيزا و كمان موديل حديس 2001 2001 مش 93 94

Ibiiiiiiiiiiiiiiiiiiiiiiiiiiiiiiiiiiiiizzzzzzzzzzz zzzzzzzzzaaaaaaaaaaaaaaaa For Ever