فزورة احتار فيها الناس !!!الشاهين بتسخن في السريع بس و في الزحمة لا و عجبي؟؟؟؟

**sharpen** · 10-07-2011 01:48 AM

المشاركة الأصلية كتبت بواسطة tawfik346

يا استاذ sharpen العربية عندي مش بتنتش حتي و هي سخنة و بتجري معايا لحد 155 كم\ساعة بدون مشاكل باستثناء الحرارة

اقرا اخر سطر فى المشاركة اللى انت رادد عليها

بس مش هو سبب سخونة عربية صاحب الموضوع

الكلام كان لصاحب ال128

**bassem.naguib** · 10-07-2011 09:15 AM

المشاركة الأصلية كتبت بواسطة sharpen

ببساطة من غير مندخل فى فايدة السوستة

خرطوم الفايظ دة لية اهمية كبيرة ...اية ؟

بيعادل الضغط المتغير فى غرفة الزيت نتيجة حركة البساتم

مش بس علشان تسخين العربية او الحفاظ على البيئة بتدوير بخار الزيت زى مالناس فاكرة

السوستة الحلزونية الله فى بدايتة مع الوقت والزيت بتتسد طبعا مع حركة البساتم ضغط الزيت لازم يطرشق من اضعف حتة ( اويلسيل - جوان الاسبراتير - طلمبة البنزين الميكنيكية - جوان......على حسب )وطبعا تقعد سيادتك تعالج الرشح من حتة يطلع من حتة تانى لغاية ماتكرة العربية:b4_611:
طبعا زيادة الضغط فى الكرتيرة بيزود حرارة العربية وبيكتم البساتم ويخليها تنتش

بس مش هو سبب سخونة عربية صاحب الموضوع

سؤال تاني لسيادتك وللسادة الأفاضل ... هل بتفرق علبة الشكمان الوسطانية أو الأخيرة في السخونة .. بمعنى أخر لو غيرتهم الموضوع حيتحسن .

مع العلم أني مركب ترموستات واطية علشان بخاف وأنا ماشي على سرعة كبيرة العربية تسخن مني وعارف أن ده غلط ومش صح وبيخلي المرواحة شغاله على طول .. بس مضطر ليها .

**Elawany13** · 10-07-2011 09:20 AM

المشاركة الأصلية كتبت بواسطة Elawany13

أنا فاهم ان درجة الحرارة المثاليه للشاهين هى 90
ومقتنع بكده
علشان كده مغيرتش التريموستات

اللى محل جدل هيه تريموستات الكوعه

المشاركة الأصلية كتبت بواسطة sharpen

نقول تانى
ركب ترموستات كويسة للكوعة

يا عالم ياهو انا مهندس ميكانيكا مجال تخصصى وعملى المواتير

انا زهقت
انت حر

ماشى ياعم sharpen
حاضر هسمع الكلام
بس متزقش بقى
بالنسبة لتيرموستات الكوعه

النوع النظيف الإيطالى ولا تركى ؟

وهل هوه زى التانى بالظبط فى الشكل ولا فيه اختلاف ؟

والمفروض تريموستات الكوعه بيشتغل على درجة كام
90 درجة مئوية زى التريموستات التانى ولا فيه اختلاف ؟

شكرا يابشمهندس

**sharpen** · 10-07-2011 01:36 PM

طبعا الايطالى افضل بس هات التركى
لان معظم الايطالى مضروب اما التركى متوسط الجودة
فلو ضامن انها نوعية كويسة دور على لانشيا ( غالية وصعب تلاقيها غير عند واحد بيحترم زباينة ) او اى ماركة محترمة-اوروبى الاسيوى مش هايركب عندك- بس خلى بالك المقاس والشكل بيختلف من عربية للتانى
اما بالنسبة لدرجة الحرارة كلة زى بعض - دى مش بتفتح مرة واحدة وتقفل مرة واحدة زى بتاعة المروحة دى نسبة فتحها على حسب حرارة الموتور بس اعتقد بداية فتحها عند 50 او 60
شوفت الموضوع مش بالبساطة اللى الناس متخيلاها

المهم اتاكد من المقاس كويس اوى اوى وانها نوعية اوروبى لان حرارة المواتير دى ( حتى فى مقاس الصواميل ) مدرسة مختلفة عن الاسيوى

**sharpen** · 10-07-2011 01:43 PM

المشاركة الأصلية كتبت بواسطة ziabassem

سؤال تاني لسيادتك وللسادة الأفاضل ... هل بتفرق علبة الشكمان الوسطانية أو الأخيرة في السخونة .. بمعنى أخر لو غيرتهم الموضوع حيتحسن .

مع العلم أني مركب ترموستات واطية علشان بخاف وأنا ماشي على سرعة كبيرة العربية تسخن مني وعارف أن ده غلط ومش صح وبيخلي المرواحة شغاله على طول .. بس مضطر ليها .

واية اللى يخليك مضطر ؟؟
ركب ترموستات المروحة بتاعتها 92 على 87
وعلى سرعة كبيرة المروحة مش هاتحتاجها لان الهوا اللى داخل على العربية اكتر بكتييييييير من هوا المروحه

الغريبة كل واحد هنا يكتب هو عامل اية وبعدين يقول هو عارف انة غلط

لو سمحت عايز تعدل فى الاكسسوار او حتى الكهربا ماشى
الموتور وحدة متكاملة هتلعب فى حاجة هتاثر على 60 حاجة قصادها

**bassem.naguib** · 10-07-2011 05:10 PM

المشاركة الأصلية كتبت بواسطة sharpen

واية اللى يخليك مضطر ؟؟
ركب ترموستات المروحة بتاعتها 92 على 87
وعلى سرعة كبيرة المروحة مش هاتحتاجها لان الهوا اللى داخل على العربية اكتر بكتييييييير من هوا المروحه
ما هو لما كنت مركب الترموستات 92 وبمشي على طريق سريع أمبير الحرارة كان بيقرب من الرد زون .. والعربية بتاخد فترة أطول علشان تبرد .. وأضطر أقلل السرعة على الأخر علشان الحرارة تنزل .. أنما مع الترموستات الواطية بيبقى عندي وقت شوية أنه الحرارة متزدش للرد زون .

الغريبة كل واحد هنا يكتب هو عامل اية وبعدين يقول هو عارف انة غلط

متزعلش نفسك يا باشا .. حقك عليا .

لو سمحت عايز تعدل فى الاكسسوار او حتى الكهربا ماشى
الموتور وحدة متكاملة هتلعب فى حاجة هتاثر على 60 حاجة قصادها

المهم بقى .. بعد تغيير علبة الشكمان الوسطانية والورانية هل الموضوع ده حيختفي .. ولا فيه احتمالات تانية .

حكاية السوستة اللي في مخرج الفايظ .. هل دي موجودة في كل المواتير ولا موجودة في المواتير الانجكشن فقط .. بمعنى تاني موجود في الـ 128 ولا لآه .. لأنه متهيألي مسمعتش عن السوستة دي (أو البلف) أنه موجود فيها .. معلش أثقلت عليك في الأسئلة .. وتحياتي يا باشا .. وبعتذر لصاحب الموضوع للخروج عن مضمونة الأصلي .

**sharpen** · 10-07-2011 06:59 PM

البلف موجود فى كل العربيات ( لازم تهوية لضغط الزيت ياما ينفجر )
علبة الشكمان مش هتاثر على السخونة غير لو كانت مسدودة وهى عمرها ماهتتسد حتىلو باظط هاتتفتح مش تتسد
سيادتك اكيد فاكك ترموستات الكوعة ....صح ؟
روح راكبها
خلعها بيسبب السخونة على الطوالى
العربية تاخد وقت على ماتسخن ووقت طوييييييل علشان تبرد

**sharpen** · 10-07-2011 07:16 PM

علشان ابسط للناس فكرة ترموستات الكوعة
هى فى خالة فتحها بتسمح بمرور كمية بسيطة من الميةعلشان تحاقظ على الحرارة المثالية للمكنة وبكدة يبقى فى مصدر محفوظ للمية الباردة فى الرداتير وقت الشد على المكنة بتفتح اوسع ( على حسب كمية الحرارة بتوسع ) وبالتلى المكنة هتلاقى مية باردة فى الرداتير
لما سيادتك تشيلها ايوة العربية بتاخد وقت طويل علشان تسخن ( ودة عيب مش ميزة ) تيجى حضرتك تضغط على المكنة هتلاقى مية سخنة فى الرداتير على مايبتدى يبرد الحرارة الزيادة تكون المكنة شاطط
اما بالنسة للادا فترموستات الكوعة دى ليها قصة تانى ودى لازم تتشال