السلام عليكم
عايز اشترى i10 زيرو
لقيت واحدة 2010 عاملة 58 الف جنيه فى معرض فى مصر الجديدة
العداد عامل 37 كيلو
هل ده طبيعى ولا ايه
و ازاى اتمم عليها عند الاستلام
شكرا
عرض للطباعة
السلام عليكم
عايز اشترى i10 زيرو
لقيت واحدة 2010 عاملة 58 الف جنيه فى معرض فى مصر الجديدة
العداد عامل 37 كيلو
هل ده طبيعى ولا ايه
و ازاى اتمم عليها عند الاستلام
شكرا
جايز عشان الشكل القديم؟
ابعد عن المعارض دول كلهم نصابين
عادة
37 كم ولا
37000
لو 37 ده عادى لانها بتتقل من المخازن او بين المعارض
الناس كده قلقتنى معاك
37 عادى اعتقد دا 50 عادى
الفكره لو السعر نازل اوى بلاش منها هى دى ال65 ولا 73 !! المفروض 2011 ب كام ؟
لكن لو نازل الفين تلاته مش مشكله و ادام باكياسها وحاجتها متقلقش بس شيك على الابواب و و و متسبش خرم ابرا عشان المركون ممكن يكون فيه مشكله موقفاه فل المعرض او مخزون اديم او كانت معروضه فى معرض والناس هريتها فرجه و فتح و افل و تشغيل او
ازاز مشروخ بلاستكيه مكسوره فى باب ورانى فا محدش بياخدها وهكذا
اادام اورقها سليمه و مش مترخصه قبل كده بس ركز فى ارقام الشاسيه و الكلام دا
و بعدين بيبان جدا ازا كانت ماشيه مركوبه او ماشيه نقل للمعرض بس
وممكن تاخد معاك سمكرى
ونقطه اهم ليه 2010 متجيب 2011 عشان حتى لو فكرت تبيع بعد كده
كده كده الفرق الىى هتوفره هتخسره اما تبيع فرق السنه دى
و طبيعى تلاقى اسعار العربيات ال 2010 نازله دلوقتى هتلاقيها مركونه و واقفه و يبنزلو غالبا فيها تلات اربع تلاف عشان متكونش بضاعه واقفه
وبعدين فى فرق بين 2010 و 2011 ؟؟ هل فيه فرق بينهم ؟
انا كل دا بتكلم عن الزيرو
37 تعتبر زيرو وش معقول غير كده
انما فرق السعر فيه قلق
اقصى حاجه تقل عن تمنها الاصلى 1000 او 2000
37 كيلو عادى انا اشتريتها من سمير ريان كانت عامله حاجه و عشرين كيلو
انا افضل انك تشتريها زيرو و من سمير ريان او من غبور نفسه
اتأكد ان العربية مفيش فيها خدوش حتى عند اوطى حته فى الاكصدام
اتأكد من الجنط الاستبن
المفتاح التانى و لو معاها ريموت
الاريال
علبة الكاسيت
العلبة البلاستيك اللى مكان الكاسيت و معاها شوية مسامير
كتالوج الكاسيت و ضمانه
كتالوج العربية
كتيب الصيانة
المسمار اللى بتتقطر منه العربية من قدام
ربنا يباركلك فيها
و لما تستلم روح اظبط ضغط العجل على 30 او 28 علشان بيكون منفوخ زياده لحد 40 و اكتر
شكرا على الرد
موديل 2010 ازاي و 2011 بتخلص خلاص ؟ يبقي العربيه دي مخزنه بقالها فتره طويله و معرفوش يخلصوا منها ازاي فبلاش منها طبعا و اشتري 2011 من التوكيل مباشره
ابعد عنها دى كده موديل سنتين فاتوا
اخذت سمكرى علشان يشوف لاقينا
كسر فى الصدر
سمكرة فى الشنطة والكبوت
رشة كلها
يعنى وقعت من على الكونتينر وشش
و عايزين يبيعوها زيرو
اللى عايز يتاكد العر بية فى معرض فى يوسف عباس امام نادى الزهور
المعرض له فرعان تانى
فى شارع الطيران(الحى لسابع)
فريد سميكة بعد (منصور) جامع الفتح م الجديدة
لونها كحلى
حسبى الله و نعم الوكيل
اخذت سمكرى علشان يشوف لاقينا
كسر فى الصدر
سمكرة فى الشنطة والكبوت
رشة كلها
يعنى وقعت من على الكونتينر وشش
و عايزين يبيعوها زيرو
اللى عايز يتاكد العر بية فى معرض فى يوسف عباس امام نادى الزهور
المعرض له فرعان تانى
فى شارع الطيران(الحى لسابع)
فريد سميكة بعد (منصور) جامع الفتح م الجديدة
لونها كحلى
حسبى الله و نعم الوكيل
طيب حضرتك ما تقول لنا علي أسم المعرض
top line motors
top line motors