شكرا يا باشا على الموضوع المهم ده
رقم العضوية : 5500
تاريخ التسجيل : 11Feb2008
المشاركات : 731
النوع : ذكر
الاقامة : cairo
السيارة: kia pride
السيارة[2]: proton gen2
دراجة بخارية: steed
الحالة :
بسم الله الرحمن الرحيم
دي بعض الحاجات اللي طلبها الاخ العزيز بوشي وسلامي للأعضاء المحترمين من الاسكندرية وعلي رأسهم العميد دياب ما خلاص احنا اخدنا الدوري والف مبروك
بعض المستلزمات الخاصة بالكاستم وكلها من عند تامركو اللي في جسر السويس
بداية جوانتي هاف ماركة Z1R
سعره 140 جنيه وكنت شاريه من شهر ونصف ب 130 مش عارف ازاي وسألت قالك غلي 10 %
غطاء هاف للوجه سعره 85 جنيه دبل فيس
طبعا استحالة البسه علي هذا الاتجاه
وده وانا لابسه طبعا شكلي قمر والجوانتي كمان
والتالي بعض الصور لرش الموتور وطبعا هو مش نيكل هو لونه فضي مط
بعد عمل سنفرة كويسة
في مرحل التمهيد للدهان
الوجه الآخر
بعد الدهان
لعلك أستفدت
وتقبل تحياتي
رقم العضوية : 2733
تاريخ التسجيل : 22Oct2007
المشاركات : 43
النوع : ذكر
الاقامة : egypt , cairo
السيارة: gets
السيارة[2]: nissan suny
الحالة :
شكرا يا باشا على الموضوع المهم ده
رقم العضوية : 12514
تاريخ التسجيل : 08Jun2008
المشاركات : 199
النوع : ذكر
الاقامة : Alexandria
السيارة: HONDA Cbr 1000 rr
السيارة[2]: Skoda - Octavia A5
دراجة بخارية: 2008 Honda CBR 1000rr
الحالة :
السلام عليكم ورحمة الله وبركاته ,,,
أولا أنا أسف يا درش علي التأخير في الرد , بس النت عاندي كان بيستهبل كالعاده .
أما تعليقاً علي الصور اللي فوق , فأولاً بشكرك بشده علي سرعة إستجابتك لتساؤلاتي ...
أما بالنسبه للجونتي ,,, فأنا فعلاً دخلت شوفته علي الموقع بتاع z1r وفعلاً هو شكله مريح جداً وكمان عملي ,,,
وبالنسبه للكمامه فأنا حسيت النهارده بس بأهميتها , عشان طلعت علي طريق محور التعمير عندنا في إسكندريه وكلت ما لا يقل عن نص دستة حشرات متنوعه من أجود الأنواع ومختلف الأحجام ................. يعععععععععععععععععععععععع
وطبعاً منصحكش تلبسها علي الناحيه بتاعت الجمجمه دي عشان شكلك حيكون بيسو كني قوييييييييييييييييييييييي يييي ( بهزر )
أما بالنسبه للصدأ بتاع الموتور فأنا عديت النهارده وأنا مروح علي واحد صنايعي وبويجي سيارات بس محترف قوي قوي يعني , قالي أنا ممكن أحاول معاها بإستخدام سلك مواعين من بتاع البيت و أدعك الصدا ده بخليط من الجاز و مزيل الصدأ اللي موجود في البنزينه ,,, وده عشان أتجنب موضوع الرش خالص ,,,,,,,,,,,,,,, بس بأمانه الموتور عندك بعد لما إترش بقي شكله تحفه فنيه (( بسم الله ما شاء الله ولا قوة إلا بالله )) وواضح إن اللي رشه فنان وصانيعي عشان هو مكفن الموتور تكفينه تمام قوي ...
أما بالنسبه للإختلافات فيما بين المكنه عندك و المكنه عندي كالأتي :
1- التنك عندك لونين , أنا المكنه كلها عندي لون واحد ( نبيتي دم غزال ) .
2- الشاسيه بتاع المكنه عندي لونه إسود يعني الرقبه بتاعة المكنه و الغطاء اللي تحتيه فتحة الردياتير لونه إسود وكمان القاعده المتثيت عليها الردياتير سوداء , وكمان الحديد اللي ماسك العجله اللي ورا لونه إسود .
3- الرفرف الخلفي فيه عاكس من كل ناحيه من الناحيتين خلف الإشارات بشويه .
4- الجادون عندي مختلف تماماً , يعني عندي مفتوح قوي أكتر من كده بكتيررررر .
5- الباغه البلاستك اللي النمر محطوطه عليها عندك دي مش عندي خالص ,,, أنا عندي النمر طايره في الهوااااااااااااااااااااا ا ...
أما فيما عدا ذلك فهناك تطابق تام بين الإثنين , مش إخوات بقي , ههههههههههههههههههههههههه ه
بس بإمانه بسم الله ما شاء الله علي المكنه , ربنا يكفيك شرها وشر طريقك . قولوا أمين
رقم العضوية : 76121
تاريخ التسجيل : 24Jul2010
المشاركات : 316
النوع : ذكر
الاقامة : ELMINYA
السيارة: IT WAS 405
السيارة[2]: CHEVY OPTRA 2010
دراجة بخارية: i hope cbr250r
الحالة :
ربنا يكرمك يا استاذ مصطفي
و العبد لله بيكتب اغنية راب
جايب سيرتك فيها بالخير طبعا
وانشا الله علي بكره بليل اخلصها
رقم العضوية : 5500
تاريخ التسجيل : 11Feb2008
المشاركات : 731
النوع : ذكر
الاقامة : cairo
السيارة: kia pride
السيارة[2]: proton gen2
دراجة بخارية: steed
الحالة :
اه ده يا بوشي
يعني مطلعناش توأم
بس اكيد ابونا واحد
المهم ، تسلم يا باشا علي ردك الجميل وغالبا الاختلافات اللي بينا نتيجة فرق الموديل وكمان هوندا بتنزل بعض الموتوسيكلات في دول بمواصفات غير الاخري ، انا مكتوب عندي كلام كتير بالفرنساوي ، والورق بتاع الافراج من سنة ونصف لما صاحبي كان شاريها ، كان مكنوب عليه وارد فرنسا او كندا مش متذكر
شوف انتا ايه اللي عاجبك من الموتوسيكل بتاعي وانا افكه وابعتهولك.
وبالنسبة لموضوع سلك المواعين انك تيجي بيه ناحية الموتور فأمر طبيعي ان الموتور هايتجرح ده أكيد
والقصة مش صدأ ، ده تآكل طبيعي للون الموتور بعد كل السنين دي ، يعني بالبلدي كده الدهان فرقع من علي الموتور نتيجة السخونية والعوامل الجوية
وانتا لو تاخد بالك من الصور هاتلاقي ناحية الشمال ناحية الفتيس وش الموتور نتيجة الرمال والاحتكاكات والاتربة الوش متكحت
طيب ده هاتعمله ازاي بسلك مواعين ركز في الصورة دي والعلامة اللي بالاحمر
المنطقة دي مافيش حاجة بتحميها خالص
بصراحة انا خايف تجرب موضوع سلك المواعين دي وتجرح وش الموتور
طيب خليها سنفرة الاول لو مصر تعمل كده
وكما الدهان مش بيكلف كتير وعمره هايبقي احسن يعني هايقعد معاك يجيي سنة كمان
وهايغير شكل الموتور
المفضلات