كربيراتير ال١٢٨ جنني

ال١٢٨ جت النهارده بدورها برجلت واول ما أشيل رجلي من على دواسة البنزين تبطل وغستهلاكها الفترة الي فاتت كان عالي قوي يادوب ١٠٠كم في الصفيحة!!!
المهم فتحت الكبوت لقيت الكربيراتير بيرمي بنزين بره فكيت الكربيراتير وطلع بترمي من عند رداخ البنزين قمت مغير الجلبه الكاوتش الي جواه وأدي الصورة
http://img24.imageshack.us/img24/7434/imag0274a.jpg
المهم العربيه بعد أول مرة برجله مكنتش راضيه تدور تاني بعد ما غيرت الجلبه دارت بس برده مبرجله وبتبطل ولقيتها بترمي بنزين برده إيه السبب في رأيكو
العربيه متغيرلها طقم كهربى من يومين والموتور مظبوط مش خفيف

في واح مشهووور اوي بتاع كربراتير في عين شمس لو عايز تروحله ممكن اجي معاك او اوصفهولك... بس مشكلته انه زحمة جدا

رووووووح الصفا اللي في قباء بعد حبيبك اوماترا بشارعين

حلول تمام جدا بس العربيه مبتتحركش أصلا

طيب ما تحط الموضوع في الورشة يا يوكو ... اكيد حد ممكن يفيدك هناك ازاي تحركها حتي :))

العوامة معلقة هات مفتاح بلدي مناسب او مفك واقعد تكتك عليه زي بتوع الانابيب بس بحنيه (اقتراح)
وممكن يكون شداد او سلك الدواسه البزين معلق او الشفاط ( احتمال بعيد بس ممكن )

صحيح انت ليك خبره في الكربراتيرات ؟ طيب جبت كاوتشه الرداخ منين ؟ هل فيها سوسته ولا لا؟ هل انت مركبها صح ؟

انا أول مرة أفكة بنفسي وجبتها من عند بتاع قطغ غيار وركبتها بنفسي زي الي كانت راكبة والسوتسه كانت مريحة شويه قمت شاددها مطولها شويه

بص على الرداخ اللى جنب الاسبراتير اللى هم داخل عليه خرطوم البنزين اللى بيقولو عليه طلمبه البنزين

عشان مره عملت معايا الحركه دى والبنزين كان بيطلع بره برضه بس مش من عند الكربراتير

اما لو العوامه اللى بداخل الكربراتير معلقه فحيحصل نفس المشكله برضه

ودى عشان توصلها حتفك المسامير اللى فوق اللى ماسكه الجزء اللى فوق بتاع الكربراتير حتلاقى حوض صغير وفيه عوامه نحاس صغيره
العوامه دى حاول تطلعها وتنضفها وتشوف مخرومه ولالا وبعد متركب الكربراتير حتلاقى العربيه دارت
ولازم تروح لبتاع كربراتير يكمل المشوار بعديك

بس انت ممكن تمشى بالعربيه كده اصلا كل اللى حتعمله حتربط المسمار بتاع السلانسيه اللى حتلاقيه جنب دراع الدواسه البلاستك الابيض ده
وحتلاقى المكنه عليت كأنك دايس سنه بنزين ومش حتبطل لحد متروح لبتاع الكربراتير



ولو العربيه بطلت وعاوز تدورها ومش عاوزه تدور حتدوس بنزين على الاخر وتفضل دايس على الاخر وتدور اللعربيه واول متدور تشيل رجلك سنه سنه من الدواسه

اقتباس:

---

المشاركة الأصلية كتبت بواسطة misoalex

بص على الرداخ اللى جنب الاسبراتير اللى هم داخل عليه خرطوم البنزين اللى بيقولو عليه طلمبه البنزين

عشان مره عملت معايا الحركه دى والبنزين كان بيطلع بره برضه بس مش من عند الكربراتير

اما لو العوامه اللى بداخل الكربراتير معلقه فحيحصل نفس المشكله برضه

ودى عشان توصلها حتفك المسامير اللى فوق اللى ماسكه الجزء اللى فوق بتاع الكربراتير حتلاقى حوض صغير وفيه عوامه نحاس صغيره
العوامه دى حاول تطلعها وتنضفها وتشوف مخرومه ولالا وبعد متركب الكربراتير حتلاقى العربيه دارت
ولازم تروح لبتاع كربراتير يكمل المشوار بعديك

بس انت ممكن تمشى بالعربيه كده اصلا كل اللى حتعمله حتربط المسمار بتاع السلانسيه اللى حتلاقيه جنب دراع الدواسه البلاستك الابيض ده
وحتلاقى المكنه عليت كأنك دايس سنه بنزين ومش حتبطل لحد متروح لبتاع الكربراتير



ولو العربيه بطلت وعاوز تدورها ومش عاوزه تدور حتدوس بنزين على الاخر وتفضل دايس على الاخر وتدور اللعربيه واول متدور تشيل رجلك سنه سنه من الدواسه

---

ممكن صورة للرداخ ده أما إنها تدور بتعليه السلانسيه فده مستحيل أنا حطيت رجلي على أخر الدواسة العربيه مزودتش عن ٢ ار بي إم ومبرجله اول ما خفيت رجلي من على الدبرياج بطلت!!!
بفكر أفك الكربيراتير وروح بيه للراجل محلول