والبعض الاخر لا يرى الا ما يوافق مصلحته وهواه
ربنا ينور بصرهم ليروا ما حولهم
عرض للطباعة
مهو طبيعى ان الخارج عن القانون يبقى قرفان من منفذ القانون
بس ياترى بينفذه دون التمييز بين وزير ووكيل نيابه وظابط شرطه ومواطن عادى ولا الكل عنده سواسيه انا فى مره شفت ظابط بيحاسب عربيه واللى راكب العربيه بيقوله دى عربيه وكيل نيابه ولسه بيكلمه فى التليفون قاله رخصك هتتسحب ولو هيشيلو النجوم اللى على كتفى دى بعدها عشان سحبت رخصك بردو هسحبها ايه رأيك فى دا وايه رأيك فى واحد تانى اول ماطلعله الكارنيه قالو انا اسف ياباشا ومشاه وهو حاجز جنبه 2 او 3 بنفس المخالفه وطبق عليهم القانون للأسف يأحمد انت بتدافع على فئه الظاهر منها سئ أكثر من جيد والناس كلها ياما شافت ظلم من الناس دى فى استحاله انها تقف جنبها وهى اللى كانت أداة ظلمها فى السابق شوف كام واحد محترم اتهزء واتهان من عيل بـــــــــــــ مش هقول الكلمه لأحترامى لنفسى لسه متخرج لمجرد ان البيه عايز يحس بنفسه ويشبع عقدة النقص اللى عنده
اللى نازلين الشارع دول عايزن الكرامه ليا وليك عايزين يوم ما واحد فينا يغلط يتحاسب بالقانون دون التمييزبمهنته او وظيفته عايزينك تبقى ماشى فى الشارع مش لمجرد ان بيه منهم لقاك راكب عربيه احلى من عربيته ولا شكلك محترم اكثر منه فا يوقفك عشان يستمتع بأذلالك واهانتك زى ما بيحصل فى الكماين وبشوف بعينى دا كتير
والأهم من دا كله عايزين اللى سرق حقى وحقك وحق ولادى وولادك فى المستقبل ان شاء الله يتحاكم عشان محدش تانى يعمل زيه ويفكر قبل ما يتصرف التصرف دا اتانى
الظابط الشرطه اللى يحترم المواطن ويعرف يفرق بين المجرم والمحترم ويتعامل بما يرضى الله وفى ظل القانون وعدم القهر فوق دماغى من فوق لكن اللى يعاملنى على اساس انه باشا وسيدى زى ما كتير منهم بيعتقد مالهوش عندى غير الجذمه وعلى فكره لسه زى ما هما ماتغيروش وعشان كدا هما مابيشتغلوش وسايبين الناس يعملو زى ماهما عاوزين وواخدين حكايه هجوم البلطجيه دى حجه وستاره لتنفيذهم لمخططهم بنشر الفوضى وعدم أنتشار الأمن لتحقيق المصالح العليا لأسيادهم اللى ادلوهم حق البلطجه على الناس
البعض الأخر دا مش عايز سوى مصلحة مصر.
البعض الأخر دا هو اللى ثابت على مبادئه ومواقفة ولم يغيرها ولن يغيرها.
البعض الأخر هو اللى معتصم في التحرير حتى الأن من أجل أن تحقق الثورة كافة أهدافها ... فالنظام لم يسقط بعد.
البعض الآخر دا لم يقتسم كعكة مصر مع زيول النظام ... لأنه مش طامع في السلطة.
البعض الأخر إن شاء الله هو اللى هينتصر في النهاية لآنه على حق والأيام بيننا.
البعض الأخر دا هو خيرة شباب ورجال ونساء مصر.
الاستاذ المحترم A.Saad
اشهد انك انسان مؤدب وذوق ولم اجد لك ردا واحدا بعيد عن اللياقة حتى مع من يهاجمك ولعل هذا يشجعني ان اسالك بكل محبة واتمنى الرد
هل تتمنى ان تشيع الفوضى بحيث تكفر الناس بالثورة وتنقلب عليها؟
هل تتمنى ان يأتي اليوم الذي يخرج الناس فيه للشوارع بكثافة مطالبة بعودة نظام مبارك للحكم والاعتذار له؟
هل تتمنى ان تفشل الثورة في اسرع وقت ممكن ولا يتحقق اي شئ من مطالبها؟
طب معلش تعالوا نتكلم بصراحة
انا شايف ان الموضوع دلوقتي لا يقع ع عاتق الشرطة بس او المتظاهرين بس بل ع عاتقهما هم الاتنين
بالنسبة الشرطة :
فعلا هم منسحبين و المفروض ينتشروا عن كده لكن ايه السبب ؟؟؟ عجز في الافراد
بدليل انك لو دخلت اي قسم هتلاقي الموجودين يتعدوا ع الصوابع
و اللي شوفته ان بيحاولوا يتم توزيعهم قدر الامكان و الدوريات اليومين اللي فاتوا نزلوا تمام
لكن انسحبوا تاني مش زي ما نزلوا
و بالتالي في ناس بتستغرب لما واحد يقول دور ع عربيتك انتو اصحابك و منقدرش ندخل الحتت ديه فعلا ازاي هيدخل هو و 4-5 في منطقة عاملة زي الباطنية المفروض بيتعمل كوردون امني حوالين المنطقة و ده بتحتاج لاعداد فيه و بتبقي مجزرة كمان و خاصة ان دلوقتي مفيش حد من الاشكال ديه الا و معاه اسلحة بانواعها
فشايف انهم ينتشروا قدر الامكان في الاماكن اللي بعيدة عن المظاهرات و بالتالي اماكن المظاهرات اللي يتولي حماية المكان المتاظهرين من خلال اللجان و غير كده الشرطة و الجيش طبعا معاهم
طيب بالنسبة للمظاهرات :
هم عليهم الذنب الاكبر ...ليه ؟؟؟
هديكوا مثل بسيط لمجرد ان امين شرطي و مفصول من الدخلية عدي من هناكالدنيا اتقلبت عليه و اتمسك و عشرات مسكوا فيه كأنهم مسكوا ارهابي
قبلها يوم 28-6 برده امين شرطة عدي من هناك مسكوه و نزلوا فيه ضرب و مفيش غير قلة خلصوه بالعافيه ودوه للاسعاف بعد ما اضرب
فالطبيعي ان الشرطة تنسحب من اماكن الاعتصامات و غير ده في ناس هتيجي تولعها تفتعل مشكلة مع الشرطة عشان كله يضرب في الشرطة و العكس و نعيد الكرة تاني و الناس اللي بتقومها كتيير
و اقرب مثل فيديو اتنشر ع المنتدي هنا فيه واحدة من حركة و لا حزب مش عارف ايه فضلت تستفز ظابط لحد ما زقها و الموضوع مقصود و تم تصويره و تقولها صورتي اللي حصل يعني مترتبة
فتخيل بقي اللي هيزيطوا في الزيطة و برده الجيش انسحب اللي نزلوا التحرير ايام الثورة هيلاقوا ناس كانت بتتلكك للجيش عشان يمسكوا في بعض و بالتالي انت مش عايز تدي اي فرصة لأي حد ان يتلكك لك
و الطبيعي لو انت اضربت مش هتسكت يعني لو انت واقف انت و اصحابك و جيه واحد حادف طوبة عليكم اول حاجة هتعملوها ايه ؟؟هتروحوا تطبطبوا عليه ؟؟؟ لأ هتجيبوه من شعره و يتسحل ضرب و ده غير الشتيمة
فتجنبا لأي حاجة تحصل بينسحبوا من اماكن الاعتصامات و المظاهرات
عشان محدش يتلكك
بالاضافة ان كل ما الشرطة تنزل تطلع المظاهرات تضرب الشرطة الشرطة ترجع تاني تنسحب
و كل يوم و التاني ظابط يموت او يتصاب او واحد عادي يتعدي ع ظابط يبقي عايز الشرطة تنزل ازاي و انت مش مديهم فرصة حتة ينزلوا
ده يبقي كويس لو ناس اتقدمت لكلية الشرطة السنة ديه
واحد مش عاجبه ان الشرطي بيكلمه ان داخل غلط راح نازل ضاربه يا فرحتي
انهاردة قدام عيني في اشارة واقف طريقنا عشان الناحية التانية تعدي سواق تاكس راح مزعق فيه و عايز ينزل يضربه عشان يفتح الاشارة
هل التاكسي ده كان يقدر يعمل كده قبل كده ؟؟؟
و فيه عضو قال ان تأمين المتحف ع اللجان الشعبية بس من اللي قالك كده ؟؟؟؟ هل نزلت شوفت ؟؟ انزل شوف
سيادتك فيه افراد جيش و شرطة جوة المتحف و معاهم 20-25 شاب بيأمنوا بالتنسيق معاهم لكن جوة بس يعني محدش ليه دعوة باللي برة غير اللي واقفين برة
الجيش بيأمن المنشأت الهامة و الحيوية فقط و ما حوالها دلوقتي و لا حضرتك بتكلم ان الجيش يوقفلك ع كل عمارة في مصر وحدة ؟؟؟
و اخيرا صدقوني يا جماعة احنا اللي نقدر نخلي اللي يجي يتعامل معانا زي ما احنا عايزين باسلوبنا و احترمنا للقوانين احنا اللي نجبر اللي قدمنا
زي لما بتتعامل مع واحد لو انت اتعاملت معاه بطريقة غير محترمة هو هيتعامل معاك بنفس الطريقتك او يعني اللي تنفع معاك زي سواقين الميكروباصات عالم عايزة الحرق هل هتروح تتكلم معاه و تطبطب عليه لأ اول حاجة هتنزل تديله في وشه عالطول
هو الموضوع زي كده بالظبط
انما تجبلي واحد معندوس استعداد يلتزم بابسط القوانين و جاي يقولك أصل الشرطة مش ملتزمة يا عم طب اتلهي ع عينك التزم انت الاول و بعدين اتكلم
اولا اشكر لك مشاركتك فوق فهى فرصة لكى يعرف الاخر منا طريقته
لا امنى ان تشيع الفوضى فى مصر
ولم اكره الثورة فى بداياتها ولا حتى الان
ولكن كرهت فيها
اصرار البعض على الانتقام ، انتقام من كل ذيول النظام او من مبارك نفسه
لكن لست ضد محاكمة المخطيء وتكون محاكمة عادلة
ليس فيها ظلم لهم او للوطن
كرهت حالة من التخبط وعدم التفكير فى المستقبل
على المستوى الشخصى
افضل ان اسأل :
وماذا بعد
ورد الفعل
يعنى ايام معركة الغاء الدستور كنت من المعارضين
لانى توقعت حالة من التخبط بعد ذلك
ويمكن الرجوع لمشاركاتى
وهو ما تراه الان
بجدالنا وتفرقنا
الدستور ام الانتخابات اولا
كرهت ان البعض يريد ان
يرث ولا يبنى
يبحث عن الاموال المنهوبة
دون ان يعمل ليبنى بلده
ويتحدثون عن نصيب الفرد من الاموال المنهوبة
فاين نصيب البلد من عملهم
كرهت تدمير الشرطة
لانها بنيت فى سنوات عديدة
لا انكر اخطائها الماضية
ولكن يمكن تقويمها بدلا من تدميرها
لم يجب ان تصل المواجهات يوم 28 الى احراق المركبات والاقسام وقتل الظباط والجنود وقتل المتظاهرين
انا كنت فى الشارع يوم 29 الصبح
من اخر الهرم الى وسط البلد
مشاهد غريبة
تدمير ولا شيؤ غيره
طيب
هل بنينا التدمير ده
لا
كرهت كل شوية مليونية واعتصام
كل ما الاقتصاد يقوم
يرجع يقع تانى
البورصة خسرت الاسبوع الماضى
حجوزات الشتاء للسياحة اتلغت فما بالك بحجوزات الصيف
خد بالك حجوزات الشتاء
يعنى لسه اقتصادك مش هيقوم لحد الشتا
كرهت ان انسان كان باين انه وطنى طلع انه ساعى للسلطة - معلش انا عارف انك بتحبه -
كرهت ان مموح حمزة محركه الاساسى هو الانتقام من نظام سابق
نفسى المطالب تتحقق
لكن مش اوقف البلد علشان احققها
انا مبحبش النظام القديم ولا بشكر فيه
لكن بلدى اهم عندى منه
تقبل تحياتى
الخبر ده لو اخر سطر فيه صحيح مجرد التفكير بس تبقى دى بدايه النهايه وربنا يستر
ط£ظ‡ط§ظ„ظٹ ط§ظ„ط³ظˆظٹط³ ظٹط¯ط±ط³ظˆظ† طھطµط¹ظٹط¯ ط§ط¹طھطµط§ظ…ظ‡ظ… ظˆط¥ط؛ظ„ط§ظ‚ ط§ظ„ظ…ط¬ط±ظ‰ ط§ظ„ظ…ظ„ط§ط.ظٹ ط¨ط§ظ„ظ‚ظ†ط§ط© | ط¨طµ ظˆط·ظ„
+1111111111111
لو كل الناس بتفكر زيك كان زمان بلدنا بقت احسن بلد و ثورتنا احسن ثورة في التاريخ
بس واضح ان الكلام ماعدش له فايدة...مفيش حاجة الواحد يقدر يعملها دلوقتي غير انه يتفرج علي بلده بتتحرق و تدمر و بايد ولادها...خسارة الواحد افتكر بعد الثورة ان البلد هاتبقي احسن لكن للاسف واضح اننا ماشيين في سكة الخراب و الانهيار...و مفيش داعي للجدال او حد يهاجمني زي ما بيحصل دايما...نستني و نشوف هانبقي فين بعد سنة من دلوقتي و ادينا كلنا موجودين و مواقفنا متسجلة هنا في المنتدي