الخوف مش من الشرفاء
الخوف من المتزعمين الغير شرفاء (الثورة المضادة الحقيقية)والتابعين لهم سواء عن مصلحة أو بدون علم
http://www.nilemotors.net/Nile/231789-a.html
عرض للطباعة
الخوف مش من الشرفاء
الخوف من المتزعمين الغير شرفاء (الثورة المضادة الحقيقية)والتابعين لهم سواء عن مصلحة أو بدون علم
http://www.nilemotors.net/Nile/231789-a.html
فعلا
أنا مش قلقان من المتظاهرين الشرفاء أنا قلقان من الي بيصطادو في الميىة العكرة تبع مصالحهم الشخصية
الخبر نفسه والتهديد بغلق القناة ممكن أعداؤنا يستغلوه أسوء أستغلال ويقلبو علينا العالم بحجة تأمين القناة وأحنا ماشاء الله أعداءنا مستنين لينا على غلطة ولو بالأشاعات
الميدان أثبت إنه واعي و فاهم و قادر على تمييز الخبيث من الطيب و لا خوف عليهم إن شاء الله
للأسف دة اللي كنت متوقعه بعد 25 يناير
مشكلتنا كمصريين بناخد المواضيع بقلبنا مش بعقلنا يعني عاطفيين زيادة عن اللزوم
ليه مكنش سقوط النظام الحاكم و الحكومة شرارة البدء علشان نتنقل لمرحلة النهضة زي ما حصل في اليابان بعد الحرب العالمية و زي النهضة اللي بداتها ماليزيا
ليه مصرين نقف مكنا
ليه مصرين نقعد نقول دة اللي غلطان لا دة اللي غلطان لا التاني اللي غلطان
ليه لو سمعنا ان فيه اعتداء على الشرطة نقول ما هو بسبب اللي كانوا بيعملوه في الناس
ليه ايام 25 يناير اقتحمنا الاقسام و والله أعرف ناس محترمة و مش بلطجية ولا حاجة فرحانين انهم دخلوا و سرقوا ورق المحاضر من الاقسام ورق محاضر لمجرمين ممكن اي حد فيهم يأذيني انا او غيري
ليه احنا جايين نقول نقفل قناة السويس لو الكلام دة صح
لو لي أخ او صديق شهيد في 25 يناير و اللي قتله طلع براءة مش هزعل لا بالعكس هفرح لأنه رايح لمحاكمة اكبر و اعلى بكتير من محاكماتنا الدنيوية محاكمة الله عز و جل و عقابهم هيكون اشد
ليه كل واحد شايف ان مصلحتنا بطريقة مختلفة
كفاية بقى يا مصريين كفاية
دلوقتي الوقت اللي نزق البلد لقدام
و اعذرني يا استاذ احمد لو كنت طولت بس انا موافقك تماما
و حضرتك يا استاذ احمد و لو اني عاتب على حضرتك عتاب :(
بالنسبة للموضوع , طب لما دول اهالي محبوسين لا علاقة لهم بالمتظاهرين , و احنا اصلا في بلد فيها اكبر تعداد قوات امن في العالم , و التحرير اساسا مافيهوش امن , و السويس كذلك , يبقى ليه ندخل اهالي المحبوسين دول في الناس اللي بيدوروا على حقوقهم و حقوق غيرهم و حقوق بلدهم ؟
يا ستاذ احمد , النيابة و المحاكم اللي بيرفعوا الظلم دول طريق ثبت فساده و لو حضرت محاكمة اي مدير امن هاتشوف ده بعينك , حط نفسك مكان واحد شاف بعينه الظابط فلان بيقتل ابنه ( وهما في الاقاليم عارفين بعض) و تيجي النيابة و المحاكم تبرأه
يا استاذ احمد انا عارف ان حضرتك عايز البلد تستقر و تتحرك , بس حضرتك زي اللي بيقول لاصحاب الحق اسكتوا عشان البلد تتحرك ( او مش قادر تتحرى و تدقق و تتحرى الموضوعية اكتر عشان تشوف ان فيه اصحاب حق مش الكل مدعين , مش عارف بصراحة) و في المقابل ما قلتش لأ خليني مع دول عشان لما ينتصروا في معركتهم مع الظلم البلد ترجع مستقرة و نضيفة و تتحرك بجد , مش تتحرك لصالح الحيتان
ممكن تطلب حقك
لكن بلاش تدمر وتخرب
اعمل مظاهرة
مش لازم اعتصم
مش لازم احتك بالداخلية واحاول اقتحمها زى ما حصل قبل كدة
مش لازم اطالب بمجلس مدنى واقيل المشير والمجلس
لان اصلا طول ما فيه مظاهرات كدة يبقى مفيش انتخابات يبيقى مفيش استقرار
جزئية عدم موضوعيتى
ممكن تكون ظاهر ليك ان انا من انصار النظام البائد او بترحم عليه
والسؤال ده skynbird لسه سائله ليا برده
الحمد لله
قبل ما اقول راي بحاول على قد مقدر اعرف الحقيقة او الدافع ورا الاحداث
ومقدرش انحاز لطرف لمجرد انه يبان انه مظلوم
لازم تعرف هو فعلا وحقيقة مظلوم ولا بيدعى
واعرف ان الانحياز الاول والاخير ليا
بلدى واهلها وبس
لا حركة ولا حزب بتمناه
تسلم يا دون امادو
للأسف بعد ما قريت الموضوع التنموي الرهيب بتاعك اتوقفت قبل ما اعلق عليه :(
عموما بعد كده ثبت لي ان وقت التنمية ما جاش للأسف , اي محاولة للتنمية هايتم افشالها زي زمان بالظبط :(
يا فندم ربنا يكرمك
واضح فعلا ان وقت التنمية لسة مجاش
والا نبقى بنضحك على نفسنا
اهم من الشغل
ايه
تضبيط الشغل
جارى الضبط
و التضبيط
تقبل تحياتى
اولا ردا علي السيد ( تامر.محمد) ذكر سيادته ان الناس بتبقي عارفه ضباط الأقسام في الأقاليم , هذا الكلام غير صحيح علي الاطلاق فمن يعرف ضابط معين بأسمه في القسم فهؤلاء من معتادي ارتياد الأقسام او من المسجلين او دائما في حاله صدام مع الشرطه و بيفسحوه هناك كتير فطبيعي يكون عارف بعضهم او احدهم تحديدا , حتي في القري والتي تكون اقل عددا من المدن ممكن تلاقي النقطه ودي نادرا ما تجد بها ضباط اساسا كبيرهم ممكن صول . ثانيا
التظاهر و التعبير عن الرأي حق لكل مواطن , ولكننا الآن نتكلم عن
الاعتصام في الميدان حتي تتحقق المطالب فلا مانع من التظاهر بشرط عدم الاخلال بأمن البلاد والعوده لنقطه الصفر , فحق الشهداء الأبرياء اللذين قتلوا غدرا بالميدان او في اي مكان آخر ...يجب فيه القصاص ولا خيار آخر , اما جزئيه الافراج عن المتهمين من الوزراء في قضيه واحده فمن الممكن استدعاؤهم في قضايا اخري و يثبت التورط فيها زي ما حصل مع زكريا عزمي لما افرجوا عنه و رجعوا حبسوه تاني , يبقي كده احنا بنقول لأحكام القضاء انها ما لهاش لازمه , يعني احنا عايزين حكمنا احنا يتنفذ و طبعا القاضي ليه بالورق و ضميره و طبعا النيابه والنائب العام في صف الشعب لكن لعبه الورق و المحامين معروفه , يبقي السؤال هل احنا يبقي عندنا صبر الصيادين ونعرف نكتف الفريسه صح و لا نجعلها تخرج من الشبكه خصوصا ان دول مش اي فرائس و لا الغضب يعمي ونطالب بتعليق المقاصل والتشكيك في كل شيء طالما مش علي كيفنا , مما يفتح ابواب كثيره علينا و يجعل بعض من الحمقي يستغل هذه الظروف و يحاول ان يزيد النيران و يستثمر غضب الناس و يوجهه كما يريد كوسيله ضغط لتحقيق مصالح شخصيه , بالاضافه ان القضاه سوف يرفضون و يعارضون ان تتم ضغوط عليهم مما يضع الجميع في حرج بالغ , ويدفعنا دفعا لا اراديا الي ان نجعل القائمين علي شؤون البلاد والمسؤولين عن امنها يخضعون لاراده الشعب و يقومون بفرض الحكم العسكري بدلا من ان يتحول كل فرد من الشعب لقاضي و جلاد وتعم الفوضي العارمه , والتي لن يتركها اولي الأمر الآن تسير في هذا الاتجاه ليس من دافع الوصايه علي الشعب بل من دافع المسؤوليه والواجب وانهم من الشعب ايضا و دورهم يلزمهم بهذا , طبعا جميعنا يعلم جيدا الثمن الفادح من جراء فرض الأحكام العسكريه علي البلاد و سيكون وقتها و بعد ان يفيق الجميع من نوبه الغضب سيجد نفسه كمثل الدب الذي قتل صاحبه ظنا منه انه يضرب الذبابه التي علي انفه !! .
لأن الجيش عارف أن فيه مجموعه وسط المتظاهرين هتعمل أحتكاك مع الجيش وتهيج المظاهرات عليهم
قطاع الامن المركزى فى سينا عباره عن جيش ولبسهم شرطه ومعاهم كارنيهات شرطه علشان اتفاقيه كامب ديفيد
من أفضل الكلام اللى سمعته
لم اسئل لماذا انسحبوا .. اسئل لماذا اصبح العدد غير كافي الان !
و عموما تم إحالة مأمور «سمسطا» إلى التحقيق ووقفه عن العمل
و ده دليل علي مشكلة في عمل الشرطة كما قلت في مشاركاتي السابقة و نرجوا ان يكون التحقيق منصف حتي نصل لحل للمشكلة
ط¥ط.ط§ظ„ط© ظ…ط£ظ…ظˆط± آ«ط³ظ…ط³ط·ط§آ» ط¥ظ„ظ‰ ط§ظ„طھط.ظ‚ظٹظ‚ ظˆظˆظ‚ظپظ‡ ط¹ظ† ط§ظ„ط¹ظ…ظ„ ط¨ط¹ط¯ ظ‡ط±ظˆط¨ 11 ظ…ط³ط¬ظˆظ†ظ‹ط§ ظ…ظ† ط§ظ„ظ‚ط³ظ… | ط§ظ„ظ…طµط±ظٹ ط§ظ„ظٹظˆظ…طŒ ط£ط®ط¨ط§ط± ط§ظ„ظٹظˆظ… ظ…ظ† ظ…طµط±
عارفين أيه اللى كارهين البلد عايزين يعملوه
ممكن يهددوا المجرى الملاحى أو السفارات أو الاجانب أو خطوط الغاز أو أثارة الفتنه الطائفيه أو الأهداف الحيويه أو الهجوم على الأقسام أو التعرض لعناصر الشرطه والجيش
وضيف على كده تهريب الاسلحه والمخدرات من على الحدود
والأهم محاولة البعض ( وشفنا بتوع مصطفى محمود ) عمل جبهه عدم محاكمة مبارك , مش الغرض منها عدم محاكمته , لكن الغرض أن اللى بيطالبوا بمحاكمته ( باقى الشعب ) يحصل عنده أحتقان ويحصل تصادم بين الناس
طب كل ده يحصل أزاى ( فيه أيه لسه ما أتحققش )
لما يحصل فوضى أمنيه
لما يبقى الشرطه مالهاش وجود
لما يبتدى اللى بيهدوا جهاز الشرطه ينادوا بهد الجيش والهتاف ضد المشير وطلب مجلس رئاسى ( رجعت النغمه دى تانى )
أحداث مسرح البالون والهجوم على وزارة الداخليه كان غرضها أيه , ولا فيه حد هيقول أن الداخليه هى اللى راحت ضربت المتظاهرين
الجرايد والأعلام اللى قال بعدها أن الداخليه متغيرتش وأنها راجعه تانى علشان تنتقم من الشعب , الغرض منه أيه
ضابط الشرطه اللى مات علشان بيمنع حرامى يسرق عربيه , الغرض منه أيه
ومعتقدش أن فيه شخص مش مقتنع أن فيه دول ( مش بس أفراد ) مش ممكن تسمح بأنك تقف على رجليك
طب تعمل ده أزاى
مفيش أكتر من اللى بيحصل دلوقت غير بعد الداخليه ما تنهار تماما وبعد كده لما الجيش يقع
مش شرط أنه يقع بطريقه محاولة أيقاع الداخليه
لكن كفايه أن الداخليه تقع والجيش يتورط فى حفظ الأمن داخليا وتزيد الفوضى ويبتدى الناس تهاجم الجيش أنه مش عارف يتصرف ( لأنها مش مهمته التى يتقنها ) , وساعتها الحدود هيحصل فيها خلل , مش شرط ساعتها يحصل هجوم خارجى لكن دخول كل أنواع السلاح و الممنوعات اللى تساعد فى خراب البلد
وبعد كده نشد خط ونبتدى من جديد ونعمل مجلس رئاسى ويحيينا ويحييكم ربنا
نفس سيناريو العراق لو فيه حد ناسى
الداخليه أتفككت لأنها من العهد البائد وبعد كده الجيش أتفكك لأنه برضه من نفس العهد وبعد كده مجلس أنتقالى وبعد كده ..................
الموضوع مش دستور أولا أو محاكمات أو غيره
الموضوع أكبر من كده
طبعا فيه أعضاء هيقولولى أيه علاقة الكلام ده بمظاهرات التحرير
ردى أن كل واحد بيفكر بطريقته
مع تحياتى للجميع
للاسف الشديد دي تمثيلية ماسخة و واضحة اوي
اضربو انتو (( و انا الاقي ))
اعتصمو انتم و انا اقول انكم الشعب و انكم الجماهير
و لما كل مطالبهم كلها خلصت بشوية اصدار كام قرار يا عم شرف يا ثوري
كان ايه اللي معطلك في اتخاذ اللازم نحو التحرك لتحقيق العدل
و ايه هيه السلطة الجامدة دي اللي تخليك ( تنهي خدمة ) كافة الضباط المتهمون قبل ان يصدر قرار المحكمة
و اين هو دور المجلس العسكري من خطابك و انت محسسنا انك ( حاكم مصر كلها كده ايه النشاط ده )
.................................................. ..............
اخيرا و ليس اخرا
الموضوع شكله غبي و مازال البعض بيمارس فرض وصايته علي هذا الشعب
وواضح جدا الاتفاق الفاضح بينك و بين بعض من دعي للتظاهر و الاعتصام
و لن ننخدع بشعارات ( يسقط شرف ) كان نفسي يكون الشكل و المضمون افضل من ذلك بكثير
و لكن لا يسعنا الا ان نتوجه لله الواحد القهار ان يظهر المتأمرون علي هذا الشعب
و ان يفضحهم و ان كنتم تريدون الخير للبلد فاللهم انصركم و يسر لكم
و لو اني اشك كثيرااااااااااااااااااااا ااااااااااااااااااااااااا ااااااااااااااااااااااااا ااااااااااااااااااااااااا اااااااا
في ذلك و المنتظر الان الاتي:-
يرفض المعتصمون القرارات او يهللو لها و لكن لن يفض الاعتصام اليوم
و علي بكره او بعده يعلن جماعة 6 ابريل و الكام ائتلاف عن تحايلهم علي المعتصمين و انهم اقنعوهم لتعليق الاعتصام فقط و ليس الفض حتي يعلن عن محاكمات علنية و حتي يتم اسقاط المحليات و المحافظين و رؤساء الجامعات و رؤساء البنوك و رؤساء غرف خلع الملاعب
ياما في الجراب يا حاوي (( اقصد يا شرف ))
انا بجد مستغرب جدااااااااااااااااااااااا ااااااااااااااااااااااااا ااا
من السهولة اللي اتخذ بيها القرارات
م.حاتم السباعي
لو ثورة فعلا كانت بدات تاخد مصر للامام ..........
مافضاتش تدور على الشهيد و حقة و نكريمة
الشهيد .. مش منتظر تكريم من البشر ........و لا عاوز ياخد حقة .........زهو نال الشهادة
يلا بقى ياثائر ابنى بقى ........زز
كل مافتح التلفزيون طلبات و طلبات .....مفيش سقف .......و يظهرو على الاعلام و يشعروك بان لو حققت لهم الطلبات دى الدنيا هاتبقى فلة ............ و للاسف الوضع بيسؤ اكتر
ايه الفلول احتلت المنتدى مافيش ثوار يردوا ولا ايه
اقتباس:
اقتحمت مجموعة من البلطجية نقطة شرطة مستشفى بنى سويف العام مساء اليوم، واستطاعت تهريب سجين أثناء التحقيق معه، بعد أن تبادلت إطلاق الأعيرة النارية مع حراسة المستشفى.
كانت مباحث بنى سويف تمكنت فى حملة أمنية على مراكز المحافظة من إلقاء القبض على "هشام. ع" (25 سنة) يقيم بمنطقة العجمى بمدينة بنى سويف وهارب من سجن الفيوم فى قضايا مخدرات، وكان مصابا فى يده، وتم احتجازه داخل النقطة للتحقيق معه.
فوجئ أفراد قوة النقطة وحراسة المستشفى ببلطجية يقتحمون النقطة ويطلقون الأعيرة النارية فى اتجاههم، واستطاعوا إطلاق سراح السجين المصاب، وقبل خروجهم تبادلت القوة إطلاق النار معهم، ولكن دون إصابتهم أو إلقاء القبض عليهم، حيث تمكنوا من الفرار.
وتواصل مباحث قسم بنى سويف جهودها للقبض على البلطجية والسجين الهارب، بعد تشديد الحراسة على الأكمنة وتمشيط أحياء ومناطق مدينة بنى سويف.
اقتباس:
رفض المعتصمون بميدان التحرير، البيان الذى ألقاه د.عصام شرف رئيس مجلس الوزراء، مساء اليوم السبت، مؤكدين أن البيان لا يحقق مطالب الثورة، ورددوا شعارات "مسرحية مسرحية.. العصابة هى هى"، "معتصمين والحق معانا ضد حكومة بتتحدانا"، "اعتصام اعتصام حتى يسقط النظام"؟
ودعا المتظاهرون الدكتور عصام شرف للنزول للميدان حتى يحصل على الشرعية مرة ثانية، أو يقدم اعتذارا للشعب المصرى، ويرحل لأنه لم يقدم شيئا.
ودعا المتظاهرون الدكتور عصام شرف للنزول للميدان حتى يحصل على الشرعية مرة ثانية، أو يقدم اعتذارا للشعب المصرى، ويرحل لأنه لم يقدم شيئا.
--------
لاحول ولا قوة ألا بالله
ده أسمه لعب ......الدستور أولا ومجلس رئاسي مدني !!!!
أنهو نظام اللى يرحل ؟
اقتباس:
توجه المئات من المتظاهرين بالسويس إلى المجرى الملاحى لقناة السويس، ومكتب الهيئة بالقناة لوقف الملاحة بها، اعتراضا على عدم تحقيق مطالب الثورة.
خليهم يخربوها
و غنيلهم اخربوها اخربوها
و بعد ما تقع الفاس في الراس
غنيلهم خربتوها خربتوها
........... منقول .........
السبت - 9 يوليو - 2011 10:13:18 مساء
مسلحون يقتحمون نقطة شرطة مستشفي بني سويف العام
نجح في السادسة من مساء اليوم نحو 10 أشخاص من العناصر الإجرامية ببني سويف، مزودين بالأسلحة الآلية والبيضاء من اقتحام نقطة شرطة مستشفي بني سويف العام، حيث تمكنوا من تهريب أحد المضبوطين في قضايا مختلفة، وعدد من المحتجزين بالنقطة.
كانت نقطة شرطة مستشفي بني سويف العام قد تعرضت في السادسة من مساء اليوم لهجوم مسلح من بعض عناصر البلطجة لتهريب هشام عيد أبو عقل 24 سنه الهارب من سجن الفيوم، والذي يقضي عقوبة بالسجن علي ذمة قضية اتجار في المخدرات، وأصيب أثناء مطاردته من قبل الشرطة التي تمكنت من القبض عليه، واحتجازه بنقطة شرطة المستشفي.
حيث دخل المقتحمون المزودون بالأسلحة الآلية والبيضاء تحت غطاء من طلقات الرصاص، وتمكنوا من اقتحام بوابة المستشفي، ومنها إلي بوابة نقطة الشرطة، وتمكنوا بعد 30 دقيقة من إطلاق النيران في الهواء من تهريب المتهم، و3 من المحتجزين.
هذا وقد أخطرت النيابة التي بدأت تحقيقا عاجلا في هذا الشأن، وفرضت قوات الأمن طوقا أمنيا حول المستشفي، وتم عمل عدد الأكمنة في مداخل المحافظة الشمالية والجنوبية ، في محاولة لضبط الهاربين ، وتأمين مبني ديوان عام المحافظة المجاور للمستشفي، وقسم شرطة المسطحات المائية المواجه للمستشفي .
....... منقول ......
السبت - 9 يوليو - 2011 8:29:48 مساء
القبض علي 3 عاطلين أثناء قيامهم بسرقة سيارة من داخل قسم ثاني شبرا الخيمة
أستغل 3 عاطلين مليونية ميدان التحرير وقاموا بالتسلل الي قسم ثاني شبرا الخيمة وحاولوا سرقة احدي السيارات المحجوزة علي ذمة أحد القضايا ولكن محاولتهم باءت بالفشل والقي القبض عليهم.
تلقي اللواء أحمد الناغي مدير الامن أخطارا من العميد بلال لبيب مأمور قسم ثاني شبرا الخيمة بالواقعة، وأكدت تحريات العميد دكتور أشرف عبدالقادر رئيس المباحث ان وراء الحادث 3 عاطلين من مدينة السويس قام احد الاشخاص بتأجيرهم لسرقة سيارتة الموجودة بحجز قسم ثاني شبرا الخيمة علي ذمة أحد القضايا وتحمل رقم 26504 ملاكي السويس.
وأثناء قيامهم بسرقتها باستخدام سيارة اخري وحبل شعر بهم حراسة القسم و القوا القبض عليهم وهم حسن .ح 23 سنة عاطل وحسن .ع 32 سنة عاطل، وابراهيم . أ 29 سنة عاطل . وتولت النيابة التحقيق.
هشام بيه أنزل أجازة ولا ما أنزلش أيه ده هي البلد بقت شيكاغو ولا أيه!
....... منقول .........
Sat, 09/07/2011 - 23:00
مئات المعلمين يستولون على «نادي الشاطئ» بالإسكندرية
استولى ما يزيد على 500 معلم على مبنى نادي الشاطئ بالإسكندرية والخاص بالمعلمين في خطوة احتجاجية على غلق لجان التصويت الخاصة بانتخابات النقابة المحدد إجراءها السبت، معلنين رفضهم تأجيل الانتخابات إلى 14 سبتمبر المقبل والتي تتزامن مع الانتخابات البرلمانية، مشكلين ما أسموه «جمعية عمومية موازية» من المعلمين وقاموا بجمع توكيلات من المعلمين لتقديمها إلى المجلس العسكري لإسقاط مجلس النقابة الحالى وسحب الثقة منها.
وعقدت حركة «معلمون بلا نقابة» وعدد من المعلمين المرشحين للانتخابات المقبلة مؤتمراً جماهيريا حاشدا حضره مئات المعلمين، في نادي الشاطئ، وكان لافتاً حضور عدد كبير من أعضاء جماعة الإخوان المسلمين على رأسهم بشرى السمني، مرشح كوتة المرأة من قبل الجماعة في انتخابات مجلس الشعب الماضي.
وأعلن عبد الناصر علي، منسق عام الحركة، تجهيز سيارات نقل كبيرة لنقل المعلمين إلى مقر النقابة العامة في القاهرة تمهيداً للاعتصام المفتوح بها الثلاثاء المقبل، تضامناً مع أعضاء النقابة العامة، للمطالبة بالمساواة مع نقابة المحامين وسحب الثقة من المجلس الحالي لعدم دستورية وجودة، على حد قوله.
وشكك في نوايا النقابة العامة وإعلانها إرجاء الانتخابات إلى 14 سبتمبر المقبل، معتبرها «خطوة مشكوك فيها وتؤكد سوء نوايا النقابة العامة».
وأضاف عبد الناصر أن «المحكمة حكمت بإجراء الانتخابات في 9 يوليو وعندما ذهبنا إلى صناديق الاقتراع صباح اليوم المحدد وجدنا اللجان مغلقة.. ولذلك جمعنا توقيعات وشكلنا جمعية عمومية في كل لجنة نقابية وهو إجراء قانوني لأن الداعي إليها محمد كمال سليمان الأمين العام لنقابة المعلمين»، مشيراً إلى أن أعضاء الحركة قاموا بتحرير محاضر في جميع الدوائر الانتخابية بأقسام الشرطة المختلفة لإثبات الحالة
وتابع: «نعلن الآن سقوط النقابة بكل مستوياتها في الإسكندرية وسنعتصم في القاهرة في النقابة العامة لحين سقوطها».
وردد المعلمون خلال المؤتمر الطارئ الذي احتشد به عدد من المعلمين، هتافات قالوا فيها: «يسقط يسقط نقيب المعلمين»، و«فريد البنا برا برا.. نقابتنا حتفضل حرة»، و«يا سيادة النائب العام.. حقق لنا مع سليمان»، و«المعلمين إيد واحدة».
الإسكندرية - مصر - معلمون - نقابات مهنية
....... منقول ........
"حال ما لم يقتص أولو الأمر لهم"..
شيخ أزهرى: يجوز لأهالى الشهداء أن يقتصوا من الضباط القتلة
الأحد، 10 يوليو 2011 - 01:05
أكد الشيخ عصام تليمة الباحث الإسلامى وأحد شيوخ الأزهر الشريف، أنه يجوز أن يقتص أهالى الشهداء من الضباط، قتلة أبنائهم، حال ما لم يقتص أولو الأمر لهم، مستشهداً ببعض الأحداث المشابهة قى التاريخ الإسلامى.
وأضاف "تليمة" فى الوقت ذاته، وذلك فى مداخلة هاتفية ببرنامج "فى الميدان"، والذى يقدمه الإعلامى محمود سعد على قناة "التحرير"، بأننا دولة قانون، متمنياً ألا يستفز أولى الأمر الناس فى هذه المرحلة الحساسة، وأن يسارعوا لمحاكمة قاتلى الشهداء.
واضح انهم نفذوا الفتوى بسرعه لان الخبر ده بيتكرر على تويتر من الصبح بس مفيش تأكيد عليه من اى مصدر موثوق
عاجل|السويس| أهالي السويس ينفذون حكم الاعدام الثوري بحق النقيب محمد زين معاون مباحث السويس !!!
اُغتيل صباح اليوم النقيب محمد زين معاون مباحث قسم شرطة السويس السابق والمتهم فى قضايا قتل المتظاهرين بعد أيام من صدور قرار بنقله لمديرية القاهرة. فوجئ زين خلال قيامه بإحدى مهام عمله بالقاهرة بأحد الخارجين عن القانون يطلق عليه وابلاً من الرصاص .