الموضوع: بداية فوضى الامن

المشاركة الأصلية كتبت بواسطة amro1965

مشكلة في العمل الشرطي ... الجهاز غير قادر علي تنفيذ مهامه يبقي لازم تتغير القيادات و يعاد ترتيب اولويات الشرطة
اوافق صاحب الرأى
يجب ايجاد حل سريع وجذرى لتلك المشكله حتى لو ادى الى تسريح جميع جهاز الشرطه واستبداله بالجيش

ماشي انا همشي مع حضرتك في الكلام
لكن تعالي نفكر كده لو الشرطة كلها مشيت و الجيش اللي تولي مهمة الشرطة هيترتب عليه نتيجتين في غاية الخطورة

اولهما : ان كده انت بتبعد الجيش عن مهمته الاساسية و هي حماية الاخطار الخارجية و يحمي الداخلية فقط و كده احنا هنفذ الموضوع اللي امريكا كانت عايزة تعمله سنة 2008 تقريبا و ان الجيش يكون زي وزارة الدخلية و النظام رفض
و ديه كانت من نفس بنود البرنامج بتاع البرادعي ان الجيش يبقي زي وزارة الدخلية ع حسب ما فهمت يعني و طبقا لكلام خبير عسكري في برنامج

ثانيهما : الشرطة ليها تدريب و الجيش له تدريب و كل واحد فيهم بيدرب ع حاجة خاصة بمهمته
يعني مثلا الشرطة عارفة المجرمين و عارفة اماكنهم بالظبط و ازاي تجيبهم ع عكس الجيش اللي اول مرة ينزل الشوارع و يتعامل كانت اثناء الثورة

مينفعش جهاز الشرطة يقع كده كانك بتهد هرم لكن احنا ممكن نعمل اعادة تأهيل و نشوف اللي هيستجيب و اللي مش هيستجيب بالاضافة لاحظ ان في اجيال تانية طالعة من الكلية

و انا مش بقلل من شأن الجيش كلنا شوفنا لما الجيش نزل و واجه البلطجية عمل ايه و حتي المرور بقي منظم و محدش قادر يفتح بوقه
فاحنا عايزين برده الشرطة تكون قوية لكن في جانب الناس يعني ( الشرطة في خدمة الشعب )
و الناس تحترم الشرطة من اول عسكري المرور فيما فوق و تحترم القوانين لكن مش تخاف من القوانين
زي اللي اللي لما بيدخل ع لجنة او اشارة بيحط الحزام جري مش احتراما للقوانين لكن خوفا من تطبيق القوانين و دفع المخالفة
فلازم الناس تتغير و تحترم القوانين و بالتالي اي حد يجي هيبقي مجبر يتعامل معانا زي ما احنا عايزين
و بالتالي البلد هتبقي افضل

(ع سبيل المثال في السعودية العسكري اللي واقف تقدر تبصله حتي بنظرة غل ؟؟ متقدرش لأن فيه احترام ليهم ع عكس هنا سواق تاكس ملوش لازمة بيضرب عسكري او يتخانق معاه عشان العسكري قفل الاشارة )

فموضوع تسريح جميع جهاز الشرطة انا شايف انه هيؤدي لكارثة
و لازم يحصل اعادة تأهيل و هيكلة و الافضل نستني لحد 15-7 و تشوف التطورات اللي هتحصل و اللي وعد بيها وزير الدخلية هل ستكون مرضية ام لا