يا جماعة انا الحمد لله جالى رباط صليبى وشرخ فى العظمة بتاعت الفخد ومش عارف اى دكتور بتاع عظام كويس فى ناس بتقولى احمد عبد العزيز بس بيقولو دة قدامة 7 شهور وحوار فى واحد بيقولى ابراهيم الجعيدى دة كويس يا ريت يا جماعة الى عمل العملية دى يفيدنى ويدعيلى
عرض للطباعة
يا جماعة انا الحمد لله جالى رباط صليبى وشرخ فى العظمة بتاعت الفخد ومش عارف اى دكتور بتاع عظام كويس فى ناس بتقولى احمد عبد العزيز بس بيقولو دة قدامة 7 شهور وحوار فى واحد بيقولى ابراهيم الجعيدى دة كويس يا ريت يا جماعة الى عمل العملية دى يفيدنى ويدعيلى
ألف سلامة عليك
د .أحمد عبدالعزيز بيديك معاد بعد 6 شهور بس ممكن تكشف عند دكاترته المساعدين في عيادته
انا فى كلية هندسة ووست شهور دى كدة انا بضيع فى الدراسة
اسأل كويس بس اعتقد انك ممكن تعيش مع الرباط بس بدون مجهود جامد وحاول تسأل كويس عن دكتور يكون معاده قريب
وان شاء الله الامور تبقى تمام
انا نفسى ارجع زى الاول ولعب كورة ............ ادعولى يا جماعة
الف سلامة عليك .. المهم ريح كويس ومش تستعجل ع الكورة ..
عندي صديق عنده الرباط
و متعايش معاه عادي جدا .. هو مشكلته بس في الشيل و لو حد خبطه في رجله و المشي لمسافااااااااااات كبيره
غير كدا عادي جدا و طبيعي جدا
ربنا يوفقك و يشفيك ان شاء الله
الف سلامة عليك و انشاء الله تقوم بالسلامة؟ هو اية الى الحصل ؟
الى حصل انى كنت بلعب كورة ورجلى لفت من عند الركبة ومحديش يسالنى ازاى عشان انا نفسى مش عارف ازاى ومرة وحدة وقعت مش قادر الم رهيب
ياباشا الف الف مليون سلامه عليك
انا عندى دكتور جميل اسمه اشرف الألفى اخصائى اصابات ملاعب وكان دكتور المنتخب لفترة كبيره اوى ودكتور فى المعادى العسكرى وحالياً مدير القطاع الطبى فى اتحاد الكورة
الراجل ده بفضل الله عالجنى من اصابه كانت لازم اعملها عمليه فى الخارج
مكانه بجوار دار الهيئة الهندسيه
لو تحب اجيب لحضرتك عنوانه بالظبط وتليفوناته ولو محتاج كمان انا ممكن اجى معاك ليه لأنه عارفنى كويس جدا
والف الف الف مليون سلامه عليك وان شاء الله تبقى بألف خير
ممكن تعيش بيه فتره بدون مشاكل
لغاية لما تلاقى دكتور كويس
مفيش داعى الاستعجال فى الموضوع ده