كنت عايزة اشترى عربية جديدة تقسيط فى حدود 50 ألف ينفع ولا لأ (غير سوزوكى ماروتى) ؟
عرض للطباعة
كنت عايزة اشترى عربية جديدة تقسيط فى حدود 50 ألف ينفع ولا لأ (غير سوزوكى ماروتى) ؟
فكك من الصينى حرام فى الفلوس :angry06:
حضرت تقصد byd fo صح مش f3 لان f3 ب 73 الف بس للعلم العربية f0 لم تنتشر ومالهاش شبابيك خلفية زجاج ثابت بيفتح بمفصلة كده عندك كمان سوزوكى سيلاريو ب 57 بس احسنهم جيلى باندا ابعد عن ابو الفتوح وتوكيل ابو الفتوح واللى معاه اسبرانزا بيشتكى منهم انا كمان كنت شفت عربية اسمها سايبا برايد عند انترناشيونال موتورز فى جامعة الدول ايرانى نفس شكل الكيا برايد السيدان وكانت فاضية ب 47.5 وتكيف وزجاج وكاسيت وباور ب 52 تقريبا الكلام ده كان من سنة وهو الموزع بتاعها روح شوفها كده
خليكى فى اللادا نفس الفئة السعرية واسمها روسى مش صينى وهتلاقى فيها تكييف بردة
الأعلانات التجارية ممنوعة طبقاً لقواعد المنتدى...
تم وقف عضويتك لمدة شهر
الرجاء مراجعة قوانين المنتدى
مشرف عام 2
متشكرة جدا ع الرد
متشكرة ع الرد... بس انا اعرف ان لادا دى رجالى شوية عشان تقيلة
متشكرة جدا ....انا احترت والله فى الاسبرانزا ناس تقول تحفة وناس تقول وحشة اوى ........ انا عايزة حاجة حلوة وتقضى الغرض لان استخدامى هيبقى بسييط اوى للعربية ...ويكون شكلها حلو بردو بسعر مايزدش عن 50 ألف
انصحك تبعدى عن القسط لو تقدرى الا لو كنتى تضمنى ان دخلك مش هيتأثر بالاحوال الاقتصادية
او تعملى قرض شخصى علشان ميكونش فيه حظر بيع على العربية
اسف لم انتبه ان حضرتك انسه كده ممكن اقولك ان الاسبرانزا مناسبة لاستخدامك
طب معلش يا جماعة بما ان (سبيرانزا - جيلى باندا) صينى هما احسن ولا سوزوكى ماروتى
ممكن لو متوفر معاكي المبلغ دة كاش
تجيبي مستعمل بحالة ممتازة زي فيرنا او لانوس
بصى لو عايزة لازم الزيرو اسبرنزا اى 113 منتشرة اكثر ويمكن افضل لك من الباندا والحاجات دة موديلات مش ثابته وتتغير كل سنه ويمكن لاتلاقى قطعها ولا توكيلها بعد سنه وسنتين ابو الفتوح اضمن لك فى الصينى . لو عايزة مستعمل ممكن تلاقى فيرنا ولا لانوس كورى افضل لك والفيرنا افضل . ابعدى فى المستعمل عن الاروبى فرنساوى ايطالى المانى تركى لانك تلاقى عربيات كثير بس الغالبيه بتكون فتحت فى شغل وصاحبها عايز يهرب منها ومشاكلها وقطع غيارها الغاليه
ممكن تاخدي قرض شخصي و تجيبي عربية مستعملة استعمال خفيف زي الفيرنا و نوبيرا و افيو و لانوس و هتبقي حالتهم حلوة و قطع غيار متوفرة
متشكرة جدا والله ع الرد
بس انا عايزة اجيب ع الزيرو عشان مش هعرف اجيب مستعمل وعارفة انى لوجبت مستعمل هصرف عليها اد تمنها فانا عايزة اريح نفسى واجيب ع الزيرو فى حدود التمن دة وربنا يسهل
ال 113 عربية تحفة بجد و جميلة جدا و شيك و مع كزا واحد اعرفوة مفيش شكاوي انا معيا ال 516 و عربية ماسكة نفسة علي الارض بس خدي بال 50 الل قسط يبقي اختاري عربية في سعر ال 40 35 لان اقل فوايد 15 الف يعني ام 50 ال هي 113 بعد القسط هتكون ب اقل واجب ب 60 - 65
انتى ممكن تجيبى بيكانتو كسر زيرو ...... يعنى عربية موديل 2010 عاملة مثلا 10000 - 15000 كيلو ..... و ده مش كتير ابدا ..... دى بتقبى سعرها فى حدود 52000 - 56000 حسب الاوبشن ...... بس المبلغ ده كاش
و هى عربية حلوة جدا و بناتى تماما وكورى و كتير بيشكروا فيها