عصيان مدني في السويس

**MTAK** · 10-07-2011 10:36 AM

تم غلق طريق السويس - العين السخنه
و كل الناس اللى رايحه شغلها يا اما عالقه فى الطريق او رجعت بيتها
و انا من الناس اللى رجعت بيتنا
بس المشكله ان كل الطريق مصانع يعنى شغل 24 ساعه
و بالتالى الناس اللى شغاله شيفت ليلى مكمله الى ان يقضى الله امرا كان مفعولا
و ربنا يستر

**A.Saad** · 10-07-2011 11:09 AM

لصالح
مرتزقة ميدان التخريب

هو ده العدل اللى بينادوا بيه
هو ده الاقتصاد اللى كانوا بيقولا اقوى اقتصاد
هو ده القصاص لدم الشهداء او البلطجية اللى ماتوا فى الاقسام
هو ده الالتزام بالقانون اللى عايزينه

**MTAK** · 10-07-2011 11:37 AM

المشكله ان الوضع متشابك لأقصى درجة
لو تم استعمال العنف
سيتم الرد بعنف مماثل و للأسف سيضيع الكثير ممن لا ناقة لهم و لا جمل فى الرجلين
و لو تم استعمال اللين
فسيكون ذريعه لمطالب لا تنتهى و قطع طرق بصورة اكبر
مادامت دى الطريقه اللى بتجيب نتيجه

لا اعتقد سوى ان يكون هناك حكم عسكرى صارم سريع
و اللى مش عاجبه ..............

**MTAK** · 10-07-2011 12:46 PM

المشاركة الأصلية كتبت بواسطة enas75

حاجه اخيره موضوع قفل الملاحه في قناه السويس ده اسمه هبل لان القناه بحكم المعاهده لو تعرضت لاي خطر بتخضع للحمايه الدوليه......وياتري علشان نمنع الموضوع ده والجيش اتصرف وضرب اللي حيعمل كده وحصل وفيات....ساعتها حيبقي الوضع ايه .....حنثور لما فعله الجيش لحمايه القناه ونعتبرهم ثوار......ام سنصمت ونعتبر من مات معتدي ومخالف للقوانينه....ام سنحارب الجيش المصري....ام ماذا؟

+11
بالضبط كده
وبعدين هل تعلم خطورة قطع طريق السخنه
هل تعلم كم مصنع يعمل بهذا الطريق (و لا بلاش المصانع زيها زى غزل المحله و ايه يعنى لما اكثر من 10000 واحد احوالهم تقف المهم الثورة و رجوع الحقوق)
طيب هل تعلم ان على هذا الطريق عدد 2 ميناء بحرى
واحد منهم هو البوابه الرئيسيه لدخول القمح و اللحوم المستورده الى البلد
ناهيك عن باقى السلع الاستهلاكيه
و الاخر بوابه مهمه جدا لدخول المنتجات الصناعيه بجانب السلع و المواد التموينيه
و ده غير انهم من اهم منافذ التصدير
و بقطع الطريق تتوقف الحركة من و الى تلك الموانى
اما بخصوص القناه فدى حكايه تانيه خالص

اعتقد صعب يقطعوها (مش هاينزلوا يعوموا فيها يعنى) كما ان اى نقطه على القناه و كانت فيما قبل متاحه للوصول المدنى لها فمن اول يوم فى الثورة تم مد اسوار سلك شائك بطول تلك النقاط مع وجود حمايه عسكريه لها

هما ممكن يخلوا الناس اللى بتشغل القناه لا يصلوا الى مقر عملهم
و ده برضه مش هايوقف العمل لان العمل يتم 24 ساعه و بالتالى الموجود من قبل القطه هايفضل فى مكانه الى ان يأتى زميله

المشكله كما ذكرتها انفا

المشكله ان الوضع متشابك لأقصى درجة
لو تم استعمال العنف
سيتم الرد بعنف مماثل و للأسف سيضيع الكثير ممن لا ناقة لهم و لا جمل فى الرجلين
و لو تم استعمال اللين
فسيكون ذريعه لمطالب لا تنتهى و قطع طرق بصورة اكبر
مادامت دى الطريقه اللى بتجيب نتيجه

**otefa** · 10-07-2011 01:17 PM

المشاركة الأصلية كتبت بواسطة yahyanaabil

الناس حقها تعهتصم زى ما هيا عايزه بس قطع طريق وتعطيل الناس ديه حاجه غير قانونيه ومش حتكلم على تعطيل قناه السويس لان مش مقتنع اصلا انهم ممكن يعملوا كده اصل قناه السويس ديه مش ترعه يا جدعان

بالظبط ولا هايقدرو يهوبو ناحيتها بس المصيبة في الغرب ألي ممكن يتلككولنا على الخبر ويحشدو العالم ضدنا ليمارسو ضغوط في سكة مجلس رئاسي وتأجيل أنتخابات وحكومة أنتقالية وحل الداخلية وأعطاء الجيش مهامه علشان مايبقاش في جيش في المنطقة غير أسرائيل
زي ماعملو في العراق كذبو الكدبة وخلو العالم يصدقها علشان عايز يصدقها ويسيطر على ثروات المنطقة.
اللهم رد كيدهم وأحفظنا يارب

**Everlasting** · 10-07-2011 02:36 PM

المشاركة الأصلية كتبت بواسطة enas75

حضرتك جبت منين ان الاقتصاد المصري في اداء افضل ممكن اللينك او مصدر الخبر

موقع الإخوان المسلمين:
ط¥ط®ظˆط§ظ† ط§ظˆظ† ظ„ط§ظٹظ† - ط®ط¨ط±ط§ط،: ط£ط¯ط§ط، ط§ظ„ط§ظ‚طھطµط§ط¯ ط§ظ„ظ…طµط±ظٹ ط¨ط¹ط¯ ط§ظ„ط«ظˆط±ط© ط£ظپط¶ظ„ ظ…ظ† ط§ظ„ظ…طھظˆظ‚ط¹
جايز بيكدبوا أو بيفبركوا؟!

-

-

-

الموضوع: عصيان مدني في السويس

LinkBack

أدوات الموضوع

عرض

-

-

-

-

-

-

المواضيع المتشابهه

عصيان ولاشكران

سجل مدني العباسية

يمكنك عصيان الله اذا وفيت تلك الشروط الخمسة

كيف أذهب إلى سجل مدني الوايلي؟!

الكلمات الدلالية لهذا الموضوع

المفضلات

المفضلات

ضوابط المشاركة