عرض للطباعة
السلام عليكم
كنت في مشوار امبارح والحمدلله وصلت عند البيت وبعدبن بطلت العربيه من بعدها مش راضيه تدور مع العلم ان كل حاجه شغاله زي الفل الكاست السنترلوك الانوار كله شغال الا المارش مالوش حس اصلا
عاوز النصيحه ولو سمحتوا بسرعه
مع العلم اني بعيد جدا عن التوكيل بس 9 ساعات سفر ولسه كانت عندهم في صيانه ال 10000كم من شهر تقريبا
شكرا
أستاذ نور ....
ممكن تقولنا عربيتك أوتوماتيك ولا مانيوال ؟
وهل بتسمع أى صوت مع إدارة الكونتاكت ؟ ولا مفيش صوت خالص؟!!!
ولو فى صوت ياريت توصفه ....
الموضوع بإختصار شديد جدا ... سهل جدا جدا جدا... وحله أسهل .. ماتشيلش هم..
إما بطاريه ناقصة شحن... أو جلب أوتوماتيك المارش عاوزة تتنظف....
إنت فين فى الصعيد ؟!!!!
احتمال تكون البطاريه عاوزه تتشحن قولنا ايه الصوت اللي بيظهر معاك لما تيجي تدور و عربيتك مانيوال ولا اوتو
مانيوال
و ما في اي صوت الا صوت طلمبة البنزين لما تلف المفتاح
طيب حاول ترميلها كدا علي التاني و دور و شوف كدا هتدور ولا لأ
كنت هقولك طلمبة البنزين بس حضرتك بتقول انك سامع زنة الطلمبة يبقى احتمال ضعيف تكون طلمبة بنزين .
احتمال تكون شفرة المفتاح سقطت
حصلت معيا قبل كده فى عربية اخويا جرب المفتاح الاحتياطى وشوف كده
اما شفرة اخويا كانت سقطت كان كل حاجة بتبقى تمام الا المارش
اما جربت المفتاح الاحطياتى اشتغلت وكانت زى الفل
ممكن تكون الشفره بتاعت المفتاح
جرب المفتاح الاحنياطى
لان الشفره اما بتبوظ بتعرف تشغل الكاسيت و كل حاجه الا انها تدور
فجرب كده المفتاح الاحتياطى
سورى انا مشفتش ان السنتر لوك شغال
كده انا مش عارف ممكن يكون ايه؟
الحمدلله
العربيه اشتغلت بس في التوكيل
سبب المشكله عيب في علبه الفيوز وفقد في شفره دايره الكنترول بتاعه الموتور
واحب اشكر كل من ساعدني في عز العرب بالاخص المهندس أمر و محمد عبدالهادي
ويارب يعملو توكيل لبروتون في الصعيد لاني تعبت جدا علشان اوصل العربيه لعزالعرب