اعليها ازاى يا جماعه يا طيبيبن واحد قالى بعليات موش عارف تجاربكم ايه وازاى وحددوا الى اعملوه جزاكم الله خير هو فى حد عندكم رفع الفيرنا علشان متحفش فى المطبات ورفعها ازاى
عرض للطباعة
اعليها ازاى يا جماعه يا طيبيبن واحد قالى بعليات موش عارف تجاربكم ايه وازاى وحددوا الى اعملوه جزاكم الله خير هو فى حد عندكم رفع الفيرنا علشان متحفش فى المطبات ورفعها ازاى
متابع معاك
نفسي الحقيقة بس مقلق من الثبات بتاعها لأن ثباتها في الضياع اساسا ومش ناقصة اني ابوظه زيادة !
متابع باهتمام
العمليه بسيطه جدا
بيتم تعليه العربيه بحاجتين
اما بسوسته اطول شويه او بعلايه بتتحط تحط السوسسته
انا كان معايا اكسيل قبل كده وكان صاحبها معليها بعلايات وكنت ملاحظ ان العربيه عاليه قوى غير اى اكسل تانيه فخليت العفشجى يشيل العلايات دى ويرجعها لطبيعتها
والحقيقه ان ماكنش فيه فرق كثير فى الثبات يمكن لانى اصلا مش بتاع سرعات ولا كلام فاضى من ده والحمد لله
وانا كمان باعانى من مشكله حك الفيرنا فى المطبات لدرجه ان احيانا بتحك وانا مش محمل حد معايا تصوروا !
عموما اللى يحب يعلى العربيه ممكن يحط علايه واحده تحت السوسته اللى ورا وبلاش يحط قدام ويجرب مش هتكلف كثير مجرد فك العجلتين اللى ورا وبيحط كوتشه تحت كل سوسته وخلاص ولو عايز تشيلها برده بسيطه فى اى وقت
بس ياريت اللى يجرب يقول لنا على النتيجه على السرعات العاليه هيقل الثبات ولا ايه
بيتحط كاوتشة تعلية تحت السوست بس بتأثر على ثبات العربية على السرعات.
الثبات هايضيع بعد ال100
حاول تدور علي صداده عشان العربيه ماتنزلش زياده عن اللزوم
احيانا الاحتكاك بيكون بسبب ان الشكمان واطى
من أول علبة البيئة الى الآخر ممكن يكون افيز مكسور أو الشكمان واطى
فبيكون هوه اللى بيحك
الغريب ان ناس تقول مبتحكش خالص واحنا محملين
وناس تقولك بتحك وهى فاضيه
السر فين
لان كده بخلاف ضيق الفيرنا يعيبها ايضا وطوها والحف فى المطبات
انا عاوزها كتاكسي
فده قالقنى جدا
وشكرا جزيلا
يا سيد وائل
فيرنا 2010 وما بعها من موديلات غير فيرنا 2009 وما قبلها من موديلات
خلينا متفقين على ان موديلات 2010 و 2011 و 2012 -اللي هما اساسا 2010- بدون اي تعديلات غير الموديل في الورق بس
دول عاليين والشكمان بكل لوازم نظام العادم مرفوع عن الموديلات القديمة ودا بيخلي العربية عالية في المطبات وجيدة جدا حتى وهي محملة
الآتى منقول للافاده
لحل مشكلة حك المطبات فى الفيرنا وعن تجربة :
يتم تغيير الكاوتشات الحاملة للشكمان بأخرى جديدة تايوانى او ماليزى الواحد ب 10 ج - همه 5 كاوتشات 3 بيضاويين و 2 سابوكسه
القديمة اللى جاية مع العربية بتكون مصرى سيئة الخامة و بتكون مشققة و هى العربية لسه جديدة من التخزين و بالتالى بتكون طويلة ( متمددة ) و الشكمان بيكون بعيد عن العربية و قريب من الارض وبالتالى بيحك ...
و بعد التغيير بالكاوتشات الجديدة
( افتكاسة من عندى ) اشتريت افيزات بلاستيك عريضة و ربطهم على الكاوتشات علشان منع التمدد من الحرارة واهتزاز الشكمان -
و الحمد لله المشكلة اتحلت و النتيجة رائعة ....
و علشان كدة حطيت الحل فى المشكلة اللى كتير بيشتكوا منها دى و ما صدقت عرفتلها حل و ده فى كل المواضيع المتعلقة بالهيونداى فيرنا لأقصى استفادة ...
منقول للافاده
وقوللنا ايه نتيجة التجربة لو سمحتم
وشكرا