السلام عليكم ورحمة الله وبركاتة
أنا إن شاء الله عايز أجيب سيراتو بس ناوى أدفع نص ثمنها وأقسط الباقى فسؤالى فى حد عنده معلومات عن الأماكن إللى ممكن تقسط السيراتو ونظام القسط هيكون إية ويا سلام لو حد مجرب ويقولى تجربتة
وجزاكم الله خيراً
السلام عليكم ورحمة الله وبركاتة
أنا إن شاء الله عايز أجيب سيراتو بس ناوى أدفع نص ثمنها وأقسط الباقى فسؤالى فى حد عنده معلومات عن الأماكن إللى ممكن تقسط السيراتو ونظام القسط هيكون إية ويا سلام لو حد مجرب ويقولى تجربتة
وجزاكم الله خيراً
لان الاقتصاد مبقاش مضمون
ولو دخلك اتاثر هتبقى فى مشكلة
ادرس الجزء ده الاول
ربنا يسترها إن شاء الله يا A.Saad :-) إن شاء الله خير
خد قرض شخصي احسن.... عشان ميبقاش عليها حظر بيع لو لاقدر الله اتزنقت و حبيت تبيع و قتي....و متتقرفشي في تامين و جواب للمرور و حوارات....
و الله الموفق :)
الموضوع ده ممكن يفيدك ان شاء الله
http://www.nilemotors.net/Nile/21042...post3873390044
الأخ pirlo2000 شكراً على الرد :-) ممكن أعرف تفاصيل عن موضوع القرض الشخصى ده وجزاك الله خيراً
الأخ sonasteel بجد موضوع قمة فى الروعة بارك الله فيك وإن شاء الله موضوعك دخل ضمن الطرق إللى هختار منها
جزاك الله خيرا اخي الكريم ..... ربنا ييسرلك كل خير
المهم بس ابعد عن موضوع القرض الشخصي .... لانه صريح اووي
يعني هاتقترض فلوس هاتردها فلوس ... مالهاش حل
انا كتبتلك اللينك ده .... علشان انا دورت كتير ووصلت للحل ده وان شاء الله شرعي :))
اقعد بالعافية
أشكرك sonasteel وإن شاء الله خير :-)
انا بشتغل فى موزع معتمد كيا
انت عاوز قسط اسلامى ولا قسط سيارة عادى ودا يتوقف على حسب نوع الوظيفه بتاعتك
والاوراق المطلوبه صوره البطاقه و ايصال الكهرباء
شكراً mahmiho على الرد :-)
هو معلش إية الفرق بين ده وده ؟ وهو أنا مهندس حر يعنى مش شغال فى مكان معين وممكن لو أمكن الإيميل بتاع الماسينجر نتكلم فى الموضوع بتفاصيل أكتر
وجزاك الله خيراً
الاسلامى الفائده اعلى من الفائده العاديه علشان الاسلامى مش بيشترط تامين
اما البنوك العاديه لازم تامين ودى تفرق معاك فى القسط طبعا
m.abdela@hotmail.com
m_3bdela@yahoo.com
الاسلامى مش بيطلب تامين وبالتالى الفائده بتاعته اعلى من الفوائد العاديه
الحرام والحلال دى مش بتاعتى
m.abdela@hotmail.com
m_3bdela@yahoo.com
أشكرك على التوضيح :-)
تم إضافتك فى الماسينجر ... أرجو الدخول أون لاين :-) أنا موجود الأن
اقتباس:
المشاركة الأصلية كتبت بواسطة AhmedOs
بص يا باشا .... القرض الشخصي انت بتقدم مثلا علي قرض 40000 مثلا يعني..... بيطلبوا منك ورق اللي هو بطاقتك ووصل نور...تليفمن...اي حاجة و حاجة اسمها salary trasnfer letter من الشركة اللي انت شغال فيها عشان يثبت انك شغال في شركة X و ان مرتيك مثلا 2000 جنيه في الشهر...
قبل الثورة المسائل كانت اسهل بكتير.... ممكن تروح بطولك كده و تاخد قرض شخصي... دلوقتي لازم تبقي في مكان عملك بقالك سنتين عشان تاخد قرض ..... او لو الشركة بتاعتك عاملة offer مع بنك معين ممكن البنك ده يوافق لو انت بقالك اقل من سنتين..... يمكن دلوقي الامور اتحسنت بس انا بقولك الكلام ده كان لما انا سالت في ابريل اللي فات....
بيتحولك القرض.... تسحبه تروح بيه علي المعرض تدفع و سلامو عليكم..... و بترد القرض بأه علي حسب عدد السنين اللي انت هتختارها و سعر الفائدة.... ميزته انك لا هتحمل هم تامين اجباري و لا حظر بيع و لا و لا و لا...
فيه طبعا نظام المرابحة الاسلامي اللي الناس قالتلك عليه هنا.... فيه ناس بتفضله برضه .... بس انا لما سالت عليه في احد البنوك لقيت اني هدفع المقدم في المعرض و البنك الاسلامي ده هيخلص بقية الفلوس مع المعرض.... يعني البنك مشتراش ليا العربية و لا حاجة و الحكاية مشيت تقسيط في الاخر دفعت انا مقدم و البنك ضبط الباقي مع المعرض.... لأ و ايه الفايدة 9.5!
فحسيت انا اسف يعني انها منظر بس !
و طبعا اعمل اللي يريحك ..........و انا في الحدمة لو اي اسئلة......
ربنا يخليك يا pirlo2000 على المعلومات القيمة دى بجد مش عارف أقولك إية :-)
هو ممكن موضوع القرض الشخصى ده بالنسبة ليا يبقى صعب شوية علشان موضوع الشغل إللى بسنتين ده :-)
هو أنا عايز أسأل سؤال , هو ينفع قسط مثلاً بضمان شهادات إستثمار فى أحد البنوك ؟
هو القسط في المعارض لما سالت كان peace اوي.... بضمان شغلك و مش فارق معاهم انت بقالك اد ايه شغال
ربنا يخليك يا pirlo2000 تعبت نفسك لية بس :-) على العموم بجد أنا متشكر جداً ليك على السؤال وعلى إضافتك وإن شاء الله خير
السلام عليكم يا أستاذ أحمد,
دلوقتي في فرق صغير بس أساسي بين تقسيط السيارات بالمرابحة الأسلامية و النظام العادي و ده اللي بيخليه شرعي.
ببساطة نظام قرض السيارة العادي بيكون فيه 3 أطراف الشاري (حضرتك) و البائع (المعرض) و الطرف الثالث البنك اللي هو شرعا ملوش أي صفة رسمية هو مجرد مرابي في النص بيمول بجنيه و ياخده بعد سنة مثلا جنيه و 70 قرش .
أما الفرق في نظام المرابحة الأسلامية أن البنك بيكون مالك للسيارة أو لحصة في السيارة (لو حضرتك كنت دفعت المقدم للمعرض) و بالتالي من حقه (شرعا) أنه يبيعلك بالآجل بسعر أكبر (و دي هي قيمة أو نسبة المرابحه).
بيختلف الوضع من بنك أسلامي لآخر في دقة تطبيق الأجراءات و تسلسلها بشكل صحيح, و بعد السؤال في أكثر من مكان و في الموقع هنا وجدت أن في عدد لا بأس به بيرشح البنك الوطني للتنمية بالتعاون مع مصرف أبو ظبي الأسلامي.
و الله أعلم.
أشكرك أخى karemof على التوضوح بس انا عندى تعقيب هو يعنى مش مكانة بس هو كان فتوى من دار الإفتاء بخصوص هذا الشأن ربما تفيدنى أو تفيد أى أحد وهذا هو الرابط الخاص بها
ط¯ط§ط± ط§ظ„ط¥ظپطھط§ط، ط§ظ„ظ…طµط±ظٹط© - ط.ظƒظ… ط´ط±ط§ط، ط§ظ„ط³ظٹط§ط±ط§طھ ط¹ظ† ط·ط±ظٹظ‚ طھظˆط³ط· ط§ظ„ط¨ظ†ظƒ
وجزاك الله خيراً على توضيحك وشرحك للفرق بين الإثنين
في موضوعين من المنتدى يمكن يفيدوا حضرتك:
http://www.nilemotors.net/Nile/24323-a.html
http://www.nilemotors.net/Nile/5618-a.html
أخى الفاضل karemof جزاك الله كل خير على الموضوعين الأكثر من رائعين بجد مواضيع جامده جداً خصوصاً الموضوع التانى .