انا رحت انهاردة علشان استلم العربية من ابوغالي اللي في جسر السويس , بس لسة هاستلمها بكرة انشاء الله.بس لقيت ان كل العربيات تقريبا اللي شفتها التقفيل مش اد كده.مع ان كل الناس بتشكر في العربية,فهل هيا زي المثل اللي بيقول ( من برة هلا هلا , و من جوه يعلم الله )يعني قصدي من برة التفنيش مش قوي لكن بالنسبة لاماكنيتها و موتورها جامدين ولا انا غلطان في الرأي ده؟
فى توكيل الاسكندريه مدير الفرع محمد سمير بيقول لى واحد عند التسليم (فصص العربيه كلها و لو حاجه مش عاجباك ما تستلمش و انا اغيرهالك ) فلا تتهاون فى حقك لو مش عاجباك فيها حاجه
طبعا غلطان فى الرأى ده ههههههههه و جوه زى بره و و مافيهاش حاجه هالله هالله دا كله يعلم الله .
و بعدين انت رايح اساسا تشترى عربيه من غير ماتكون شفتها من اصلا ؟؟؟؟؟
و احنا عمالين هنا نقول ايه يعنى ؟؟؟؟ بنقول خامات رديئه و عربيه مش حلوه و تعبانه و كلها مشاكل وعيوب فى الموتور و العفشه و التقفيل و الخامات و الفتيس و الأنوار و البلاستيك بتاع التابلوه اللى بيسيح فى الشمس و تيل الفرامل بيصفر و قاعده الموتور بايظه و مافيش سحب و للا لو حتى عربيه 1100 و كتير من ملاكها بيشتكوا و عايزين يبيعوا ................ انت كنت فين ؟ صحى النوم يا باشا
فيه موضوعين مثبتين لعيوب السياره المعروفه برجاء قرائتهم
شريف برجاء عدم كتابه مداخلات مكرره
دكتور ايهاب مع احترامى ليك بس الراجل سأل سؤال مباشر و لازم نجاوبه اجابه مباشره ..... صح ؟
و ما اعتقدش انى غلطان فى حاجه !!!!
لأ مش صح اكتب له اللينك و بس
http://www.nilemotors.net/Forum/viewtopic.php?t=2202
صح الكلام بلاش تكرار
أنا برأي فكر كويس قبل أما تشتري العربية بعد سمعتها إلا ولا بد
الراجل بيقول انة خلاص ح يستلم نقولة مبروك وربنا يديلك خيرها ويكفيك شرها ولا نعكنن علية عيشتة --علشان طلب نقول اللى احنا شايفينة--شوف يا استاذ موضوع شكلها من برة دة موضوع اذواق والشكل الخارجى عاجب الجميع واكيد حضرتك منهم بدليل انك مصورها او عاملها شغل معين فى مخيلتك-انشاء الله --العيوب اللى فى السيارة اتكلمنا فيها كتير-وتقريبا كلها اتحلت من المصدر يعنى اللى بيستلم دلوقتى ما عندوش مشاكل--واللى استلم بمشاكل بتتحل اثناء الصيانة ---وبعدين لو انت متردد تستلمها او تصرف نظر انصحك ان تجربها الاول وتقودها بنفسك وتشوفها وتقدر تحكم --ولو فى اجتماع او مقابلة قريبا ممكن تشرف وتجربها بنفسك --لو ما فيش مقابلة انا ممكن اخلليك تجرب فى عربيتى وبرغم انى لم اعدل اى شىء فيها والحمدلله ما عنديش اى شكوى --
يا عم ربنا يباركلك فيها
ويكفيك شرها
فعلا يا انا معاك بس الراجل رايح يستلم خلاص
يعني كلامك دة مش متخيل يعمل فية اية
عموما يا باشا جربها زي ما بيقولوا
ولو معجبتكش
بيعها ومش خسران حاجة
ربنا معاك
والف الف مبروك
يا شريف بلاش كده عشان ما تخليش شعبان يفوق تاني !!!اقتباس:
طبعا غلطان فى الرأى ده ههههههههه و جوه زى بره و و مافيهاش حاجه هالله هالله دا كله يعلم الله .
و بعدين انت رايح اساسا تشترى عربيه من غير ماتكون شفتها من اصلا ؟؟؟؟؟
و احنا عمالين هنا نقول ايه يعنى ؟؟؟؟ بنقول خامات رديئه و عربيه مش حلوه و تعبانه و كلها مشاكل وعيوب فى الموتور و العفشه و التقفيل و الخامات و الفتيس و الأنوار و البلاستيك بتاع التابلوه اللى بيسيح فى الشمس و تيل الفرامل بيصفر و قاعده الموتور بايظه و مافيش سحب و للا لو حتى عربيه 1100 و كتير من ملاكها بيشتكوا و عايزين يبيعوا ................ انت كنت فين ؟ صحى النوم يا باشا
:lol: :lol: :lol:
الراجل ده كتبلك المفيد :wink:اقتباس:
خدوا الينك دة......عشان تعرفوا ان توكيل ابو الفتوح احسن توكيل فى مصر......
http://www.nilemotors.net/Forum/viewtopic.php?t=1121
انا مشفتش فى حياتى ازبل من كدة......ربنا يكون فى عونكم....اللهم لا شماتة....
أعتقد كل توكيلات مصر سيئه جدا بما فيها ابو الفتوح و غبور و عز العرب (بروتون)
بس مفيش مقارنة
بين عز العرب وابو الفتوح
طبعا عز العرب انضف ميت الف مرة
ناس فاهمة وعارفة وقديمة
مش لسة بتجرب
انا مش بشكر فية علي فكرة
بس حرام نظلمة
معلش بس غبور موصلش للدرجة دى....هناك بيخافوا موت.....واللى حصل دة لو حصل غبور مش عايز اقولك اللى هيحصل للمهندس او العامل الموجود...... انا فى مرة من المرات بصيت على عربيتى من فوق اثناء الصيانة ولاحظت ان العامل نسى يربط العفشة...مع انى مكنتش باشتكى منها ولا حاجة....لكن جدول الصيانة مكتوب فية ان العفشة بتتربط...اشتكيتة على طول لمدير المكان...الراجل مسح بكرامتة الارض وقالوا مش عايزين طلسقة يا اما تاخد بعضك وتغور من هنا.... وتم رفع العربية وتربيط العفشة وانا واقف....اقتباس:
أعتقد كل توكيلات مصر سيئه جدا بما فيها ابو الفتوح و غبور و عز العرب (بروتون)
الأستاذ / Monneyاقتباس:
المشاركة الأصلية كتبت بواسطة monney
بعد التحية
أزاي حكمت علي العربية بأن تقفيلها مش قد كدة ، ياريت توضح لنا الملاحظات التي رأيتها والتي جعلتك تقول أن العربية تقفيلها رديء
ومع الشكر
اللينك دى من مداخلات حفناوى فى contactcarsاقتباس:
طبعا عز العرب انضف ميت الف مرة
ناس فاهمة وعارفة وقديمة
مش لسة بتجرب
http://www.contactcars.com/Discussio...picID=34&tid=0
و ده برده واحد من كونتاكت
kmatshooo@yahoo.com 08/06/2007 03:49:28 م
عدد القراء : 6
اولا انا لااسب منتجات الصين بل اقول راى فى عربية صينى كتير من اصحابى اشتروها وكلهم باعوها قبل مايعدى عليها سنة ود دليل على ان العربية فشلت ثانيا انا من حقى اقول راى فى اى عربية حتى لو بى ام
ثانيا انا سقت الاسنبرانز وعلقت عليها وقلت سحبها ضعيف جدا جدا وتكيفها ملوش لازمة وفى المطبات سايبة من تحت وبتصفر مع الفرامل ده بعد يومين من الاستلام وانا مش معاى بى ام ولا مرسيدس انا كان معاى جوليت ودلوقتى معاى جين 2 وشكرا
اقتباس:
المشاركة الأصلية كتبت بواسطة ossama_m63
الأستاذ/Monney
نحن لازلنا في أنتظار موافاتنا بملاحظاتك علي السيارة في أقرب وقت ممكن لأنه سيادتك قلت لنا كلمة ولم توضح لنا أي شيء وتم صنع موضوع مثير للجدل من لاشيء ، لقد قمت بالأطلاع علي الموضوع وخرجت منه كما دخلت ولم أستفد بشيء ، وأطلب من مشرفي المنتدي التحقق من جدية الموضوعات وحذف الموضوعات الغير مفيدة بالمرة لأنه من الملاحظ وجود دخلاء كثيرون علي المنتدي لايفيدون المنتدي بشيء سوي بعض الحوارات والمناقشات التي لاتفيد في شيء ، فالمفترض أن المنتدي للموضوعات الجادة والهادفة وليس لحوارات عديمة القيمة والتي يكون مكانها للماسنجر سواء الياهو او الهوت ميل او اي شيء من هذا القبيل
نحن هنا في هذا المنتدي لكي نفيد اولا ثم نستفيد ثانيا
برجاء من جميع الاعضاء عدم كتابه مداخلات أخرى الا العضو monney و يذكر فيها ملاحظاته على التقفيل و ماعدا هذا سوف يتم حذفه لعدم الخروج عن مضمون المداخله و شكرا......
تم قرائه رسالتك أستاذ اسامه و انا اسف على حذفها طبقا لقواعد الرووم بعد اذنك
د.ايهاب بدر
انا قصدي انة العتبة اللي تحت الباب مش اللي نكتوب عليها (اسبيرانزا)اللي تحتها,لما رحت علشان استلم العربية مقلتهاش كلها نفس الشكل يعني مش ماشية في خط مستقيم و البلاستك اللي متركب فية السماعات (التويتر)اللي عند الزجاج الامامي.فية حتة مفكوكة و انشاء الله هاقلهم عليها في صيانة ال1000.ده احدي الحاجات و انا خلاص استلمتها و العربية زي الفل في المشي و جربت التكيف بتاعها حلو قوي.لكن انا رأي ان العربية كمكونات و موتور جيده(يعني جامده)لكن بس هو التقفيل المصري بس المشكلة
شكرا ليك على ردك و لو فيه اى ملاحظات اخرى ممكن تقولها و مبروك السياره و ربنا يديك خيرها و يبعد عنك شرها
شكرا للأخ / Monney علي توضيح ملاحظاته علي السيارة ، وياريت توضيح أكثر بخصوص موضوع العتب لأني لم أفهمه
وأنا آسف يادكتور أيهاب اذا كنت خالفت قواعد المنتدياقتباس:
المشاركة الأصلية كتبت بواسطة ossama_m63
ممكن يا استاذ ايهاب
تسأل محمود الحفناوي كدة
بعد كدة اية اللي حصل وبقي التعامل ازاي الان
ومفيش حاجة تكون عايز تغيرها
غير لما لازم تتغير
حتي لو هما عندهم رأي اخر
وشكرا لردك
كلامك مظبوط فعلا و لو ابو الفتوح كان سيئ جدا مش حاله فرديه كلنا حنتعاون و نغير أسلوبه فى التعامل و شكرا لردك حضرتك ......اقتباس:
ومفيش حاجة تكون عايز تغيرها
غير لما لازم تتغير
حتي لو هما عندهم رأي اخر
هو ده اللي بيقصده وبنقصده كلنا في مسألة التقفيل
شوفوها هنا في موضوع اخونا وائل وشوفوا الصور بعد ما تحمل
http://www.nilemotors.net/Forum/viewtopic.php?t=2548
يا جماعه كل حاجه لها ثمن ومفيش حاجه ببلاش والغالي ثمنه فيه
وائل كان مصور الجالينا و فعلا تقفيل الجالينا تقفيلها أسوء بمراحل من الاسبيرانزا للأنى شفت الاتنين فى كارفور الاسكندريه قدام بعض و كان الفرق واضح فى الفرش الداخلى أسوء من ال620
انا عندي مشكلة في العربية و مش عارف اعمل اية.عندي العربية بتحدف يمين شوية لما بسيب الدريكسيون.هل عاوزة ظبط زوايا.و مش عارف لما بجيب العربية علي الغيار التاني بحس العربية بتترعش مش عارف لية السبب.ارجو الرد.و هل اروح التوكيل دلوقتي ولا استني في صيانة ال1000 كيلو؟
فية سؤال تاني.هيا العربية في البابين اللي ورا فيهم سمعات ولا لا؟
حذفت للتكرار بعد اذنك
د.ايهاب بدر
لا تقلق الحدفه اليمين دى لما تروح الصيانه قول لهم عليها و موضوع الرعشه ساعات بيكون فيه زيت على الاسطوانه و ده بيروح مع الاستخدام
الابواب الخلفيه بدون سماعات فيه تويترات فى القايم و عدد 2 سماعه فى الامام و 2 سماعه فى الخلف
شكراً د/ايهاب علي الرد السربع و المجهود الجبار المبذول.بصراحة انا اول ما حجزت العربية كنت قلقان لاني معرفشي اي حاجة عنها.لكن بفضل المنتدي ده عرفت تقريبا كل كبيرة و صغيرة سواء من ميزات و عيوب العربية.أشكرك مرة تانية د / ايهاب
للحكم الجيد علي أتزان السيارة وعدم انحرافها يمينا او شمالا يجب اختبارها في طريق ليس به اي ميل لأن للأسف معظم الطرق في بلدنا بها ميل سواء ناحية اليمين او الشمالاقتباس:
المشاركة الأصلية كتبت بواسطة monney