سينا كولا - منتج مصري 100% قااااادم بقوة

**bmw3m007** · 10-11-2011 03:46 AM

المشاركة الأصلية كتبت بواسطة النوبي

سينالكوا ده كان زباله وبيتهيئلي المصنع قفل لانها كانت ماء مكربن مش صودا
يعني اختراع ونصاحه مصريين مش منتج اصلا
لاكن نتمني ان سينا يطلع افضل من كولاوبيبسي اللي هموت واشوف فيهم يوم
وللعلم كل الزيادات اللي جات علي الكولا من 2007 الي الان كلها بلا استثناء كانت زيادات بلا اسباب
يعني الزياده جات علشان يزودوا هامش الربح ليس اكثر

يا باشا العيب مش عندهم , طول ما سيادتك بتشرب لازم يزودوا , خصوصا ان مفيش منافس غير كوكاكولا

**magyver** · 10-11-2011 05:34 AM

دة مرمية عندنا مش لاقي اللي ياخدهاااااااا
انا بشربها بس مش بتعجبني زي البيبسي
بس طعمها بردة شغاال مش وحش

**SYD** · 10-11-2011 06:29 AM

سيناكولا

اعتقد مرة شربتها بطعم البرتقال

لا علاقة لها بالبرتقال او اليوسفي او اي موالح علي الأطلاق

واول مرة في حياتي شوفتها كانت بتتباع علي الرصيف في الكوبري الخشب امام مقار بعد الثورة مباشرة
وتخيلت انها كوكاكولا ومسروقة من كارفور لأنهم بصراحة سارقين الديزاين وكاتبين بنفس الفونت وتقريبا نفس الأسم (غش تجاري واضح جدا)

انا اعتقد انها فعلا ورشة تحت السلم ولما عملت مبيعات بدأت تطور من نفسها يعني النهاردة بقي ليها اعلانات في التلفزيون وبقت منتج

لكن في البداية مكانش ليها اي لازمة وانا اتكسف اشربها او اشتريها او حد يشوفني وانا شايلها

وفين منتجاتها ؟؟؟؟؟؟؟؟؟؟؟؟؟

فين الزجاجة ال300 مل زي بيبسي وكوكاكولا ؟؟؟؟؟؟؟؟؟؟
فين العلب (الكان) ؟؟؟؟؟؟؟؟؟؟؟؟؟

اعتقد انها مجرد زوبعة وهتختفي قريبا لأن محدش بيشربها ومحدش هيشربها بعد ما شافها علي الرصيف والشمس نحلت وبر الزجاجة

والله المستعان
،
،