سينا كولا - منتج مصري 100% قااااادم بقوة

السلام عليكم ورحمة الله وبركاته
كنت في يوم في السوبر ماركت بشتري شوية حاجات وفوجئت بوجود مشروب غازي اسمه سينا كولا ومكتوب عليه منتج مصري 100%
انا بصراحة في الاول قلقت ورفضت اني اشتريها رغم اني من محبي شراء المنتجات المصرية. ولكن في تاني زيارة للسوبر ماركت لاقيت الناس بتشتريها عادي جدا قولت اجربها وكانت المفاجئة
بجد مشرب جاااااااامد وفعلا بينافس الكوكاكولا والبيبسي بمنتهى القوة وخليت عيلتي كلهم يشربوه وعجبهم جدا مش هتصدقو ان كل اللي شربه قاللي انه افضل من الكوكا والسبرايت والسفن والميريندا والكلام ده كله

هي انتاج وتعبئة شركة سينا كولا للمشروبات الغازية (الادارة في المنصورة)
الغريبة انها مش موجودة غير في سوبر ماركت واحد بس عندنا في حدائق حلوان مش عارف ليه كدة
انا حاولت ادور على النت لصور ليها ما لاقيتش
ان شاء الله ابقى اصورها وارفع الصور

اسعارها

1 لتر بلاستيك ----- 2.5 جنيه
2 لتر بلاستيك ----- 4.0 جنيه

وفيه عرض على اللتر ال3 ب 7 جنيه

الانواع المتاحة

كولا - ليمون - تفاح - برتقال

انا بردو عجبني فيها حاجة ان الصودا بتاعتها قوية وكمان لو فتحتها وسيبتها في الثلاجة لتاني يوم تفضل الصودا موجودة فيها عادي جدا

فعلا الواحد بيكون في قمة السعادة لما يلاقي منتج مصري بسعر رخيص وبينافس منتجات عالمية ومحتكرة السوق بقالها سنين.
اقسم بالله العظيم اني لا اعرف اصحاب المنتج ولا اقصد دعاية وانما اقصد ان اعرفكم بمنتج مصري فقط والله على ما اقوله شهيد

معاك حق
انا جربتها كذا مره وفعلا جميله جدا
انا من مايو و موجوده هنا عادى

عندنا بتتباع فى الشارع :)

طبعا سعرها خرافه لان انهارده لتر البيبسى او اى منتج تانى ب 4 جنيه ونص

بس احقاقا للحق انا جربتها مره واحده وكانت البرتقال ومعجبتنيش خالص خالص

حسيت انى بشرب دواء بطعم البرتقال

لكن مجربتش النكهات الاخرى

بس الشركه دى حتنجح ان شاء الله

اقتباس:

---

المشاركة الأصلية كتبت بواسطة mikology

معاك حق
انا جربتها كذا مره وفعلا جميله جدا
انا من مايو و موجوده هنا عادى

---

خاصة الليمون يا باشمهندس طعمها جاااااااامد
كويس انها موجودة في مايو لأني ببني في الامتداد وقريبا ممكن اسكن هناك. فا مهم جدا انها تكون موجودة هناك هههههههه

اقتباس:

---

المشاركة الأصلية كتبت بواسطة misoalex

عندنا بتتباع فى الشارع :)

هههههههههههه تعرف يا ميزو لو انا كنت شوفتها اول مرة في الشارع مش في سوبر ماركت ماكنتش اشتريتها ابدا.
طبعا سعرها خرافه لان انهارده لتر البيبسى او اى منتج تانى ب 4 جنيه ونص

اتفق معاك مليون في المائة لما يبقى لتر البيبسي ب 2 لتر سينا كولا ونفس الطعم والمكونات يبقى سعرها خرافة.
بس احقاقا للحق انا جربتها مره واحده وكانت البرتقال ومعجبتنيش خالص خالص
هو بصراحة انا مش بحب طعم البرتقال سواء في ميريندا او فانتا او اي مياه غازية ماعدا بصراحة شويبس الوحيدة اللي نجحت في الطعم ده وطعم اليوسفي.
حسيت انى بشرب دواء بطعم البرتقال

لكن مجربتش النكهات الاخرى

---

اقتباس:

---

المشاركة الأصلية كتبت بواسطة misoalex

بس الشركه دى حتنجح ان شاء الله

---

ان شاء الله اكيد. انا لما كنت في الجزائر كان عندهم مشروب بردو اسمه حمود بوعلام. بصراحة تحفة وصناعة جزائرية 100% وكل الناس هناك بتشتريه. ساعتها اتمنيت ان يبقى في مصر مشروب مصري ويقدر ينافس بيبسي وكوكاكولا وحاسس ان المشروب ده قدها ان شاء الله

يا رب
أنا بطلت بيبسي من فترة لكن نفسي اشوف منتج مصري أفرح بيه قبل ماموووت

اقتباس:

---

المشاركة الأصلية كتبت بواسطة abdelaziz-waleed

خاصة الليمون يا باشمهندس طعمها جاااااااامد
كويس انها موجودة في مايو لأني ببني في الامتداد وقريبا ممكن اسكن هناك. فا مهم جدا انها تكون موجودة هناك هههههههه




ان شاء الله اكيد. انا لما كنت في الجزائر كان عندهم مشروب بردو اسمه حمود بوعلام. بصراحة تحفة وصناعة جزائرية 100% وكل الناس هناك بتشتريه. ساعتها اتمنيت ان يبقى في مصر مشروب مصري ويقدر ينافس بيبسي وكوكاكولا وحاسس ان المشروب ده قدها ان شاء الله

---

حلو اوى يا وليد اسم المشروب
بس ده اسم لماركة تجاريه و لا بطاقه شخصيه
ده كان ناقص يقول
حمود بوعلام ابن عم بوعزيزى
القاطن فى وهران زاوية سليله
--------
انا بصراحه لسه ماشفتوش سيناكولا
بس انا فاكر ن زمان كان فى حاجه اسمها سينالكوا هل يا ترى دى شبيهه لها و لا حاجه تانيه
--
انت لسه بتروح الجزائر

اقتباس:

---

المشاركة الأصلية كتبت بواسطة رزق

يا رب
أنا بطلت بيبسي من فترة لكن نفسي اشوف منتج مصري أفرح بيه قبل ماموووت

---

ههههههههه
ان شاء الله يا رزق هتشوف منتجات مصرية كتير تفرح بيها

يا مسهل يا رب و متكونش من بتوع تحت السلم
و اهم حاجة في ديه تركيب المواد مش اكتر و هو ده اللي بيميز الكوكاكولا و البيبسي
و الموضوع مش صعب لكن محتاج اللي يستمر و ينافس و قبل كل ده الدعاية و الاعلان لو فعلا شركة رسمية مش من بتوع تحت السلم
و اكيد كلنا هنفضل الانتاج المصري
لأن البيبسي و الحاجات ديه بتيجي جاهزة و بتتعبأ هنا

فعلا البرتقال واليوسفى بتاع شويبس افضل حاجه فيهم حتى الان فعلا طعمهم مميز عن الميرندا والفانتا اللى بقت اسوء من سينا كولا فى الطعم

بس هى الشركه ناقصها الاعلانات والموزعين وحتكسر الدنيا

الفتره دى افضل فتره ممكن تنجح فيها لان كل العوامل فى صالحها
صيف نار
ورمضان
وحاله اقتصاديه زفت والناس بتدور على التوفير
والشركات الاخرى غلت المنتج بدل مترخصه بعد الثوره


اتمنى ان شركه مصريه 100 % تنجح ومش بس كده عاوزين منافسه من شركات مصريه اخرى

بس يارب النظام الحالى يسيبهم فى حالهم

اقتباس:

---

المشاركة الأصلية كتبت بواسطة misoalex

فعلا البرتقال واليوسفى بتاع شويبس افضل حاجه فيهم حتى الان فعلا طعمهم مميز عن الميرندا والفانتا اللى بقت اسوء من سينا كولا فى الطعم

بس هى الشركه ناقصها الاعلانات والموزعين وحتكسر الدنيا

الفتره دى افضل فتره ممكن تنجح فيها لان كل العوامل فى صالحها
صيف نار
ورمضان
وحاله اقتصاديه زفت والناس بتدور على التوفير
والشركات الاخرى غلت المنتج بدل مترخصه بعد الثوره


اتمنى ان شركه مصريه 100 % تنجح ومش بس كده عاوزين منافسه من شركات مصريه اخرى

بس يارب النظام الحالى يسيبهم فى حالهم

---

هو النظام الحالى بيحارب الشركات كمان

اقتباس:

---

المشاركة الأصلية كتبت بواسطة a.saad

هو النظام الحالى بيحارب الشركات كمان

---

وهما اللى فى ميدان التحرير دلوقتى معاهم اجندات !!!!!!!!!!!!!!!!


وعلى العموم يمكن عشان حضرتك معندكش شركه او تجاره خاصه عشان تعرف وقف الحال وغيره من اللى بيحصلهم

زى صاحب الشركه اللى طلع فى عمرو اديب اللى البنك بيقوله هاتلى ما يثبت ان حصل ثوره فى مصر
ودى تيجى منين دى

اقتباس:

---

المشاركة الأصلية كتبت بواسطة misoalex

وهما اللى فى ميدان التحرير دلوقتى معاهم اجندات !!!!!!!!!!!!!!!!

---

بعد اذنك ترد على السؤال

بتتباع فى انهى سوبر ماركت ده يا باشا ؟؟ ..... اخوك محمود من حدائق حلوان برضه :grin54:

اقتباس:

---

المشاركة الأصلية كتبت بواسطة a.saad

بعد اذنك ترد على السؤال

---

ردى مكتوب اسفل الجمله اللى حضرتك اقتبستها هو اصل كلمه النظام دى بقتت تتفهم على انها مبارك بس

رائع جدا
انا فى رأى هو فى مستوى البيبسى وافضل من كوكا كولا
البيبسى 2 لتر ب 6.5
سينا كولا 2 لتر 4 جنيه
بس بدون دعاية
مش موجود الا فى اماكن قليلية جدا

اقتباس:

---

المشاركة الأصلية كتبت بواسطة mtak

حلو اوى يا وليد اسم المشروب
بس ده اسم لماركة تجاريه و لا بطاقه شخصيه
ده كان ناقص يقول
حمود بوعلام ابن عم بوعزيزى
القاطن فى وهران زاوية سليله
--------
انا بصراحه لسه ماشفتوش سيناكولا
بس انا فاكر ن زمان كان فى حاجه اسمها سينالكوا هل يا ترى دى شبيهه لها و لا حاجه تانيه
--
انت لسه بتروح الجزائر

---

ههههههههههههه عندك حق يابو طه. دا حتى مشروب البرتقال مسميه على اسم ابنه سليم حمود بوعلام
وكاتب كمان ان المشروب حاصل على 20 ميدالية ذهبية في معرض باريس
طب ازاي. يعني مثلا جائزة افضل طعم - افضل رائحة - افضل شكل زجاجة - افضل غطاء. فيه ايه تاني علشان ياخد 20 ميدالية. ههههههههههههه.
انا حاليا خلاص مش بروح الجزائر لأن الشغل هناك توقف منذ اغسطس 2010
واحشني والله يا محمد

اقتباس:

---

المشاركة الأصلية كتبت بواسطة axel

يا مسهل يا رب و متكونش من بتوع تحت السلم
و اهم حاجة في ديه تركيب المواد مش اكتر و هو ده اللي بيميز الكوكاكولا و البيبسي
و الموضوع مش صعب لكن محتاج اللي يستمر و ينافس و قبل كل ده الدعاية و الاعلان لو فعلا شركة رسمية مش من بتوع تحت السلم
و اكيد كلنا هنفضل الانتاج المصري
لأن البيبسي و الحاجات ديه بتيجي جاهزة و بتتعبأ هنا

---

هو فعلا محتاج شوية دعاية وهيعدي. بس الخوف يا باشمهندس انه بعد ما يعدي يبدأ الطمع والجشع والاستغلال وتلاقيه بيغلي المنتج ربع في نص لغاية ما سعره يعدي البيبسي زي الفيروز كدة

اقتباس:

---

المشاركة الأصلية كتبت بواسطة misoalex

فعلا البرتقال واليوسفى بتاع شويبس افضل حاجه فيهم حتى الان فعلا طعمهم مميز عن الميرندا والفانتا اللى بقت اسوء من سينا كولا فى الطعم

بس هى الشركه ناقصها الاعلانات والموزعين وحتكسر الدنيا

الفتره دى افضل فتره ممكن تنجح فيها لان كل العوامل فى صالحها
صيف نار
ورمضان
وحاله اقتصاديه زفت والناس بتدور على التوفير
والشركات الاخرى غلت المنتج بدل مترخصه بعد الثوره


اتمنى ان شركه مصريه 100 % تنجح ومش بس كده عاوزين منافسه من شركات مصريه اخرى

بس يارب النظام الحالى يسيبهم فى حالهم

---

اتفق مع حضرتك في كلمة يا باشمهندس
بس انا شايف ان النظام الحالي غير النظام السابق تماما. والمنتج ده خرج للنور في ظل النظام الحالي. ممكن يكون النظام السابق كان كاتم على نفسهم لصالح بيبسي وكوكاكولا علشان السبوبة
النظام الحالي افضل كتييييييير وان شاء الله مصر من تقدم لتقدم ونشوفها احسن بلد في الدنيا

اقتباس:

---

المشاركة الأصلية كتبت بواسطة mr_7oda

بتتباع فى انهى سوبر ماركت ده يا باشا ؟؟ ..... اخوك محمود من حدائق حلوان برضه :grin54:

---

محمود باشا جاري العزيز. انت منين من حدائق حلوان يا باشا
المشروب بيتباع عند سوبر ماركت نجمة المنصورة اللي في شارع جمال عبد الناصر امام جامع الهدي عند موقف ميكرباص المترو وبجوار سوق الفاكهة. كدة اكيد حضرتك عرفته لأنه اشهر شارع عندنا في الحدائق
وياريت اتشرف واقابل حضرتك

اقتباس:

---

المشاركة الأصلية كتبت بواسطة zkralla

رائع جدا
انا فى رأى هو فى مستوى البيبسى وافضل من كوكا كولا
البيبسى 2 لتر ب 6.5
سينا كولا 2 لتر 4 جنيه
بس بدون دعاية
مش موجود الا فى اماكن قليلية جدا

---

فعلا مشكلته انك تلاقيه بصعوبة. غير ان مافيش اي دعاية ليه خالص
دانا اي ضيوف ييجو عندي يشوفوه يستغربو
وهو زي ما حضرتك بتقول لا يقل ابدا عن البيبسي
انا من ساعة ما جربته ما شربتش لا بيبسي ولا كوكاكولا

اقتباس:

---

المشاركة الأصلية كتبت بواسطة abdelaziz-waleed

[color=darkred]

محمود باشا جاري العزيز. انت منين من حدائق حلوان يا باشا
المشروب بيتباع عند سوبر ماركت نجمة المنصورة اللي في شارع جمال عبد الناصر امام جامع الهدي عند موقف ميكرباص المترو وبجوار سوق الفاكهة. كدة اكيد حضرتك عرفته لأنه اشهر شارع عندنا في الحدائق
وياريت اتشرف واقابل حضرتك

---

اكيد طبعا نجمة المنصورة محدش يتوه عنها .... انا ساكن جنب جامع الميدان اكيد حضرتك عارفه طبعا .... ويبقى ليا الشرف الطبعا لو قابلت حضرتك فى اى وقت تحبه :16:

اقتباس:

---

المشاركة الأصلية كتبت بواسطة abdelaziz-waleed

[color=darkred]


اتفق مع حضرتك في كلمة يا باشمهندس
بس انا شايف ان النظام الحالي غير النظام السابق تماما. والمنتج ده خرج للنور في ظل النظام الحالي. ممكن يكون النظام السابق كان كاتم على نفسهم لصالح بيبسي وكوكاكولا علشان السبوبة
النظام الحالي افضل كتييييييير وان شاء الله مصر من تقدم لتقدم ونشوفها احسن بلد في الدنيا

---

اهم حاجه انك فهمتنى قصدى ايه

وربنا يكتر من الصناعه المصريه كمان وكمان

اقتباس:

---

المشاركة الأصلية كتبت بواسطة misoalex

اهم حاجه انك فهمتنى قصدى ايه

وربنا يكتر من الصناعه المصريه كمان وكمان

---

طبعا يا باشمهندس قصد حضرتك واضح
النظام القديم ياما دمر صناعات وطنية كان ممكن تتألق وتنافس على العالمية ومنها السيارات وسلمنا للمستوردين والشركات الاجنبية تمص دمنا. ربنا ينتقم منهم.

اقتباس:

---

المشاركة الأصلية كتبت بواسطة abdelaziz-waleed

طبعا يا باشمهندس قصد حضرتك واضح
النظام القديم ياما دمر صناعات وطنية كان ممكن تتألق وتنافس على العالمية ومنها السيارات وسلمنا للمستوردين والشركات الاجنبية تمص دمنا. ربنا ينتقم منهم.

---

اااااااااه جيت على الجرح امتى نشوف عربيات مصريه 100%

واهم حاجه اهم حاجه مندفعش عليها جمارك :angry06:

شوية معلومات عن سيناكولا
1- المصنع بتاعها فى المنطقة الصناعية فى جمصة
2- اسم المصنع سنالكو واسم المنتج سيناكولا
3- أصل المنصع ألمانى وبيستوردوا المواد الخام من هناك
4- تقريبا جزء من الانتاج بيتصدر تانى (مش متأكد)

أنا جربت التفاح حسيتها بونبونى .. بس الصودا بتاعتها حلوة

اقتباس:

---

المشاركة الأصلية كتبت بواسطة misoalex

اااااااااه جيت على الجرح امتى نشوف عربيات مصريه 100%

واهم حاجه اهم حاجه مندفعش عليها جمارك :angry06:

---

ان شاء الله قريب جدا يا ميزو هتشوف السايرة المصرية في الاسواق

اقتباس:

---

المشاركة الأصلية كتبت بواسطة kono

شوية معلومات عن سيناكولا
1- المصنع بتاعها فى المنطقة الصناعية فى جمصة
2- اسم المصنع سنالكو واسم المنتج سيناكولا
3- أصل المنصع ألمانى وبيستوردوا المواد الخام من هناك
4- تقريبا جزء من الانتاج بيتصدر تانى (مش متأكد)

أنا جربت التفاح حسيتها بونبونى .. بس الصودا بتاعتها حلوة

---

الف شكر على المعلومات القيمة يا باشمهندس

بيبيعوه عندنا في الجيزه زي الخضار و الفاكهه
بس عموما من ساعه ما البيبسي بقى ب 7 جنيه و انا بجيب سينا كولا ب 4 جنيه

اغرب حاجه فيه ان الصودا بتاعته بتقعد كتير جدا
انا ممكن بقعد اشرب فيه اسبوع و بيبقى لسه فيه صودا

الميرندا بقت عصير برتقال و الببسي من ساعه ماشربته في السعوديه و انا مابعرفش اشربه في مصر

اقتباس:

---

المشاركة الأصلية كتبت بواسطة saadelden

بيبيعوه عندنا في الجيزه زي الخضار و الفاكهه
بس عموما من ساعه ما البيبسي بقى ب 7 جنيه و انا بجيب سينا كولا ب 4 جنيه

اغرب حاجه فيه ان الصودا بتاعته بتقعد كتير جدا
انا ممكن بقعد اشرب فيه اسبوع و بيبقى لسه فيه صودا

الميرندا بقت عصير برتقال و الببسي من ساعه ماشربته في السعوديه و انا مابعرفش اشربه في مصر

---

ههههههههههه
فعلا انا بجيب ال 2 لتر ونقعد نشرب فيها يومين تلاتة والصودا موجودة عادي جدا
السفن والسبرايت تاني يوم بيبقو مية بسكر

وعلى رأي حضرتك لما يبقى البيبسي ب 6 جنيه ونص وفيه مشرب مصري بنفس الجودة وب 4 جنيه يبقى سينا كولا يكسب طبعا

انا جربتها كذا مره وفعلا جميله جدا

اقتباس:

---

المشاركة الأصلية كتبت بواسطة mtak

حلو اوى يا وليد اسم المشروب
بس ده اسم لماركة تجاريه و لا بطاقه شخصيه
ده كان ناقص يقول
حمود بوعلام ابن عم بوعزيزى
القاطن فى وهران زاوية سليله
--------
انا بصراحه لسه ماشفتوش سيناكولا
بس انا فاكر ن زمان كان فى حاجه اسمها سينالكوا هل يا ترى دى شبيهه لها و لا حاجه تانيه
--
انت لسه بتروح الجزائر

---

سينالكوا ده كان زباله وبيتهيئلي المصنع قفل لانها كانت ماء مكربن مش صودا
يعني اختراع ونصاحه مصريين مش منتج اصلا
لاكن نتمني ان سينا يطلع افضل من كولاوبيبسي اللي هموت واشوف فيهم يوم
وللعلم كل الزيادات اللي جات علي الكولا من 2007 الي الان كلها بلا استثناء كانت زيادات بلا اسباب
يعني الزياده جات علشان يزودوا هامش الربح ليس اكثر

انا قعدت اشرب منه لما زهقت كان جايبينه فى الشغل عندنا بصراحة انا شايف ان مستواه كويس مع سعره بس فى حاجة مخوفانى ايه الضمان ان المنتج ده مش بتوع تحت السلم أن محدش شاف اعلانات ولا حاجة

يا جماعة دا مرمى فى الجيزة وشارع فيصل
وبيتباع على الرصيف وحدش بيسال فية
بصراحة انا جربت الكولا ومعجبنيش خالص (راى شخصى)

اقتباس:

---

المشاركة الأصلية كتبت بواسطة misoalex

اااااااااه جيت على الجرح امتى نشوف عربيات مصريه 100%

واهم حاجه اهم حاجه مندفعش عليها جمارك :angry06:

---

يا باشا لو مدفعتش جمارك هتدفع .. زمارك , نمارك , اي هبل بس المهم انك هتدفع
مصرية مش مصريه هتدفع هتدفع
ههههههههههههههههههههههههه هههههههههههههههه
تحيا مصر :ma:

اقتباس:

---

المشاركة الأصلية كتبت بواسطة النوبي

سينالكوا ده كان زباله وبيتهيئلي المصنع قفل لانها كانت ماء مكربن مش صودا
يعني اختراع ونصاحه مصريين مش منتج اصلا
لاكن نتمني ان سينا يطلع افضل من كولاوبيبسي اللي هموت واشوف فيهم يوم
وللعلم كل الزيادات اللي جات علي الكولا من 2007 الي الان كلها بلا استثناء كانت زيادات بلا اسباب
يعني الزياده جات علشان يزودوا هامش الربح ليس اكثر

---

يا باشا العيب مش عندهم , طول ما سيادتك بتشرب لازم يزودوا , خصوصا ان مفيش منافس غير كوكاكولا

دة مرمية عندنا مش لاقي اللي ياخدهاااااااا
انا بشربها بس مش بتعجبني زي البيبسي
بس طعمها بردة شغاال مش وحش

سيناكولا

اعتقد مرة شربتها بطعم البرتقال

لا علاقة لها بالبرتقال او اليوسفي او اي موالح علي الأطلاق

واول مرة في حياتي شوفتها كانت بتتباع علي الرصيف في الكوبري الخشب امام مقار بعد الثورة مباشرة
وتخيلت انها كوكاكولا ومسروقة من كارفور لأنهم بصراحة سارقين الديزاين وكاتبين بنفس الفونت وتقريبا نفس الأسم (غش تجاري واضح جدا)

انا اعتقد انها فعلا ورشة تحت السلم ولما عملت مبيعات بدأت تطور من نفسها يعني النهاردة بقي ليها اعلانات في التلفزيون وبقت منتج

لكن في البداية مكانش ليها اي لازمة وانا اتكسف اشربها او اشتريها او حد يشوفني وانا شايلها

وفين منتجاتها ؟؟؟؟؟؟؟؟؟؟؟؟؟

فين الزجاجة ال300 مل زي بيبسي وكوكاكولا ؟؟؟؟؟؟؟؟؟؟
فين العلب (الكان) ؟؟؟؟؟؟؟؟؟؟؟؟؟

اعتقد انها مجرد زوبعة وهتختفي قريبا لأن محدش بيشربها ومحدش هيشربها بعد ما شافها علي الرصيف والشمس نحلت وبر الزجاجة

والله المستعان
،
،

ِوفتلها إعلان النهارده على موجة كوميدي

فيها صودا كتير ودا بيبقي غلط علي المعدة والاسنان والجسم عموما

طعمها سئ جدا جدا خصوصا الكولا عبارة عن ماية معكرة مدوبين فيها بونبونى كولا متفهمش
منتج ردئ وغير مضمون دحنا بنشرب بيبسى وكوكا وبنبقى مش مطمنين مبالك الشركات العجيبة دى

انا اول مرة اسمع عن المنتج العجيب ده

السلام عليكم..طيب يا جماعة ممكن أعرف أماكن بيعه فى مدينة نصر وشكرا!!

اقتباس:

---

المشاركة الأصلية كتبت بواسطة mohamedadelemam

السلام عليكم..طيب يا جماعة ممكن أعرف أماكن بيعه فى مدينة نصر وشكرا!!

---

على الرصيف وفى الاكشاء ان شاء الله :ma: