الفرخة طبعااااا
الفرخة طبعااااا
عمر الثوره دي ما حتنفع طول مالناس بالهمجيه والتخلف والبلطجه دي......اللي عايز تغيير بحق ربنا هما الناس ....اللي شافو ان الحريه هو اني اعمل اي حاجه ومش مهم مين حيتاذي من اللي بعمله.....
موضوع العربيات والركن العشوائي ده تصرف بشري غبي....
المحترم حيفضل محترم مهما حصل حواليه والبلطجي حيفضل كده انتهازي للفرص
...............
وبرضه لا نهمل ان ضعف الشرطه حاليا غير مبرر بعد كل هذا الوقت.....صحيح في اوقات بعذرهم لما بشوف اشكال واطيه بتمسح بيه الارض ومفيش حد بيحاول يدافع عنه بل بالعكس اري نوع من الشماته.....ارجع اسال نفسي منين بنطلب منهم يرجعو يشتغلو كويس ومنين لا بنساعدهم ولا حتي نرحمهم من نظرات الشماته.....
بلطجية يعتدون على ضابط ويسرقون سلاحه وسيارة الشرطة
7/13/2011 9:01:00 pm كتب –احمد شمس الدين:
هاجم 12 بلطجي ضابط شرطة بمركز قليوب بالأسلحة النارية والبيضاء وانهالوا عليه ضربا واصابوه بإصابات خطيرة وسائقه وسرقوا، سلاحه الميرى وامواله وتليفونه المحمول وسيارة الشرطة ثم تركوها في احد الاماكن المهجورة.
اخطرت النيابة فأمر محمود مصطفى مدير النيابة باشراف المستشار محمد عبد المحامى العام لنيابات جنوب القليوبية بسرعة ضبط واحضار المتهمين والاستعلام عن حالة الضابط والسائق المصابين.
تلقى العقيد محمد شرباش رئيس فرع البحث الجنائي بشبرا اشارة من مستشفى قليوب العام بوصول المقدم خالد .ع ضابط بمركز شرطة قليوب وسائقه ممدوح .م مصابين بعدة اصابات خطيرة وفى حالة سيئة اثر الاعتداء عليهما من بلطجية تم اخطار اللواء احمد سالم الناغى مدير امن القليوبية بالحادث.
كشفت تحريات اللواء محمود يسرى مدير المباحث والعميد دكتور اشرف عبد القادر رئيس المباحث ان الضابط المجنى عليه تلقى اتصالا من مجهول بوجود مشاجرة امام الكنيسة الانجيلية بقليوب فاسرع الضابط بصحبة سائقه وسيارة الشرطة الى مكان البلاغ ففوجئ في الطريق بمجموعة من البلطجية قاموا باستيقافه والاعتداء عليه بالأسلحة هو والسائق واستولوا منهما على سلاح الضابط و2 تليفون محمول وسيارة الشرطة .
هقولك 3 نقط بس
1-مش اكتر مني في اللي شوفتهم
2- لا تعليق ع الشخصيات ديه
3- تصرف الظابط بسبب اللي بيحصلهم من كل واحد و تلاقي واحد اد عياله نازل يشتمه و يضربه و لو معاه كام واحد بتلموا عليه
و كفاية كده بدل ما اعمل كيك داون في الرد ههههههه
هقولك حاجة يمكن تكون بعيدة عن الموضوع
كذا مرة ابقى ماشي و الاقي ناس بتضحك عليا عشان رابط الحزام !! دول تقولهم اية
بالنسبة للشرطة حضرتك نزلت الساعة و المناطق دي قريب .. شفت سواقين الميكروباصات و التاكسي و حتى الملاكي بيعملوا اية فيهم !! طيب لو انت ماشي و لقيت تاكسي جاي في وشك عكس الاتجاه و كان هيموتك و لما الظابط وقفة كان عايز يدوسة بالعربية !!
انا مش بدافع عن الشرطة ولا عن اللي شايل النمر بس هي ثقافة الشعب كلة لازم تتغير هي و الشرطة
مع ان لو اللي شايل النمر دا حد خبطة و هو واقف و ملوش زنب المفروض انه ميعرفش ياخد حقة بالقانون
حضرتك انا من الساعه
وتقريبا مبركبش عربيتى بسبب المكروباصات والتاكسيات
اتخبطت 3 مرات بعد الثوره بسببهم
بس العيب مش فيهم العيب على اللى سايبهم
طب ليه لما ظباط الجيش بينزلو الساعه بتبقى حاجه تانيه وتلاقى نظام ومفيش مخلوق يقدر يمشى عكسى
اقولك ليه عشان الشرطه بقت خيخه ومش عاوزه تطبق القانون عشان الفوضى تنتشر اكتر وانت اللى تبقى محتاج ليهم
الجيش بيطبق القانون ومبيهموش حد حتى لو حيموت
لكن تقوللى الظابط خايف
خايف يبقى يقعد فى بيتهم وده اللى بييحصل دلوقتى بياخدو مرتابات وهما قاعدين فى البيت لكن احنا مش عاوزين كده احنا عاوزين شرطه قلبها ميت مش هفأ
يارب حركه الفصل والاستغناء الجديده تبقى عبره لهم عشان يشتغلو ولو انى شايف ان الوضع سيبقى على ماهو عليه وعلى المتضرر الشرب من ميه البحر
طب والمفروض الشعب يعمل ايه بقى مش فاهم ؟؟؟؟؟؟؟؟؟؟؟؟
ولو الشرطه بتتثبت من البلطجيه زى الشعب يبقى يلبسو طرحه ويقعدو فى بيتهم
مهى ملهاش حل اصله
مهو مش حنروح نكلم البلطجيه نقولهم ونبى عاملو الظباط كويس
ولما تلاقى واحد من الشعب ابقو ثبتوه وخدو اللى معاه ولما تلاقى ظابط سيبوه
مش عارف بصراحه فيه ايه فى ايد الشعب يعمله اكتر من اننا بنادى بتطهير الشرطه من هؤلاء الفاسدين من عينه العادلى
ولو واحد قابل على نفسه ان الشرطه ترجع بنفس اسلوبها هى وامن الدوله قبل الثوره ده يبقى واحد لامؤاخذه يعنى
عشان يقبل على نفسه يتهزأ ادام مراته او امه او اى شخص كان من واحد عيل المفروض انه موظف بياخد فلوس منى عشان يحمينى
انا كتبت كلام كتير ومش عارف راح فين ومش هقدر اعيدة
بس باختصار لو دة مش وقت شغلهم امال وقتة امتى؟
الشرطه هو الاسم المهذب للبلطجيه