الى كل من ينادي بوقف المظاهرات

السبب الرئيسي لكل من ينادي بانهاء المظاهرات و المليونيات و عدم التصعيد هوه ان الانتاج واقف و البلد هتفلس و ان السياحة اضربت و ان حالنا هيقف ............................ و كلام تاني كتير بنفس المعتى

أرد و أقوله
يا باشا سيادتك البلد كانت بتتسرق كل طلعة شمس بنا يعادل اجمالي الدخل اليومي يعني مكناش بنطول حاجة و كان حالنا واقف
يا باشا لما يكون العسكري ليه لازمة عن أستاذ اللجامعة يبقى البلد كده حالها يقف
يا باشا لما الزراعة تترش بمبيدات مسرطنة يبقى كده بنموت بالبطيء يبقى وقف الحال أرحم
يا باشا لما المدارس الحكومية و الخاصة و المعاهد و الجامعة مفيش فيها تعليم و اللي عايز يتعلم ياخد درس يبقى كده حالنا واقف
يا باشا لما متقدرش تودي ابنك مستشفى عشان مش قادر تدفع لأنك غير مستحق للتأمين الصحي اللي هوه أصلا مالوش لازمة يبقى حالنا واقف
يا باشا لما تبقى مسافر بعربيتك و أوراقك كلها سليمة و مفيش عليك أحكام و تدعي ان ربنا يسترها و متقابلش ظابط رخم ياخدك اشتباه يبقى كده حالنا واقف
يا باشا لما تبقى عايز تشتري رغيف عيش و مش قادر تجيبه عشان الطابور محتاجك تقف ساعتين تلاتة يبقى حالنا واقف
يا باشا لو انت راجل غني و تقدر تشتري رغيف عيش من أبو 25 قرش بس خايف عشان ده مش قمح ده مخلفات قمح فاسد يبقى كده حالنا واقف
يا باشا لما تحط تحويشة عمرك في حتة أرض و تروح منك عشان واحد من الحرامية احلوت في عينه الأرض بتاعتك يبقى كده حالنا واقف
يا باشا لما تحط تحويشة عمرك في مشروع و تلاقي عليك ضرايب أكتر من كل اللي حيلتك يبقى حالنا واقف
يا باشا لما تحط تحويشة عمرك في البورصة و جمال و علاء يقلبوك فيهم يبقى حالنا واقف
يا باشا لما تحط تحويشة عمرك في عربية أي كلام و العالم كله بيركبها ببلاش يبقى حالنا واقف


أقولك ايه تاني .............. قلبي وجعني
لو بعد كده لسه عايز الناس تبطل يبقى انت فلول و لازم نعملها معاك بقى لأنك خلاص مفيش فايدة منك

حقتبس كلمة اتقالت مرة على الFacebook

"اذا كانت كل امال الشعب المصري انه يروح الشغل و ياكل عيش ... يبقى نستاهل نعيش 30 سنة كمان زي الي الي فاتوا "

التغيير اللى حصل منه ومعجزة وايه من ايات الله فى كونه انا مؤمن بهذا جيدا
وابلغنا الله على لسان رسوله الكريم من عمل عملا لابد ان يتقنه
فما بالكم من ان الذى عمل هذا التغيير هو الله عز وجل
انا مؤقن تماما ان هذ التغيير سوف يتقن رغم التفاف اصحاب المصالح والمنافع ورغم كل من يريد يلتف حول ثورة التغيير
اينعم الجيش وقف امام مع الشعب ولكنه انقلاب من نوع اخر من لا يستطيع على الحصول عليه كليا فى ذلك الوقت لكن مع المماطله والتسويف وضياع الوقت والفرقه بين الشعب من خلال المحاكمه طويله الامد والدستور ام الانتخابات اولا
الغياب الامنى المفتعل وعدم العمل على ايجاد البديل المنايب
المحاكمات التى لا يعرف الشعب مايدور داخل المحاكمات وعدم علانيتها لحظة بلحظة والتأجيلات تلو التأجيلات حتى يمل الشعب وينسى ظالميه
من يعرف ويوقن بان مبارك واولاده داخل البلد اتحدى من ان ياتى لى بمشهد فيديو بكيف يعيشون الان
الحل بسيط جدا
سرعه محاكمة رموز الفساد فى اقرب وقت ممكن
سرعه بضرب ومحاكمه رأس الفساد مبارك واولاده
سرعه القصاص من قتله المتظاهرين فورا وبلا تأجيل لانه مش معقول انهم عايزينا ننتظر سنه ونصف فى قضيه خالد سعيد ومازالت تأجل رغم ان القتله معروفين ومن اعطوهم الاوامر معروفين والشهود موجودين فلماذا التأجيل
سرعه ايجاد بديل حلى وجذرى لغياب الامن حتى لو ادى الى فصل جميع جهاز الشرطه كاملا الذين مازاولوا يبجلون ويأيدون حبيب العادلى حتى الان
اينعم نقابل اطياف من الشعب اصبجوا يكرهون هذه المظاهرات سواء كانوا متعلمين او اميون او جهلاء اما كانوا من مستفيدون من النظام السابق بطرق مباشره او غير مباشرة ومن امثله من هؤلاء المرتزقه
مواطنون من موظفى الاحياء هاولاء كانوا مستفيدون من خلال الاتاوات التى كانوا يحصلون عليها يوميا من احيائهم الان مفيش اصبحوا مضايقين من الوضع الحالى
صغار جهاز الشرطه كانوا يقبلون الرشاوى الصغيرة من اجل تسهيل اعمالهم لدى المواطنين الان مفيش اصبحوا مضايقين من الوضع الحالى
موظفى الجهاز الحكومى كانوا يستعينون بالرشاوى من اجل انهاء مصالح الشعب والا مفيش مصالح سوف تقضى لهم الان مفيش اصبحوا مضايقين من الوضع الحالى
رجال المرور الصغار مشى حالك حالك يمشى الان مفيش اصبحوا مضايقين من الوضع الحالى
من الاخر كان الفساد وصل للاعناق
ومن الكتاب المنافين الذين كانوا يقولون لنا اننا يجب ان ننزع النظاره السوداء التى يبسها الشعب المصرى وان الدنيا وردى وزى الفل
من الاخر
سوف يتقن هذا العمل لان الذى عمل هذا التغيير هو الله

يبقى كدة اوضحنا ان الفساد مش بس فساد المسئول الحكومى
الفساد كان الشعب مشجع ليه ومستفيد منه وراعى ليه
يبقى اولى ان الشعب كمان يتغير
وده مححصلش ولا هيحصل
حتى من المتظاهرين
وفيه معلومة قالت ومعرفش مدى صحتها ان الفخرانى - المحامى اللى رفع قضايا على طلعت مصطفى - وهو نموذج مشرف لكافحة الفساد
قام ببناء مخالف فى المحلة الكبرى دون ترخيص فى الفترة السابقة

كلام زى الفل