الموضوع: ايهما افضل رينو ميجان هاتشباك موديل 2007 ام بيجو 307 موديل 2007

ياجماعة انا شاب ومحتار بين العربيتين دوول خاصا ف الاستعمال وعايز اعرف الاوبشن بتاع العربيتين ونظام العفشة ناعمة ولا ناشفة ف العربيتين ومدى الثبات فيهم وتكون عربية تستحمل المطبات بتاعة شوارعنا المحروسة مستني ردودكم الله يخليكم

السلام عليكم
مبدئيا العربيتين قربين اوي من بعض لانهم نفس الفئه تقريبا
انا شايف ان البيجو منتشر اكتر و هيريحك اكتر في الصيانه و قطع الغيار ..دا غير ان ال307 تعتبر اقوي عربيه في الفئه دي بعد الجولف - دا رأي شخصي - و انا ممكن اكلمك عن

307 عن تجربه ..
مبدئيا العربيه دي من افضل العربيات اللي عملتها بيجو
موتور رياضي - سواء منيوال او اوتوماتيك لان العربيه دي ايزي ترونيك ..يعني ممكن في الشد تجيب المانيوال و تعيش
عفشه كويسه جدا .. فرامل abs و والله انا اول ما ركبت العربيه دي مصدقتش ثبات العربيه واتزانها علي السرعات العاليه و امكانيه التحكم في العربيه .. مبدئيا عادي جدا تاخد ملف - قطم - علي 130 و بأيد واحده و من غير مبالغه
انا لو قعدت احكيلك علي مميزات العربيه مش هخلص دلوقتي ..بس انا هقولك علي الحاجات اللي لازم تاخد بالك منها قبل ما تشتريها
لازم تكشف عليها عند التوكيل ..دا هيكلفك حوالي 150 جنيه بس لازم تعمله لانه ممكن يوفر عليك الاف ودي الاماكن اللي ممكن تكشف فيها
مودرن سيرفس -طريق السندباد جنب رينو
احمد ندا ---------القاهرة الجديده
احمد غلوش----جنب توكيل اوماترا جسر السويس
احمد عمارة -----الفسطاط
وابعد عن محطات البنزين

مهم اوي تكشف عن الفتيس و لازم تجربه في كل اساليب السواقه و مع استخدام و ضع القياده الرياضيه او بدونه
و علي فكره في ناس كتير بتقول ان العربيه دي فيها مشكله في الفتيس .. ودا مش حقيقي كل القصه انك لازم تتابع مقياس الزيت و لونه و تعمله صيانه دوريه لان الفيس دا قلب العربيه دي و اهم حاجة تكشف عليها ضغط زيت الجيربوكس و الكولر بتاعه عشان لو فيه رواسب زى الكرتون كده يبقى معناها ان القربة بتاعت زيت الجير لازم تتغير و ده معناه ان الجير كولر لازم يتفك يعنى شغلانة
و برده فى قعدتين بتوع الفتيس لازم تكشف عليهم برده

ولو في اي حاجه الكترونيك هتبان في الكمبيوتر ..
العربيه دي هتعشقها لو عاملتها كويس بس لو اهملتها التعويره فيها بتوجع