فى زرار مرسوم عليه عربية وجوا العربية سهم . فمش عارف الزرار ده بيعمل إيه . وهلى وأنا مشغل التكييف أفضل مشغله ولا أخليه مطفى ؟
عرض للطباعة
فى زرار مرسوم عليه عربية وجوا العربية سهم . فمش عارف الزرار ده بيعمل إيه . وهلى وأنا مشغل التكييف أفضل مشغله ولا أخليه مطفى ؟
الزرار ده بيخلى التكييف يقلب الهواء جوا العربية فقط
يعنى مش هيجيب هوا من بره العربية ويدخله جواها
ولو انت مشغل التكييف طبعا يبقى تخلى الزرار ده ينور علشان التكييف يسقع العربية كويس
اما لو طفيته فده هيخلى اهواء البارد يخرج بره العربية والتكييف يجيب هواء من بره يبرده ويدخله للعربية
وهنا كفاءة التبريد مش هتكون قد كده
هو الزرار ده .... معناه ان تخلي الهوا اللي داخل التكييف من جوه العربية ولا من بره العربية
انا عندي دراع بيتحرك يمين وشمال .... معرفش ده اللي قصدك عليه ولا لأ
والافضل طبعا انك تخلي الهوا من جوه العربية علشان فاءة التكييف تبقي احسن وتحس بيه اكتر :))
بس بعد لما العربية تسقع خليه يجيب هوا من برة عشان التنفس
جزاكم الله كل خير . طيب أنا عندى سؤال تانى . هو تكيف العربية زى تكييف البيت يعنى هل الكومبروسور بيفصل ولا لأ؟ وإيه الأفضل علشان التكييف يحتفظ بكفائته هل أخلى الزرار ده ينور ولا أطفيه ؟ أنا لما بنوره بحس إن صوت التكييف بيعلى ولما أطفيه الصوت بيوطى . أرجو الإفادة لو سمحتم
في اغلب العربيات التكيف مش بيفصل زي البيت ولما الصوت بيعلي معناه ان الهوا بيتحرك جوه العربيه بس وده مش صوت التكيف ده صوت بلور الهوا وده الوضوع الصح عشان التبريد يكون كويس
انا هقول اللى اعرفه ...
فى حالة تشغيل الزرار ده ... سواء انه يكون منور او تحرك الدراع باتجاه ....
ده معناه ان الهوا داخل العربية غير متجدد .... يعنى ان الهوا اللى جوه العربية نتيجة تبريد التلاجة بتاعت التكييف فقط .... دون وجود اى هواء من الخارج تماما .... ده فى حالة ان العربية متقفله 100 فى الماية ....
فى حالة ان غلق الزرار ده .... يعنى يكون مطفى او تحريك الدراع باتجاه الاخر ...
ده معناه ان نكييف العربية بيدخل هوا من الخرج سواء سخن او بارد .... يعنى بيخلط هو التكييف مع هواء من الخارج ... يبقى كدا الهوا اللى فى العربية مخلوط ....
ايه الفرق بين العربيات االلى فيها زرار منور ودراع ؟؟؟
العربيات اللى فيها دراع ... بيكون بوابة ميكانيكية .... يعنى الدراع ده بيكون متصل ببوابه ببتحرك عن طريق وراير زى بتاع الفرامل بتاع العجل .. مع وجود سوستة للكبس ....
العربيات اللى فيها زرار بينور .... بيكون بوابة كهرباية متصلة بوحدة الكمبيوتر اللى فى العربية .... فى حالة ان الزرار منور يبقى البوابة فى اتجاه الغلق بواشطة موتور كهربى صغير جدا ...
فى حالة اطفاء النور بتاع الزرار .... يبقى البوبة فى اتجاه الفتح ....
كدا تمام ..... كله واضح ؟؟؟؟
هو فعلا .. نفس الوظيفة .. اقرى المشاركة السابقةاقتباس:
انا عندي دراع بيتحرك يمين وشمال .... معرفش ده اللي قصدك عليه ولا لأ
ممكن لازم عشان الاكسجين ... بس مفيش عربية مغلقة 100 فى الماية ... لازم بيكون فى تنفيس فى الكابينة .... يبقى مش محتاجة اوى ...اقتباس:
بس بعد لما العربية تسقع خليه يجيب هوا من برة عشان التنفس
اقتباس:
هو تكيف العربية زى تكييف البيت يعنى هل الكومبروسور بيفصل ولا لأ؟
مع احترامى لكلام العضو ... انا لا اتفق معاه ...اقتباس:
في اغلب العربيات التكيف مش بيفصل زي البيت
العربيت دلوقتى 90 فى الماية منها بقى الكمبرسور بيفصل .. حتى فى النيسان صنى .... والتويوتا .. والفيرنا ... ما عاد الدايو ....مش عارف ليه ...
لان اغلب العربيات دلوقتى بيكون فى حساس فى التابلوة لقياس درجة الحرارة .... وبالتالى ببفصل على اساسه .... ده فكره العربيات الجديدة فى تخفيض استهلاك البنزين ....
حتى التكييف عندى فى البيجو بيفصل ... ما عدا الدايو ...
اقتباس:
أنا لما بنوره بحس إن صوت التكييف بيعلى ولما أطفيه الصوت بيوطى
فعلا كلامك صح يا باشا .... هو ده فعلا صور التوربين اللى موجود تحت التابلوة امام التلاجة ..... وده شبية بالظبط لوحدة التكييف اللى بيتكون موجودة فى الاسبليت المنزلى ...اقتباس:
ولما الصوت بيعلي معناه ان الهوا بيتحرك جوه العربيه بس وده مش صوت التكيف ده صوت بلور الهوا
وردا على سوال صاحب الموضوع ...
الصوت بيعلى لما تغبق البوابة بسبب دخول 100 فى الماية من هواء التوربين او البلور الى داخل الكابينة .... يبقى اندفاع ةضغط الهوا كبير ...
الصوت بيقل لما تفتح البوابة بسبب دخول 70 فى الماية من هواء التييف الى الكابينة مع خروج 30 فى الماية الى خارج العربية (منطقة الضغط المنخفض-فيزياء الديناميكا ) .... بالتالى يستبدل بهواء من خارج العربية بيكون ضغطه اقل من ضغط التوربين .... عشان كدا الصوت بيقل ...
اتمنى اكون افدتك ... واكون وضحت الفكرة ... شكرا جزيلا ..
الله يكرمك أنا فهمت دلوقتى كل شىء وجزاكم الله كل خير
طب سوال
انا لما بكون ماشى على طريق سفر و قافل القزاز علشان مقاومه الهواء ازاى هيحصل تنفس (( لو فى الشتاء يعنى مش هعرف افتح التكييف ))
هل ممكن اعمل التكييف على انه يجيب هوا من برا و انا قافل التكييف اساسا
البوابه (( الهوا من برا العربيه )) عندى على ويرات مش شرط اكون فاتح التكييف علشان تشتغل
عمل التكييف على الهو اللي من برا ده مش صح لان الهوا اللي بره هيبقى فيه تراب وشوائب هتسد الفلتر مع الوقت وهتقلل من كفاءة التكييف
لكن الصح انك تعملو من برا فقط لو عايز تغير جو العربية ولمدة قليلة دقيقتين او 3دقايق
بالنسبة لقفل الازاز في الشتاء شغل المروحة بس من غير التكييف ومش هتحتاج للزرار ده أصلا
دي معلوماتي وقد تكون خاطئة
أنا مش دارس لكن من تجارب عملية
فى الحالة دى هتكون قافل زرار الكباس .... ومعاه هتكون مشغل المروحة اللى جوه العربية ... ولو الجو شتا .. هتجيب هوا من بره ساقع ...اقتباس:
هل ممكن اعمل التكييف على انه يجيب هوا من برا و انا قافل التكييف اساسا
ايوا فعلا ... ده صحيح .... ضغط الهوا اللى خارج العربية كافى انه يدخل الهوا جوه الكابينة عن طريق البوابة ...اقتباس:
البوابه (( الهوا من برا العربيه )) عندى على ويرات مش شرط اكون فاتح التكييف علشان تشتغل
ده مش هيكون فلتر التكببف .... ده هيكون فلتر المروحة اللى جوه العربية ... اللى بيكون ورا درج التايلوة .. وده ممكن يتنظف او يتغير ...اقتباس:
عمل التكييف على الهو اللي من برا ده مش صح لان الهوا اللي بره هيبقى فيه تراب وشوائب هتسد الفلتر مع الوقت وهتقلل من كفاءة التكييف
تمام ..اقتباس:
لكن الصح انك تعملو من برا فقط لو عايز تغير جو العربية ولمدة قليلة دقيقتين او 3دقايق
كلامك صحيح ....اقتباس:
بالنسبة لقفل الازاز في الشتاء شغل المروحة بس من غير التكييف ومش هتحتاج للزرار ده أصلا
دي معلوماتي وقد تكون خاطئة
احسن حاجة التجارب ...اقتباس:
أنا مش دارس لكن من تجارب عملية
على رايك و اساسا اللانوس مفيهاش فلتر هينى هتسوح
ههههههههههه
خلاص تمام انا كده فهمت
العربية الوحيدة فى مصر اللى مفهاش فلتر داخل الكابينة .... وأفتخر .... شكرا لانوساقتباس:
مفيهاش فلتر هينى هتسوح
اقتباس:
المشاركة الأصلية كتبت بواسطة kisho55555
اه و الله غريبه جد
ا ربنا فتح عليهم و عملوا عربيه تحفه و نسيوا يعملوا فلتر للتكييف حاجه غم:untitled 1:
شكرا على المعاومات ياجماعه
الشكر لله وحده...اقتباس:
شكرا على المعاومات ياجماعه
انتظروا قريباً فلتر تكيف اللانوس من تعديلي انا واحمد ميدو والاستاذ محمد ممدوح
وانا منتظر على احر من الجمر ....اقتباس:
انتظروا قريباً فلتر تكيف اللانوس من تعديلي انا واحمد ميدو والاستاذ محمد ممدوح
رينو كليو كمان مفيهاش فلتر تكييفاقتباس:
المشاركة الأصلية كتبت بواسطة kisho55555
اهلا بيك فى عالم التراب .... وعدم وجود الفلاتر ,,, على اساس اللى بيركبوا العربيات دى مش بنى ادميين ...اقتباس:
رينو كليو كمان مفيهاش فلتر تكييف
مناقشة هايلة مليئة بالمعلومات القيمة و المفيدة