و انا كمان نفس الطلب يا جماعه - جازاكم الله خيراً
علشان عاوز اغير الطقم كله مع انه عامل 40 الف بس للأمان
عرض للطباعة
السلام عليكم كنت عايز اعرف نوع كاوتش كويس للاسكودا a4 مقاس الكاوتش 195/65R15 واية احسن نوع يكون فى حدود 500الى 550 الفردة
بالنسبة للمقاس 205 60 R15
البريدجستون البوتانزا مابقتش تنزل تاني خلاص
البريدجستون التورانزا Gr90 سوبر سايلنت ياباني فردة ممتازة بس سعرها عالي...890 في التوكيل و 820 في المحلات بره
الدانلوب الألماني Sport SP 01...فردة مزعجة و ناشفة جداً بس معمرة لأقصى درجة...قعدت معايا 85000...بس كل الريفيوز على النت بتقول أنها زي الزفت.. سعرها في حدود 650
بالنسبة للكونتيننتال فردة كويسة بس بتتاكل بسرعة و ضعيفة في مصر... سعرها في حدود 650
الكومهو السولس الفيتنامي فردة سيئة جداً من حيث النشفان و الفرامل و الراحة....سعرها 440 و مافيش كوري Ecsta في المقاس ده
المهم بعد شهر من البحث و اللف و النت...إستقريت على ميشلان Energy Saver...و الحمد لله ما خيبتش ظني ابداً...فردة مريحة و ناعمة و هادية لأقصى درجة...مكنتش أتخيل ان العربية ممكن يبقى صوتها هادي كده أبداً و حسيت بالنقلة النوعية بعد التغيير من الدانلوب...في المطبات و النقر صوتها مكتوم و الإحساس بالطريق قل كتير...و زود على كده إستهلاك البنزين إتحسن بفرق حوالي لتر و نص لكل 100 كيلو...الفردة صناعة إيطالي و سعرها 650 شامل التركيب و النتروجين و الترصيص
خلي بالك لو إستقريت على الميشلان...إتأكد انه Energy Saver مش Energy بس أو Energy XM2...لأن فرق السما من الأرض بين الفرد دي...
أتمنى اكون أفدتك
أنا الكاوتش عندي مقاس
R15 - 185/65
عايز أغيير و أجيب حاجة نضيفة
حد يعرف الاقي فين و بكام ميشلان فرنساوي أو بريدجستون ياباني أو يوكوهاما ياباني؟
أنا عمال بدور و قولت أكتب الأسعار و الماركات اللي لاقتها لغاية دلوقتي:
كومهو - كوري :420
عند علامكو للتجارة (شارع مراد) 35701406, 37767433
بريدجيستون - تايلاندي: 495
فيت أند فيكس (على فكرة الموقع بتاعهم بيسمحلك تشوف الأنواع المتوفرة لكل حجم و الأسعار - حاجة روعة)
هانكوك - كوري: 455
يوكوهاما - ياباني: 550
اسحاق حكيم في أحمد عرابي
بصراحة نفسي أجيب ميشلان الـEnergy Saver ديه. هو فيه منها فرنساوي؟
R15 - 185/65
يوكوهاما ياباني C Drive
500 جنية - أبناء علي صبرة
كومهو كوري
380 جنيه - تمكو للتجارة
ميشلان Energy XM2
530 جنيه - تمكو للتجارة
أنا الحمد لله اشتريت اليوكوهاما الياباني و مستريح له
ارجو الافادة على الانواع الجيدة والاسعار لعربيه رينو لوجان ومقاس الفرده 185/65/15
والف شكر