الحمد لله اشتريت 4 كاوتش بريدجستون gr90 205 /55 r16 يابانى الفرده ب755
عرض للطباعة
الحمد لله اشتريت 4 كاوتش بريدجستون gr90 205 /55 r16 يابانى الفرده ب755
السلام عليكم
انا كنت عايز اغير اربع فرد كاوتش 225/55/16
انا نزلت لفيت فى مدينه نصر كان نفسى الاقى تويو بس للاسف ملقتش ، ولقيت كل البريدجستون مش يابانى حتى التوكيل نفسه ، لقيت جوود يير المانى ٩٢٠ جنيه الفرده ولقيت هانكوك كورى ٨٠٠ جنيه ، وبريلى المانى ١٢٠٠ ، ميشلان المانى ١٣٨٠
وواحد قلى عنده دانلوب المانى (run flat ) عامله ١٠٠٠ ، انا طبعا محتار وكنت عامل حسابى ان ميزانيه الطقم كله متعديش ٤٠٠٠ جنيه
لو حد يقدر ينصحنى يبقا ربنا يكرمه ان شاء الله ، ولو حد يعرف مكان بيتباع فيه التويو او توكيله ياريت يقولى
جزاكم الله كل خير
ملحوظه : مقاس العربيه الاصلى 215/55/16 بس انا جايب العربيه مستعمله ولقيت راكب فيها 225/55/16 انا بصراحه المقاس ده مش تعبنى فى حاجه وحسومريح العربيه وفرق السعر بين المقاسين مش كبير ، يا ريت لو حد عندو معلومه ان المقاس الجديد ده ممكن يعمل مشاكل او حاجه ياريت يفدنى بيه وانا بغير ارجع للمقاس الاصلى ..
جزاكم الله كل خير ...
لا ياباشا المقاسين مفيهومش مشاكل - والتويو مش هتلاقية - عندك افضل 2 بيبيعو الكاوتش دا في ميدان السواح الروماني وجنبة اشرفكو 2 جنب بعض عندهم ماركات كتير وموديلات كتير
ارخص سعر تقريبا بتعامل معاهم من سنين
ومبروك مقدما
تسلم ياباشا ربنا يكرمك على المعلومه ، هنزل انهرده السواح وابقا اقولكم على التجربه ان شاء الله
شوف
التويو
هنا كده https://ar-ar.facebook.com/arabcontr...33377876681357
وعليكم السلام ورحمة الله وبركاته
فرق مقاس 225/55r16 عن 215/55r16
زياده فالقطر الكلى (الأرتفاع) 12 مم و و زياده 10 مم فالعرض و اختلاف فالسرعه بنسبه 1.8% تقريبا مؤشر السرعه 100كم/س لكن السرعه الفعليه 101.87 كم/س
نسبه الزياده 1.87% و دى فحدود النسبه المسموح بها (3%) و الأفضل الألتزام بالمقاس الأصلى لكن ان شاء الله مفيش مشاكل فالأستمرار بنفس المقاس الحالى بس حضرتك خلى بالك من فرق السرعه
ياباشا تحت امرك ولو قابلتك اي مشاكل كلمني علي طول وانشاء الله محلولة --
على فكرة البريدجستون اليابانى موجود متوفر
الف شكر للجميعانا لقيت كاوتش تويو يابانى 225/55/16 الفرده عامله 875 ج بس انا بس كان عندى استفسار فى موديل معين من التويو ولا اي فرده تويو هتبقى كويسه ، شكرا للجميع بنسبه للبريدجستون انا روحت التوكيل فى توتال عباس العقاد وهو الى قالى مفيش بريدجستون يابانى ، فى تايلاندى .