كل فردة كاوتش ليها قدرة تحمل و مينفعش تطلب منها اكتر من قدرة احتمالها
لما بتركب جنط 17 فى عربية الستوك بتاعها 14 او 15 بتضطر تركب كاوتش ببروفايل قليل عشان تحافظ على ارتفاع العربية الصح و دقة عداد السرعة و دة بيخللى المسافة بين الاسفلت و الجنط قليلة جدا و دى المسافة اللى بتمتص الصدمات
لما بتاخد مطب جامد على سرعة او سن بلاعة الفردة بتتفعص تماما بين الطريق و الجنط و بقوة اكنك نزلت عليها بمرزبة حديد تقيلة و دة بيخللى البنية الداخلية للاطار يحصل فيها تلف داخلى و دة بيظهر فى صورة بلونة لان الهوا بيضغط على الكاوتش من جوة فى حتة ضعيفة و متصررة فا الضغط بيخللى الكاوتشة تخرج لبرة فى صورة بلونة
اذا نفهم من كدة ان الموضوع مش عيب تصنيع مثلا او كدة... صحيح الفرد النضيفة حتستحمل شوية عن الفرد العادية بس الفرق مش كبير اوى يعنى و الحالات اللى زى كدة هتفرتك اى كاوتشة مهما كانت نضيفة و غالية
العيب فى الطرق بتاعتنا مش فى الكاوتش ولا الجنوط خالص
MMamdouh
المفضلات