ايه نظام السيراتو و السيراتو koup في اعادة البيع؟
عرض للطباعة
ايه نظام السيراتو و السيراتو koup في اعادة البيع؟
على حسب عايز تبيع امتى لو بعد سنه او اتنين السعر فى الارض انما بعد 5 اعتقد مش هتنزل كتير الكويس انها مطلوبه وبتتياع على طول
مش بتخصر
بص يا باشا دي تعتمد عليك....... هتبيع بعد اد ايه....و انت جايب عربية تستثمرها و لا لأ.....
طبعا السيدان منتشرة تنين و مطلوبة اوي فسعر اعادة البيع عالي .... يعني لو نزلت اعلان النهاردة 100 واحد هيكلمك ده لانها منتشرة...اثبتت كفاءة.... و ذلك ادي الي انتشار قطع الغيار و الصنايعية اللي بتفهم فيها.... فده بيعلي سعرها...اضف الي ذلك انها تنفع تكون عائلية....
الكوبيه هتخسر طبعا اكتر من السيدان و ده يرجع للاتي.... ان الطلب مش كتير عليها مش كتير زي السيدان لان زي ما بيقولو ليها زبونها.... مش اي حد بيركبها.... بمعني ان اللي هيجيبها ليه فكره الخاص مش فارقة معاه انها مش عائلية او كده.... بل عايز حاجة شبابي و ستايل و مش منتشرة... لان معظم الناس بتدور علي عربية تكون عائلية و عملية.... و السيدان عملية طبعا اكتر من الكوبيه.... لكن الكوبيه شبابي و funky حبتين.....
فانت لو هتبيع بعد سنة او 2 (بتستثمر يعني) و يهمك انك متخسرشي كتير فهات السيدان عشان ساعتها الخسارة هتبقي في الحنين و هتبيع و قتي... و عامة العربيات اخر حاجة تستثمر فيها.....
لكن لو هتبيع بعد مدة او حتي بعد وقت قصير و مش فارقة معاك الخسارة و عايز تركب حاجة ستايل مش فارقة معاك انها تبقي عائلية توكل علي الله و هات الكوبيه.....
بس خليك فاكر الكوبيه هتخسر اكتر من السيدان بشوية حلويت و هتبقي تقيلة في بيعها...
اديك مثال .... الهيونداي الكوبيه 2007 كانت بتتباع زيرو ب 130000...... فكرت اجيب و احدة استعمال لقيت انظف حاجة ب 80000!
يعني خسرت 50 الف في 4 سنين!
بس طبعا السيراتو الكوبيه منتشرة اكتر من الهيونداي الكوبيه....
و ربنا يهديك للي فيه الخير.....
شكرا يا جماعة جدا على الردود :)
يعني الkoup لو بعت يعد سنة او سنتين بالكثير حاخسر قد ايه تقريبا كده
و شكرا جدا على الردود السريعة و المفيدة مش عارف الواحد كان حيعمل ايه من غير نايل موترز و اعضائه :)
السيراتو بياعة
بص علي كونتاكت وانت تعرف
مش اقل من ٢٠ الف
السيراتو السيدان ليها طلب من شرائح متعددة من الشعب المصرى من شباب و متزوجين ....الخ
الكوب ليها شريحة معينة و هو الشباب فقط.
و التجربة بتاعت الهيونداى كوبية خير دليل اما كانت بتتباع 130 دلوقتى سعرها استعمال كام؟؟؟؟ من 70 ل 80s .
و مبقتش تنزل مصر تانى و اما حد بيشترىها بيقولو مش بتنزل مصر خلاص و للعلم موتورها موتور الانترا 2006 يعنى الفيرنا و الماتريكس كمان.
فراى الشخصى كدة كدة حتخسر جامد لان الكوب ما لوش سوق ف مصر عاملة زى الزوبعة اللى ف فنجان .
ف لو عايزها ركوبة و ميهمكش البيع او مستعد تخاطر بالبيع بعد 5 سنين مثلا يبقى مبروك عليك الكوب غير كدة ممبروك عليك السيراتو