الموضوع: ماذا تفعل لو كنت مكانى رجاء المشاركة

المشاركة الأصلية كتبت بواسطة hagan

طيب يا استاذ عمرو ما الاجدي و الانفع و الافضل ان صاحب الشقة اللي عنده مشاكل في سباكته يحل مشكلة السباكة بتاعته و ينتهي مصدر المياه نفسه
و لن يحدث تنقيط مياه في بلكونة الشقة المؤجرة و لن يتضرر جار حضرتك ايضا و و قتها و لن تحتاج لفتح الشقة ايضا
و نصيحة من اخ
انا لن اشك في نواياك او ضميرك طبعا
و لكن الرجل اللي مستأجر من حضرتك الشقة ليس عليه اي عتاب حتي لو رفض الرد علي تليفوناتك فهذا حقه
و لا يوجد اي علاقه بينكم سوي ( الايجار ) طالما هو لم يضر حضرتك و لم يقم بأي اعمال تخريبية بالشقة
و حل المشكلة بعيدا تماما عنه و هو لا دخل له لا من بعيد و لا من قريب بالموضوع و غلقه للشقة لا يعطل حل المشكلة حتي لو المواسير من البلكونات فيمكن للسباك التعامل من خارج المبني ( لانه هيتصرف )
و اخيرا الرجل معه عقد و يجب ان تنتظر حضرتك حتي تنتهي الفترة و لا تجدد له
و اعتبر ان حضرتك مؤجر لعائلة مسافرة خارج مصر كان ايضا سيتم نفس الشئ
فموضوع البحث عن حل قانوني اراه به ظلم بين اعرف ان حضرتك لا ترضي به طالما الرجل لم يرتكب مخالفة فنية او تخل بالعقد المبرم بينكم و يشهد عليكم الله
انا اسف جدا للاطالة

م.حاتم السباعي

استاذ حاتم ضع نفسك مكانى عندما تتصل يتم تجاهل اتصالك تماما ده فى حد ذاتها قله ذوق بضايقنى كتير
هو انا لما بتصل بيكون اتصال هام يخص مشكله
وحارى اللى بالاسفل اللى بحترمه لانه راجل محترم وبيحترمنى والضرر واقع عليه من شقتى المؤجرة
والاغرب انه اللى بيقضى فيها ممكن يومين فى الشهر ابنه او احد اقاربه
رغم ان جارى ابلغنى ان يشك فيه شىء ما ولكن قال لى عندما بتأكد منه سوف يخبرنى
لكنه لم يوضح لى مايشك فيه من ابنه او احد اقاربه
بيدفع ايجارة شهريا ويتركه مع جارى اللى اسفل شقتى مع العلم ان جارى قال له انا مش محتاجك الا يوما واحد اعمل صيانه فى شقتك وشقتى بالمرة
لان الصيانه فى شقته بدون شقتى كانه لم يعمل شىء وللعلم انا تارك له مبلغ من المال من اجل صيانه شقتى
والله مش عارف اعمل ايه
انا كل ماتصل بكل تليفوناته واجدها مغلقه بضايق جدا وبكره اليوم اللى اجرت له الشقه

طيب حضرتك ما تشوف سبب المشكله اللي هوه جارك اللي فوقيك

عانيت من نفس مشكلة حضرتك وسكنى فى الاول بعد الارضى والشقة اللى فوقى مش ساكنة واللى بتنقط وعاملة المشاكل كلها الشقة اللى فى التالت.

رحت على القسم بما اننى المتضرر ده طبعا بعد مناوشات ومناقشات ومحاولات لاكتر من 3 شهور مع الجار فى الدور التالت ولا نتيجة.عملت محضر فى القسم وطلبت فتح الشقة اللى فوقى بالقوة لاحتمال تسريب المياه منها وتعهدى بتواجد سباك لاصلاح العطل فورا فى وجود القوة وقد كان,اتنين من القسم جم وكسروا الباب ودخلت الشقة ملقناش مياه ولقينا المياه بتنقط من اللى فوقيا وسالوه هتصلح وتتعهد بالاصلاح ولا مضطرين نعمل محضر وساعتها هتصلح عندك وتدفع تلفيات شقتى وطبعا من غيظه قال هصلح فى خلال اسبوعين وانا تنازلت عن فكرة دفع تكاليف تلفياتى.

حل المشكلة بتاعة حضرتك هو الجار اللى فى الارضى يعمل المحضر ده بعد ما يحاول يكلم المستأجر ويقوله على المياه اللى بتنقط وطبعا مش من عنده يبقى من الى فوق وممكن يحصل معاه زى ما حصل مع جارى.

المشاركة الأصلية كتبت بواسطة ayman-ahmed

عانيت من نفس مشكلة حضرتك وسكنى فى الاول بعد الارضى والشقة اللى فوقى مش ساكنة واللى بتنقط وعاملة المشاكل كلها الشقة اللى فى التالت.

رحت على القسم بما اننى المتضرر ده طبعا بعد مناوشات ومناقشات ومحاولات لاكتر من 3 شهور مع الجار فى الدور التالت ولا نتيجة.عملت محضر فى القسم وطلبت فتح الشقة اللى فوقى بالقوة لاحتمال تسريب المياه منها وتعهدى بتواجد سباك لاصلاح العطل فورا فى وجود القوة وقد كان,اتنين من القسم جم وكسروا الباب ودخلت الشقة ملقناش مياه ولقينا المياه بتنقط من اللى فوقيا وسالوه هتصلح وتتعهد بالاصلاح ولا مضطرين نعمل محضر وساعتها هتصلح عندك وتدفع تلفيات شقتى وطبعا من غيظه قال هصلح فى خلال اسبوعين وانا تنازلت عن فكرة دفع تكاليف تلفياتى.

حل المشكلة بتاعة حضرتك هو الجار اللى فى الارضى يعمل المحضر ده بعد ما يحاول يكلم المستأجر ويقوله على المياه اللى بتنقط وطبعا مش من عنده يبقى من الى فوق وممكن يحصل معاه زى ما حصل مع جارى.

فعلا ده الحل القانونى بس القسم دلوقتى فى دنيا تانيه واحتمال كبير ميرضاش يطلع حد معاه

معلش اعذرني اللي فهمتو ان المشكلة مش من شقتك
ولاكن من الشقة اللي فوقها
طيب ما حضرتك وجارك اللي خايف على علاقتك بيه تتوجه لصاحب المشكلة واللي التسريب من عندة وتكلموه
بدل اللفه الغريبة اللي حضرتك عايز تلفها دي

بسيطة جدا جدا

حصرتك من اى مكان فى الشقة هتجيب خرطوم وتشغل المبة الى داخل الشقة وهتبلغ الشرطة بوجود شقة وحد نسى المية او مسورة مكسورة هتجيى الشرطة تكسر الباب وتعاين وهتسلمك الشقة ومحتويتها وسيتك هتكون الامين عليها وبكدة الشقة فى حوزتك ومثبت ما بداخل الشقة فى محضر رسمى وهذة احدى الالعيب الكثيرة هناك الكثير والكثير