العربية بقالها فترة فى السلانسية الار بى ام يبقى على 700
العربية فيها رجرجة بسيطة اوى يعنى محدش يحس بيها الا اذا كان مركز مع العربية
عايز احطها على سكانر و مش عارف اروح لمين
هل الموضوع له علاقة بفلتر البنزين او الايدل كنترول ؟
عرض للطباعة
العربية بقالها فترة فى السلانسية الار بى ام يبقى على 700
العربية فيها رجرجة بسيطة اوى يعنى محدش يحس بيها الا اذا كان مركز مع العربية
عايز احطها على سكانر و مش عارف اروح لمين
هل الموضوع له علاقة بفلتر البنزين او الايدل كنترول ؟
مسمار الرجلاش بتاع الموتور عاوز يتشد شوية ... عند أى ميكانيكى ... جرب و شغل التكييف و هى فى السلانسيه ... لو الأر بى أم نقص أكتر و الهزة زادت يبقى هو الرجلاش فعلا
انا لما بشغل التكييف الار بى ام بيبقى زى ماهو لا بيقل و لا بيعلى
متهيقلى كان فى حد قبل قال ان السيارات الحديثة التكييف بيبقى على الدينامو مش على الموتور
و اول مرة اسمع رجلاش الموتور دة !!!
أستاذ هكر
عربية حضرتك محتاجه تنضف البوابه و الحساسات و لو ميعاد السيرفس قرب عجل بيه
و المشكله مشكله هوا و حساس
و نصيحه من أخ أصغر أتعذب بسبب مسمار صداد بكرة الإكسلاتير بلاش لعب فيه نهائي هايعفرت العربيه و عن تجربه
و المفروض إن التكييف يعلي العربيه شرطه أو أتنين لكن كده يبقي حساس السلانسيه عايز يتنضف
طب مين يقدر يعمل عملية التنظيف دى ؟
هي بتتعمل في الصيانات الدوريه
و ممكن مركز خدمه معتمد أو مركز بيشتغل في الحديث
(هو حضرتك آخر صيانه كانت من أمتي بالشهور و الكيلومتر)
ايه اخر صيانه دوريه عملتها ؟ و غيرت ايه و ظبطت ايه ؟ و بعدين اعتقد ان كهربه المكنه منخفضه عليها شويه لان 700 rpm علي السلانسيه قليل اوي ممكن تخليه 800 مثلا او 900
انا مغير من اسبوع تقريبا
زيت موتور
فلتر زيت
فلتر هواء
بوجيهات
زيت فتيس اتوماتيك من شهر و نص
سير مجموعة من شهر و نص
جميع قطع الغيار من التوكيل
كل ده تمام جدا لكن العربيه بتبقي محتاجه تتحط علي الكمبيوتر و تصحح الأخطاء و كمان تراجع علي الحساسات (السلانسيه بالأخص)و تنضف البوابه
و إن شاء الله خير
شكرا يا حسام بيه
ان شاء الله بكره هاخلص امتحانات الليسانس و افوق للعربية بقى عشان بقالى شهر مش سأل فيها
العفو يا فندم و بالتوفيق إن شاء الله في الإمتحان و مع العربيه
هي لمبه الفحص منوره ؟ عموما علي كهربه المكنه شويه
لا مش منورة لانها مش موجودة أصلا :)
مش المفروض العربيه فيها لمبه Check Engine ؟ مش كل العربيات الحديثه كده ؟
المفروض لكن النيو النترا و نيو اكسنت مافهمش اللمبة دى و دى حاجة تعتبر غريبة او يمكن غبور افندى لاغيها من عربياته