طبب المياه

**enghanyomar** · 09-07-2011 03:25 PM

انا عندى الميه بتنقص جامد فى العربيه وكل يوم بزود ميه الخراطيم لسه مغيرها وانا شاكك فى طبب الميه والسؤال هل تغيرها محتاج اطلع الموتور بره والمصنعيه تقريبا تكون كام؟
افيدونى افادكم الله

**elpasha1** · 09-07-2011 03:37 PM

مش محتاج تطلع الموتور
المصنحية فى حدود 70 جنية

**فادى محمد** · 09-07-2011 07:45 PM

مش محتاج تطلع الموتور الالمان مش بالغباء ده علشان طبه ب2ج يخليك تطلع الموتور..في اسوا الحالات لو الطبه دي خلفيه الميكانيكي هيفك مانفولد السحب والكربراتير علشان يوسع لنفسه انما لو في وش الموتور فسهله انا مغيرها بايدي قبل كده بتنطر القديمه ببوز المفك وتنظف تحتها وتسنفر وتشحط الجديده بلحسه جمالاكه(بلغه الصنايعيه) والمصنعيه 20 او 30ج بحد اقصي

**tananybasha** · 10-07-2011 12:30 AM

لو على كل طبه هاطلع الموتور يبقى هاولع فى العربية
و قبل ما تقول طبب اكبس الدورة

**فادى محمد** · 11-07-2011 05:15 PM

المشاركة الأصلية كتبت بواسطة ashrafnoby

انا غيرت طبتيين بس طلعو عين الراجل بس عمل حاجه مهببه جاب الانبوبتيين وليط الطبه وخلى العربيه شكلها وحش جدا واعمل زى مافادى هات الجملكه وخالى الراجل يعمل بطريقه فادى علشان انا شفت شغل فادى وهو زى الفل ومعلوماته قيمه ومتخليش حد صنيعى يشتغلك

ربنا يكرم اصلك يا اشرف باشا والله انت الاحسن ..اوعي ماتجيش الفطار في رمضان ان شاء الله عاوز اقابلك..

**فادى محمد** · 11-07-2011 05:25 PM

المشاركة الأصلية كتبت بواسطة jemy_tnt

معلش يا جماعه انا عندى نفس المشكله بس انا بقى متاكد انو الطبب عندى على الاقل 3 عاوزين يتغيرو دول اللى انا شايفهم غير الباقى الميكانيكى عملى فلم و قلى هنطلع الموتور و هيحتاج كمان جوان المنفول و جوان تانى مش فاكر اسمه و عملى فلم
فيا ريت حد يفهمنى اى ابسط حل ليها و ازاى تتعمل مع العلم العربيه اللى معايا فكترا 94 اوتو و واحد من الطبب اللى عاوزه تتغير ورا ماسوره المنفول بالظبط

الموتور عندك فيه 10طبب 4 امامي وزيهم في الخلف وطبه في كل جانب....
الحل المبداي انك تغير الميكانيكي لانه عاوز يعمل شغل الطبب بتتغير بسهوله والخلفيه بس هي اللي بتبقي متعبه بيشيل مانفولد السحب والكربراتير علشان يوصلها والموضوع بسيط.

**فادى محمد** · 11-07-2011 09:24 PM

المشاركة الأصلية كتبت بواسطة jemy_tnt

هو الميكانيكى كان قالى انهم 7
اما عن الكاربرتير انا الموتور 2000 سى سى انجكشن فيا ترى سهله بردو ولا صعبه ؟؟؟

الطبه رقم 8 ناحيه الشمال بتبقي في وش السلندر مش في الشميز فيمكن علشان كده الميكانيكي مش معترف بيها

انا عارف ان موتورك انجكشن طبعا بس بلغه الصنايعيه بيسموا العمه باللي تحتها كلبلاتير (كربراتير) هو ده اللي هيتفك وسهل جدا يتفك من مسامير القاعده بتاعته

الموضوع: طبب المياه

LinkBack

أدوات الموضوع

عرض

-

-

-

-

-

-

المواضيع المتشابهه

تجربة تغيير كوعة المياه و تنظيف دورة المياه و البوابة لe46 318i M43 engine بالصور

نقص المياه

استفسار عن المياه الخضرا المكثفه و نقص المياه سريعا

المياه

هل يتم فقد المياه الخضرا عند تغيير طلمبة المياه

الكلمات الدلالية لهذا الموضوع

المفضلات

المفضلات

ضوابط المشاركة