البنوك - ياريت تقول تجاربك عايز أعمل حساب اطلع عليه فيزا

**ShaDy MiGo** · 11-07-2011 09:21 PM

المشاركة الأصلية كتبت بواسطة honda4ever

أحسن بنك اتعاملت معاه وسمعته ممتازة من ساعة ما طلع حتى الآن hsbc والـatm بتاعه في كل حتة وتعمل كل حاجة على النت
كنت مع nsgb فترة طويلة عشان الشغل القديم وناس تعاملهم كويس لكن تحصل مشكلة تلاقي برود غير طبيعي في مواجهتها وده عن تجربة شخصية وأيضا من خبرات صحابي
nsgb اهرب منه

فعلا الhsbc هاتشوف فيه احسن معامله عشان كده انا بتعامل معاه والحمدلله مريحنى جدا فى كل حاجة والنس اللى جوه عارف فعلا بتفهم ...مش زى البنوك المصرية (معلش اصل ليه تجربة سيئا مع البنك الأهلى)
وال nsgb باردو كويس وفيه ميزة عن الhsbc انه بيطلعلك فيزا للنت لوحدها (ده لو انت مهتم بالشراء من النت وخايف الفيزا تتسرق) ....وكمان مصاريف فتح الحساب هتكون مناسبة للعضو اللى فاتح الموضوع
..لكن بالنسبة للمعاملة الكويسة او البرود فده بيختلف من فرع لأخر ....
وفى الاخر مش هتلاقى الفرق كبير اوى بين البنكين:b4_033:

**ShaDy MiGo** · 11-07-2011 11:16 PM

المشاركة الأصلية كتبت بواسطة رزق

شكرا على ردودكم

تمام يعني لو حاطلع فيزا محتاج أحاول مرتب عليهم
إنما لو فتحت حسب حاخد atm كارد بس

-مظبوط كده...

سؤالين معلش
1 محتاج أعمل إيه عشان اخد debit card؟
بص انا معرفش ايه المطلوب للديبت كارد لكن ممكن تطلع credit card بضمان الوديعة لو مفيش مرتب هيتحول
2 الفرق مابين الوديعة والحساب ولا الوديعة ماينفعش ألمسها قبل وقت معيَّن؟
الوديعة : مينفعش تسحبها غير بعد 6 اشهر من طلب السحب ..بكن ممكن تطلع بيها credit card وتسحب لحد 90% من قيمتها وتسدد خلال 55 يوم بدون فوائد
1- فى nsgb: اقل حاجة 50000 جنيه ويتكون سنتين او 3 او 5
2-بنك hsbc : اقل مبلغ 10,000 جنيه ومدتها 3 او 5 او 7 او 10 سنوات

تحت امرك فى اى سؤال:b4_033:

**رزق** · 12-07-2011 12:11 AM

ألف شكر يا شادي باشا شكلك شغال في مواضيع البنوك دي

**ShaDy MiGo** · 12-07-2011 02:31 AM

المشاركة الأصلية كتبت بواسطة shadyesmaeel

تحت امرك فى اى سؤال:b4_033:

- فى nsgb: اقل حاجة 5,000 جنيه ويتكون سنتين او 3 او 5
معلش انا كنت اقصد خمسة الاف جنيه

...مش خمسين الف

**ShaDy MiGo** · 12-07-2011 02:34 AM

المشاركة الأصلية كتبت بواسطة رزق

ألف شكر يا شادي باشا شكلك شغال في مواضيع البنوك دي

تسلم يا أستاذ رزق ...
بالتوفيق لك ...

**yoko** · 12-07-2011 02:41 AM

متعاملتش غير مع hsbc وعملته جاري ب5000 جنيه وطول ما المبلغ فوق الرقم ده ما فيش مصاريف إداريه لو قل بيخدوا 35 جنيه في الشهر والdebit card دولي وبيخصم لو بره مصر 45 جنيه مصاريف إداريه في كل عمليه سحب وممكن تعمل كرديت لو تحب وإنترنت على نفس الحساب والإنترنت بانكيكنج محترم جدا لكن خدمة العملاء بعتلهم ميل ردوا بعد 48 ساعة عمل وده كتير جدا في عالم البيزنس

**FunnyMickey** · 12-07-2011 02:45 AM

طب انا مسافر كمان كام يوم وعاوز اعمل فيزا تبقي معايا عشان مش عاوز ابقي شايل فلوس في المحفظه كتير
الدنيا مش امان
يعني عاوز ابقي مسافر حاطط في الفيزا 3000 جنيه مثلا
اصرف منهم
اعمل ايه بقي
انا مش فاهم اي حاجه من موضوع جاري ووديعه والكلام ده

**dramir1** · 12-07-2011 02:46 AM

بنك فيصل في انترنت بنكي وdebit card

**yoko** · 12-07-2011 02:53 AM

وأه حاجة كمان hsbc الdebit هو الفيزا إلكترون 2 في 1 ومعلش مفيش كرت إنترنت بس ممكن تطلع ديبيت إضافي تستخدمة للنت وبتحدد المبلغ الي يقدر يسحبة وبيطلع بمبلغ أهبل يعني أنا الديبيت ومصاريف فتح الحساب مع بعض 65 جنيه والكرت الإضافي
وأسف 8 جنيه بس لو دولي على الديبيت (مش متأكد بس ده المكتوب على النت والصفحة أهي)
https://www.hsbc.com.eg/1/2/ALL_SITE...es-and-charges

**yoko** · 12-07-2011 02:56 AM

المشاركة الأصلية كتبت بواسطة FunnyMickey

طب انا مسافر كمان كام يوم وعاوز اعمل فيزا تبقي معايا عشان مش عاوز ابقي شايل فلوس في المحفظه كتير
الدنيا مش امان
يعني عاوز ابقي مسافر حاطط في الفيزا 3000 جنيه مثلا
اصرف منهم
اعمل ايه بقي
انا مش فاهم اي حاجه من موضوع جاري ووديعه والكلام ده

أنا زيك فعملت جاري في hsbc وحطيت فيه 5000 وخلاص