رقم العضوية : 46226
تاريخ التسجيل : 05Sep2009
المشاركات : 1,006
النوع : ذكر
الاقامة : ملوي
السيارة: Mercedes 280E
السيارة[2]: BMW 535
دراجة بخارية: لا توجد
الحالة :
اخي الكريم wel00000
جزاك الله خيرا
بالنسبة للتربتكت
هم هنا في الإمارات بياخدوا وصل أمانة موقع منك على بياض
وبيعوزوا كمان واحد ضامن لك طالما انت مش موظف حكومي - بيوقع على طلب التربتكت وكمان على وصل امانة على بياض
أنا اتعاملت مع مكتب اسمه ( النادي الوطني للسيارات ) وفيه واحد فلسطيني اسمه محمد بس طيب جدا وسمح في تعامله - وده رقمه 0507837636
وأصريت إني أكتب اسمه في وصل الأمانة علشان ما يقعش في إيد واحد يستخدمه ضدي بغير حق
وكمان اكتفينا بتوقيع الضامن فقط على طلب الدفتر وما كتبش وصل أمانة
خلي بالك لازم تقدم على طلب التربتكت قبل السفر باسبوعين ولا عشرة أيام لأنهم دلوقتي بيطلبوه من مصر والسعودية علشان خايفين من الأحداث وسرقة السيارات - وطبعا ده بياخد وقت
بالنسبة لطريق الخرج
فده طريق مفرد ( حارتين في إتجاهين ) بتاخده أول ما تطلع من حدود الإمارات - هو بيوفر حوالي 200 كيلو من مسافة وصولك للرياض
مشكلته إنه خطر وخصوصا في الليل - زي طريق القاهرة اسوان الزراعي كده بس على نضيف
ومش هتاخد طبعا ولا هتعدي على الهفوف نهائي
الأخ العزيز محمد ( otefa ) ربنا يبارك فيك على اهتمامك
أنا بأفكر أروح عن طريق نويبع علشان أضمن إني أنزل مصر الصبح أو الظهر علشان الطرق بيقولوا وحشة
واللي أوفره في البحر أمشيه بالسيارة أحسن
بس انا محتاج لو حد جرب اليومين دول يقولي الأفضل إيه وإيه الرسوم وسكك التخليص السريعة
أنا مش معايا حاجات كتيرة كلها أغراض شخصية جوه السيارة
تقبلوا جميعا تحياتي
بسم الله الرحمن الرحيم (حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ ) صدق الله العظيم. سورة يوسف.110
المفضلات