الموضوع: تركيب عازل حرارى للزجاج لفيات تمبرا

دى صور لعملية التركيب و الوقت عدى بسرعة فعلا و الراجل الفنى الى بيركب بجد واحد عندة ضمير و بيشتغل بذمة و ضمير و مش من النوع الى بيكروت الشغل

تركيب الزجاج الخلفى و طبعا أثناء التركيب كان فية بعض التعطيل بسبب أنى مركب سماعات بيضاوى جزء منها لاذق ناحية الزجاج الخلفى الراجل الفنى قالى لازم تفكم قولت لة ما تقص جزء صغير من الفيلم حوالين مكان السماعات علشان نكسب وقت . الراجل رفض و قالى لآ حرام من فضلك فكهم و طبعا فكيتهم و دة اخد جزء من الوقت بس هو كان شغال زى النحلة قالى حا اشتغل فى الباب الامامى لكسب الوقت و أنا أفك السماعات من الخلف المشكلة أن المسامير الى مربوط بيهم السماعات فى مكان ضيق للغاية و احتاجو مفك قصير جدا للفك
دى بعض الصور لعملية التركيب فى الزجاج الخلفى

بالنسبة للتركيب فى زجاج الابواب الجانبية الراجل فك المسطرة بتاعت الزجاج و دة طبعا بيستهلك جزء من الوقت سواء للفك أو تقفيل العربية كما كانت و ذلك بعد انتهاء التركيب

الف مبروك ياباشا. اتكلفت كام بقي الليلة ده ؟؟؟؟؟؟؟؟

أخر مرحلة كانت تركيب العازل فى زجاج فتحة السقف و طبعا الراجل بجد تعب لانة بيشتغل و هو رافع أيدية لفوق و بصراحة تعامل مع الموقف بمنتهى الاحترافية و دى الصور

دة الشكل النهائى بعد التنظيف و فى الشمس فى النهار و العزل كويس حسيت بالفرق لما كنت فى العربية و الشمس مباشرة فوقى داخل العربية

المشاركة الأصلية كتبت بواسطة mr_vampire

الف مبروك ياباشا. اتكلفت كام بقي الليلة ده ؟؟؟؟؟؟؟؟

المشاركة الأصلية كتبت بواسطة ahmedaliaeg

ماشاء الله مبروك وياريت تعرفنا اتكلفت كام

الله يبارك فيك يا باشا تسلمو و عقبالكم بأذن الله
التكلفة العربية كلها مع العلم أن زجاج التمبرا كبير نسبيا بس الحمد لله زلبانى باشا أبو الكرم حسبها 1350 جنية و فتحة السقف لوحدها 100 جنية زيادة يبقى الاجمالى 1450 جنية
و تفاصيل الاسعار مذكورة فى الاعلان بالتفصيل فى اللينك دة
http://www.nilemotors.net/Nile/224908-a.html