الموضوع: دي تمثيلية بقي و لا ايه؟ بين (( رئيس الوزراء و بعض الثوار )) للاسف الشديد

المشاركة الأصلية كتبت بواسطة wesam_salom

مستغرب الصراحه من رأيك
يعنى حضرتك زعلان على الظباط اللى بعضهم ان مكنش اغلبهم قتله
ولا زعلان من شرف انه سمع كلام الناس اللى فى التحرير
ولا زعلان ان بعد الناس ما قعدت تشكك فى الاعتصام وتتهم الناس بأنها هتخرب البلد طلع الاعتصام بنتيجه كويسه وطلعوا غلطانيييييين ومكسوفين يقولوا

انا اللي مستغرب انك لسه مصدق التمثيلية
كلامي مفهوش زعل علي حد
و ان كان فيه زعل فهو علي اي انسان شريف وطني بيلعب بيه ناس تانيه اهدافهم غير واضحة للاسف حتي الان
بالله عليك يا اخي لو انك مازلت مصدق تمثيلية خيبانة اسمها الضغط بالاعتصام بلاش تضغط علي احد بكلامك كي نصدقها معك و لو جلست مع نفسك لحظات و اجبت عن الاتي ستجد انك انت اللي علي غلط و انا بس مضطر اجاوب عليها معاك بصوت عالي علشان نشوف المناقشة الهادفة الي اين ستصل بنا
1- من هو عصام شرف؟ (( رجل من الثوار الثائرين علي الظلم و رجل وقف في وجه الحاكم الظالم في الميدان قبل تنحي مبارك و مثله مثل بلال فضل و الاسواني و احمد ماهر و الكثيريين ممن ثارو و لهم الان الصوت العالي ))
2- من اجبر المجلس العسكري علي تعيين شرف بدلا من شفيق؟ (( الميدان و الثوار ))
3- ما هي الطلبات الجديدة التي دعت الثوار للتظاهر امس ؟ لا جديد
4- ما هي العقبات التي كانت تعترض طريق رئيس الوزراء الثوري لتحقيق مطالب الثوار اللي هو اصلا منهم؟
لا احد معترض طريقه في تحقيق مطالبهم
5- ما دليلك يا كاتب الموضوع علي صحة كلامك ( انا طبعا )؟ سهولة التي اعلن بها قراراته الجهنمية اللحظية التي لم تستدعي حشد الحشود و لا التشكيك في المجلس العسكري و لا اي شئ غير طبيعي
6- لماذا تم تأجيل اصدار مثل هذه الفرمانات منه ( بما انها في يديه من الاول ) ؟ علشان اللي حضرتك ذكرته في مشاركتك بالنص حينما قلت لي (( ولا زعلان من شرف انه سمع كلام الناس اللى فى التحرير )) و كأن هوه ده المطلوب اثباته (( ان الناس اللي في التحرير هم ممثلي الشعب
7- لماذا تعترض اذا انت (( انا يعني )) و غيرك علي الاعتصامات طالما بتأتي بنتائج و الدليل ما فعله شرف اليوم؟
لاني لست مغيب و لست متبع لاشخاص استمد رأيي منهم ان لي عقل افكر به و لا اغيبه ابدا
8 - ما الذي سيحدث و ما الضرر فيما حدث اليوم ؟ (( القادم )) القادم هو المواجهة الحتمية لانه سيقول الفترة القادمة انا لم استطيع تنفيذ ما اقررته بسبب (( المجلس العسكري )) مثلما لم يكذب ان المجلس العسكري هو من اقال مستشاريه و مثلما لم يكذب ان المجلس العسكري فرض عليه وزراء بعينهم و مثلما هو دائما بعيد عن المجلس حتي يقول لمن اتو به انا معكم انتم و انتم قوتي و كأنه لا يعترف بالمجلس
اخيرا موضوع الضباط
لو انك ضابط شريف و اسمك اتحط غلط في الاتهامات و كان يكفي وقفك عن العمل حتي تعلن المحاكمة انك غير مدان ما هو احساسك تجاه بلدك الان و هي تسرحك عن العمل و يظل طول عمرك اسمك متسرح بسبب قتل الثوار سنين و سنين بالله عليك ما هو احساسك؟

م.حاتم السباعي

المشاركة الأصلية كتبت بواسطة Everlasting

برافو.

الصديق العزيز Everlasting
انا شاكك في برافو دي (( و متأكد انها زي جملتك لي بتاعة ربنا معاك )) هههههههههههه
فاكرها
تقبل تحياتي ارجو ان تتابع تحليلي و نتناقش بهدوء
و سيبك ارجوك من الهتافات و اللي بيتقال الان و خليك مع ما سوف يتم بعد يومين من الان او غدا عصرا

م.حاتم السباعي

المشاركة الأصلية كتبت بواسطة رزق

شرف ميعملش حاجة نتريق يعمل حاجة نتريق
طب يعمل إيه

ده لو عرف ينفذ كلامه اساسا

ابدا ابدا استاذ (( رزق )) انا استكملت موضوعي بكام سؤال ارجو ان تفكر فيهم و تجد لهم اجابات غير اللي اجبت انا عنها و ارجو ان وجدت اجابات غيرها ان تطرحها لنا فنتحاور و الا يبقي تحليلي صحيح للاسف
فلا تغضب لاني دائما ما احسن الظن بالاخرين الي ان يخنق الاخر نفسه بالشكوك حوله بأفعاله و مواضيعه

المشاركة الأصلية كتبت بواسطة م.احمد زكريا

يا باشمهندس حاتم إهدأ

الكلام كله كان متوقع

بالنسبة للقضاء كان لازم ده اليحصل من زمان وده شيئ جيد ولا خلاف عليه

أما بالنسبة للشرطة فمفيش أي مشكلة ....... يتم الايقاف وتبدأ المحاكمة والبريئ هايرجع شغله تاني وياخد تعويض كمان

هي مش هاتبقى دولة قانون ولا في نية انها تبقى حاجة تانية


وبالنسبة للإعتصام هايتفض لأن الجو بجد حر جدا ومش هايستحملوا اكتر من كدة وعصام شرف لحق الناس قبل ما تموت

عموما الأهم دلوقتي هي رد الفعل
وربنا يستر على مصر

يا بشمهندس احمد اقسم لك بالله اني لولا اني هادئ من فترة ما استطعت ان احلل الموقف حاليا
و تحليلي قائم علي عده حقائق
و لو حضرتك كنت تنتظر ان يكون رئيس الوزراء هو من يصدر للقضاه القرارات و ليس (( وزير العدل الجديد )) يبقي اكيد فيه حاجة غلط
و لو ان قرار رئيس الوزراء هو كلمة (( وقف عن العمل )) بالنسبة لكل الضباط اللي جاء اسمهم في مقتل المتظاهرين كان هذا هو الصواب
و لكن هو قال (( انهاء خدمته )) و انهاء الخدمة دي مصيبة كبري للشريف منهم
و حتي غير الشريف يا سيدي اقسم لك بالله ان قسم المعادي عندنا اكيد به من كل الانواع و الله الذي لا اله الا هو
ان المتهمين منهم بقتل الثوار لم يبرحو ساحة القسم او علي اقصي تقدير حتي ميدان القسم للدفاع عن القسم من ضرب الرصاص الذي انهال عليهم من (( بلطجية )) كانو قد اتمو اعتدائهم علي اقسام البساتين و دار السلام و ظل القسم يدافع عن نفسه حتي الرابعة فجرا (( و الصبح )) اهالي البلطجية اللي حاولو ان يقتحمو القسم قالو عن نفسهم ثوار
انا بس عاوز نفكر بهدوء و تروي
اليس عصام شرف هو من فتح مكتب في الغرفة المجاورة (( لممثلي شباب الثوار )) اليس هو من اتي به الثوار اليس اليس اليس هو من يقول الان للشعب انه صاحب اتخاذ القرارات (( طيب ليه سايب الثوار يطعنو في نزاهة المجلس العسكري بقي ))؟ مش حاجة تغيظ اوي الاستخفاف بالعقول ده يا هندسة

م.حاتم السباعي