مناظرة أو مناقشة م. عبدالمنعم الشحات و د. عمرو حمزاوي

**hobiko** · 10-07-2011 12:22 PM

المشاركة الأصلية كتبت بواسطة alaa_dash

جميل استشهادك بالحديث ..و كنت اتمنى انك تطبقه على نفسك قبل ما تنقل الفيديو هنا ...
ضيف عليه كمان اتهامك ان الشيخ هوه اللي كفّر .. و طبعا ظهر انه ما حصلش ..

ايوة عايزك تحسن الظن ..زي ما انت احسنت الظن بعمرو حمزاوي لما قال انه كان سرحان لما قال كذا و كذا ...

أطبقه على نفسى ازاى ؟؟؟؟؟ يا ريت تقولى عشان أنا ماعرفش

يعنى لما شيخ فاضل كبير ينقل كلام من اى حد ..... بيتهم مسلم فى دينه و فى والدته ..... فى برنامج فى التلفزيون

ده معناه ايه ؟؟؟؟؟ من فضلك قولى ...... أقسم بالله (انا حاسس انى بقيت بحلف كتير اليومين دول) أنا عايز احسن الظن بفضيلة الشيخ و بالسلفيين كلهم

بس قولى حضرتك فى الموقف ده ازاى ؟؟؟؟؟

المشاركة الأصلية كتبت بواسطة hagan

يا استاذي العزيز hobiko
حينما تكره تيار او اصحاب منهج معين فلا خلاف ان تنقل عنهم و تفضحهم كمان
اما انك تعلق بكلمات لم تقال في الفيديو او ان تقول بأن صاحب الفيديو هو قائلها
و ليس ناقلها من مقال او من كاتب اخر و الفيديو نفسه مقطوع من لحظة معينة
حتي يلبس علي المشاهدين ان هذا هو رأي الشيخ نفسه و اكتشافاته
و انه ليس مقال عن كاتب اخر يتحمل ان يراجع فيما وجهه من اتهامات لعمرو حمزاوي
ثم اجد اني اندهش من ان تدافع عن شخص قال انه لا يري اي مشاكل في موضوع
(( زواج المسلمة من المسيحي كي يكون متسق مع افكاره ))
فهو لم ينفي علي الملئ ان له افكار تنافي ما يدين به ام ان لك خلاف في ذلك
كأن يأتي اخر و يقول اني لا اجدني متوافق مع فرض الزكاة لاني بدفع ضرائب
كي اكون متسق مع الافكار التي انتهجها
فلما نسأله كيف لا تتسق افكارك مع منهج دينك تجدهم يقولو انهم يقصدو ما وصلنا
عموما اطلب من الله العلي القدير ان يفضح من اراد الكذب عن اي من الشيوخ الحقيقيون
و ان يفضح لك و لنا اي شيخ سئ يكذب علي شعبه و يكذب علي الله و يحرم و يحلل ما
لم يحرم الله او يحلل
اظن هذا الدعاء يحل الخلاف الحادث من فترة كبيرة للخلاف و عدم الثقة من البعض في بعض الشيوخ

م.حاتم السباعي

عزيزى باشمهندس حاتم

أنا بدافع عن مسلم ..... أخطأ مافيش كلام و لا أختلاف على ذلك ...... رجع و تراجع و اعتذر عن ده

حضرتك شايف نعمل فيه ايه ..... نضربه بالنار فى ميدان عام و لا نشنقه ؟؟؟؟!!!!!!

و بعدين حضرتك شايف ده مبرر لتكفيره

بارك الله فى شيخنا د.عمر عبد الكافى حين قال ...... نحن لا نكفر الا من قال انا كافر

وبعدين ده مش موضوع النقاش الأصلى ...... اسف للخروج عن الموضوع

**samoevil911** · 10-07-2011 01:30 PM

بداية أوا ما يؤسفني في الموضوع .. أني جايب المناقشة لإني لقيت الكلام بدأ يتشابه وقلت خلاص الخلاف هينتهي .. ببص لقيت نرجع تاني ونتناقش في مواضيع قديمة .. وكأن مفيش امل للتلاقي

المشاركة الأصلية كتبت بواسطة hobiko

يعني عمرو حمزاوي ..... يقول إنه مش بيخالف الشريعة مش عاجب ..... يقول بيخالف مش عاجب ..... طب يعمل إيه

هو الكلام دا كدا ليه ؟! أصل بيتهياقلي انا مقلتش كدا خالص
أنا كل اللي بقوله ان مكنش دا كلامه على حد علمي .. عمرو حمزاوي لم يستخدم جملة ان الليبرالية لا تخالف الشريعة .. ودائما كان بيقول الصالح العام .. بل كان بيقول المادة الثانية مادة تميزية بحتة
ممكن نفهما ازاي ؟

وأنا مقلتش ان الوضع الحالي بعد كلام المناظرة مش عاجبني .. دا بالعكس دانا بقول فرحان جدا ان بقى فيه ارضية مشتركة

مين إلي كفر عمرو حمزاوي و والدته ...... أسيبك مع الفيديو ...... مع الشيخ محمد عبد المقصود

https://www.youtube.com/watch?v=59veojmy71m&feature=player_embedded#at=94

حضرتك شوفت الفيديو اكثر من مرة .,. بحاول اطلع كلمة كافر مش لاقيها فعلا !
والشيخ بينقل كلام كاتب آخر
هو هنا بيتناقش حول شخص .. فبينقل مقال وبيتناقش فيه والكلام مقطوع من حلقة اصلا .. وبعدين هو بيقول شخص كذا بيقول كذا .. يعني لم يحدث هو بالكذب. يعني مقلش عمرو حمزاوي دا كذا كذا .. دا بيقرأ مقال (وايا كان مكنش نفسي اصلا يتكلم في الموضوع من الأصل) لإن ملوش لازمة

و حضرتك بتقولي مش من سلفي الاسكندرية ....... أفهم من كدة انهم مختلفين مع بعض أو ليهم توجهات مختلفة ؟؟؟؟

يا سيدي المقصود أنه المتحدث الرسمي بإسم سلفية الإسكندرية كالمدرسة الأم .. وبقول كدا على أساس لو اي شيخ اتكلم من نفسه في أمر سياسي مع نفسه فالشيخ عبد المنعم غير ملزم بيه كمدرسة سلفية .. لإن الشيخ عبد المنعم هو الوحيد الذي له الحق بالتحدث بإسمهم جميعا .

على فكرة السؤال دة سألته كتير أوي و على ناس كتير سلفيين و اخوان ...... إيه إلي يخليني انضم للإخوان و مانضمش لحزب النور مثلاً ..... إيه إلي يخليني انضم لحزب النور و مانضمش لحزب الفضيلة ؟؟؟؟؟

و على فكرة ..... قسماً بالله ..... الجميع رفضوا أو تهربوا من الإجابة على السؤال !!!!!!!!!!!!!!!!!!!!!

دي ترجع لحضرتك وميال اكثر لفكر مين .. الاتنين هدفهم واحد بس وسائلهم مختلفة .. فحضرتك اقرأ برنامج دا وبرنامج دا وحدد
وعموما الفرق بين الاثنين العام ان السلفيين اكثر منهجية من الأخوان. والأخوان اكثر تنظيم
فدي احزاب .. عندك برنامجها واقرأ واقرا كتب دول وكتب دول

عبد المنعم الشحات ...... مصر على الحديث بطريقة التعريض و التلميح و الغمز و اللمز بطريقة إنت عارف يا أسامة بنقول إيه على الطريقة دي في اسكندرية و مش عايز أقول و معايا ورق و معايا مش عارف إيه ..... بس مش عايز أكلم ..... إسلوب سوقي رخيص

دا طبيعي جدا .. وهقول لحضرتك قال كدا ليه:
1- لإن مكنش في وقت لسرد كل اللي في الورق
2- لإن كل ليبرالي ليه دماغ غير التاني .. فكل مهيجبله حد هيقله مش تبعي .. فهو جايبله كمام حجات ليه شخصيا
3- ودي الأهم عمرو حمزاوي كلامه تغيير تماما في المناظرة .. فمن الطبيعي ان الشيخ عبد المنعم يستغرب -ايا كان كان يقصد في الأول كلامه القديم وتراجع عنه ام هو اصلا دا كلامه لا يعنيني تماما-
لكن ما يعنيني ان كلامه اتغيير

عبد المنعم الشحات ...... مصر على شخصنة الحوار و الهجوم على د.عمرو و التفتيش في نواياه و عقائده ..... مع إن فاضل سليمان في أول المناظرة بيقول انها مناظرة عن الدستور

يا سيدي شخصنة ايه .. مهو كل ليبرالي ليه دماغه
ممكن حضرتك بكل بساطة .. تشرحلي ما هي الليبرالية التي من الممكن ان نتناقش حولها انا وحضرتك بدون مناقشة في فكرك ؟!
مهو حاجة من اتنين يانفشك في الليبرالية كفلسفة وساعتها هنلاقي حجات مصادمة للشرع . او هناقشك في الليبرالية اللي حضرتك عايزها .. يبقى لازم اكلم حضرتك
ودا اللي اكده الشيخ عبد المنعم .. وقاله اصل كل يوم في ليبرالي وكل ليبرالي ليه دماغ . فكل مناظرة بحس ان احنا بنتناقش مع فكر جديد

عبد المنعم الشحات جاي يتخانق ..... يتعارك ...... يكفر إلي قدامه و خلاص

ممكن دليل ؟ عايز دليل كلمة التكفير دي بالذات .. وانه جي يكفره .. وحضرتك عرفت ازاي نيته ؟!

كفاية كدة و أكمل بكرة

في انتظار المنقاشة
وكل دا قبل منتقابل .. اومال لما نتقابل ..

:b4_611:

**samoevil911** · 10-07-2011 01:38 PM

المشاركة الأصلية كتبت بواسطة SkyBird

انا مبسوط من التقدم الهائل في التقريب وياريت دايما
حضرتك مش عارف الشيخ عبد المنعم كانت فكرته ايه عن الليبرالية والكلام اللي قاله عنها وعن البرادعي يوووووووه داحنا كده فل اوي
كفاية المناظرة بين الاتجاهين وعدم تعالي بعضهم على بعض في النهاية كلنا مسلمين وكلنا مصريين عايزين نعيش في بلدنا بحرية وكرامة اهم شئ الحرية و الكرامة
متفق معاك .. بس عايز اتكلمعلى حزء الليبرالية .ز الشيخ عبد المنعم كان بيكلم عليها كفلسفة -عند اهلها كمان- ونماذج من اللي اكنت عندنا واللي دكتور عمرو نفسه قال انها لا تلزمه

وعجبني اوي لما الشيخ ودكتور عمرو قاوا سلموا على بعض وحضنوا بعض .. كان مشهد جميل فعلا

هو فعلا كده
الاسلام دين الحرية الانسانية بجد
واما ليه نسميها ليبرالية علشان التمييز السياسي بس كحركة سياسية مجتمعية يفهمها الشرق والغرب والعلماء قالوا لا مشاحة في الاصطلاح
وده المفروض يكون رد حمزاوي
عموما لو هو الفكرة ان حضرتك عايز حرية لا تخالف الشرع على رأي الشيخ سميها زي متسميها بس للأسف دا كلام حضرتك في غيرك لأ .. وممكن ادي لحضرتك نماذج من المنتدي نفسه لدرجة وصلت لفكرة اشبه بالحرة المطلقة ..
فهي دي بس المشكلة .. عشان كدا مفروض يبقى الكلام نقول انا ليبرالي لا أخالف الشرع -حلوة دي مش كدا

-
وموضوع ان دكتور حمزاوي مردش كدا .. معرفش .. بس الحمد لله على كل شيء

**fineart607** · 10-07-2011 01:44 PM

مش عارف ليه تعبين نفسنا وربنا سبحانه وتعالى اعطى لنا دستور وطريق نمشى علية
هو الكتاب والسنة كل واحد بقى نفسة يظهر يدور على شىء تانى ويدعى انه بيحافظ على تعاليم الأسلام والدين
والله لن يصلح الله حال مصر الا بالرجوع لكتابة وسنة رسوله
الى هيكون فيها العدالة الأجتماعية الى بينادوا بيها
ولو قعدنا نحور للوصل للعلمانية او اى شىء تانى والله لن يصلح حالنا
للأسف بحس اننا شاطريين فى الكلام اوى وكل واحد عامل نفسة دكتور ربنا يرحمنا من الى بنشوفه ده

**hobiko** · 10-07-2011 02:03 PM

المشاركة الأصلية كتبت بواسطة samoevil911

بداية أوا ما يؤسفني في الموضوع .. أني جايب المناقشة لإني لقيت الكلام بدأ يتشابه وقلت خلاص الخلاف هينتهي .. ببص لقيت نرجع تاني ونتناقش في مواضيع قديمة .. وكأن مفيش امل للتلاقي

مين قال بس مافيش أمل ...... فيه أمل و عمر كمان

حبيبى يا اسامة و انت عارف ..... و لما نتقابل أنا عازمك على واحد فخفخينا و شيشه عنب فاخر عشان افسد أخلاقك ..... ليبرالى بقى تقول ايه

بس حتى لا أتهم بالأجتزاء و الأقتطاع ...... ده الفيديو الكامل لفضيلة الشيخ

YouTube - ‫ظپظ‚ظٹظ‡ ظ…طµط± ظ…ط.ظ…ط¯ ط¹ط¨ط¯ ط§ظ„ظ…ظ‚طµظˆط¯ ظٹظƒط´ظپ ط.ظ‚ظٹظ‚ط© ط§ظ„ظ…ط§ط³ظˆظ†ظٹط© ظˆط.ط²ط¨ظ‡ط§ ظپظٹ ظ…طµط± ظˆط.ظ‚ظٹظ‚ط© ط¹ظ…ط±ظˆ ط.ظ…ط²ط§ظˆظٹ ظˆط.ظƒظ… طھظƒظˆظٹظ† ط§ظ„ط£ط.ط²ط§ط¨ ط§ظ„ط³ظٹط§ط³ظٹط© 13 6 2011‬&lrm;

بمنتهى الأمانة ..... بذمتك و أنا راضى ذمتك ...... ينفع أطلع فى التلفزيون أنقل اى كلام يمس دين انسان مسلم و يمس والدته ؟؟؟؟؟

ده من أخلاق الأسلام ؟؟؟؟ ينفع مجرد نقل الكلام على التلفزيون من شيخ جليل بالطريقة دى ؟؟؟؟؟ هو انا لما أقول انه ماسونى و والدته يهودية ..... ابقى ماكفرتوش ؟؟؟؟؟ امال ايه خليته العارف بالله فضيلة الشيخ حمزاوى

طب ينفع انا اعمل كده ..... اجيب مقال لا سمح الله بيغلط فى فضيلة الشيخ و اقوله فى التلفزيون عادى ؟؟؟؟؟

و على فكرة انا حكمل رد على بقيت نقاطك كمان شوية ...... بس قولى خلصت امتحانات على خير ان شاء الله ولا لسه ؟؟؟؟

**samoevil911** · 10-07-2011 02:26 PM

المشاركة الأصلية كتبت بواسطة hobiko

مين قال بس مافيش أمل ...... فيه أمل و عمر كمان

حبيبى يا اسامة و انت عارف ..... و لما نتقابل أنا عازمك على واحد فخفخينا و شيشه عنب فاخر عشان افسد أخلاقك ..... ليبرالى بقى تقول ايه

بس حتى لا أتهم بالأجتزاء و الأقتطاع ...... ده الفيديو الكامل لفضيلة الشيخ

YouTube - ‫ظپظ‚ظٹظ‡ ظ…طµط± ظ…ط.ظ…ط¯ ط¹ط¨ط¯ ط§ظ„ظ…ظ‚طµظˆط¯ ظٹظƒط´ظپ ط.ظ‚ظٹظ‚ط© ط§ظ„ظ…ط§ط³ظˆظ†ظٹط© ظˆط.ط²ط¨ظ‡ط§ ظپظٹ ظ…طµط± ظˆط.ظ‚ظٹظ‚ط© ط¹ظ…ط±ظˆ ط.ظ…ط²ط§ظˆظٹ ظˆط.ظƒظ… طھظƒظˆظٹظ† ط§ظ„ط£ط.ط²ط§ط¨ ط§ظ„ط³ظٹط§ط³ظٹط© 13 6 2011‬&lrm;

بمنتهى الأمانة ..... بذمتك و أنا راضى ذمتك ...... ينفع أطلع فى التلفزيون أنقل اى كلام يمس دين انسان مسلم و يمس والدته ؟؟؟؟؟

ده من أخلاق الأسلام ؟؟؟؟ ينفع مجرد نقل الكلام على التلفزيون من شيخ جليل بالطريقة دى ؟؟؟؟؟ هو انا لما أقول انه ماسونى و والدته يهودية ..... ابقى ماكفرتوش ؟؟؟؟؟ امال ايه خليته العارف بالله فضيلة الشيخ حمزاوى

طب ينفع انا اعمل كده ..... اجيب مقال لا سمح الله بيغلط فى فضيلة الشيخ و اقوله فى التلفزيون عادى ؟؟؟؟؟

و على فكرة انا حكمل رد على بقيت نقاطك كمان شوية ...... بس قولى خلصت امتحانات على خير ان شاء الله ولا لسه ؟؟؟؟

بداية انا جي معاك في رحلة الفساد ... انا نفسي افسد اصلا

موضوع الكلام اللي طلع من الشيخ .. انا قلت في الآخر انا شايف ان الكلام دا مكنش ليه لازم اصلا .. بس هو يمكن الشيخ جاب كلام الكاتب كرد فعل لحاجة اولسبب معين .. خاصة ان في الوقت دا انت عارف الهجمة اللي كانت حاصلة عليهم ..
وخاصة ايضا ان سراج الدين دا مش كاتب اسلامي على ما أعتقد .. فا الشيخ نقل كلامه على اساس انه كلام مكتوب من صحفي يعني مفروض انه مسؤل عنه .. فزي متقول واحد انا سمعت شخص بيقول كذا ..

أما موضوع التكفير .. فحكم التكفير لازم يطلع صريح .. وشم معنى انه بيقول ماسوني وامه يهودية انه كفر ..

وعموما عايزين نركز في الفاخفخينة دلوقتي .. عشان دي اللي عليها المستقبل كله

وبجد انا حساا بعد المنظرة دي منحنى الكلام ان شاء الله هيتغير .. والجي افضل ان شاء الله