بخصوص اكسارا 2 موديل 2004 اوتوماتيك

**abdelrahmanhamdy** · 10-07-2011 12:42 AM

مساء الخير يا شباب
انا زميلكم فى المنتدى و عندى عربية اوبل بس النهاردة مشاركتى عندكم فى قسم ستروين لأنى نويت ابيع عربيتى الاوبل و ان شاء الله ناوى اشترى اكسارا 2 موديل 2004 اوتوماتيك

انا طبعا عاوز اعرف كل حاجة عن اكسارا 2 موديل 2004 اوتوماتيك

ياريت الاخوة الافاضل مالكى اكسارا 2 اوتوماتيك 2004 او من يعرف عنها اى معلومات عنها يتفضل بالاشارة اليها

فى بعض الاسئلة بخصوص
- العربية بتظل ثابتة حتى سرعة كام تقريبا ؟
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟
- معدل استهلاك البنزين داخل المدينة و على الطرق السريعة
- هل الاكسارا 2 موديل 2004 فيها فتحة سقف ولا لأ ؟؟
- الاربعة زجاج كهرباء ولا الاتنين اللى قدام بس ؟؟
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟
- سمعت ان كرسى السائق كهرباء هل المعلومة دى صحيحة ولا لأ ؟؟
- ايه اغلى حاجة فى صيانة العربية الحساسات ام العفشة ام الميكانيكا ....

انا مهتم جدا بهذا الموديل و دى الاسئلة اللى فى بالى حاليا. استاذن حضراتكم ياريت لو فى اى تفاصيل تانية عن العربية ياريت يتم ذكرها جزاكم الله خيرا

اخيرا يسعدنى جدا الانضمام لقسم ستروين و فى انتظار ردودكم و شكرا جزيلا

**amrmaismail** · 17-07-2011 11:14 AM

المشاركة الأصلية كتبت بواسطة abdelrahmanhamdy

مساء الخير يا شباب
انا زميلكم فى المنتدى و عندى عربية اوبل بس النهاردة مشاركتى عندكم فى قسم ستروين لأنى نويت ابيع عربيتى الاوبل و ان شاء الله ناوى اشترى اكسارا 2 موديل 2004 اوتوماتيك
منور المنتدي يا باشا ونعم الاختيار انشاء الله
انا طبعا عاوز اعرف كل حاجة عن اكسارا 2 موديل 2004 اوتوماتيك
الاكسارا من الموديلات المميزه لدي سيتروين والاكسارا ٢ في منها موتورين واحد ١٤٠٠ وواحد ١٦٠٠
والموتور ال١٦٠٠ اسمه n7 ٢ كام موتور جبار وواخد جوايز كتير وهو بتاع البيجو ال٣٠٧ رالاكسارا بيكاسو والسيتروين سي ٤ وكلها عربيات غنيه عن التعريف طبعا وعلشان كدا لما تجيب هات ال ١٦٠٠
العربيه اعطالها قليلة جدا لكن لو الجير الاوتوماتيك حصله حاجة هتدفع يامعلم وعلشان كده صيانته مهمه جدا

ياريت الاخوة الافاضل مالكى اكسارا 2 اوتوماتيك 2004 او من يعرف عنها اى معلومات عنها يتفضل بالاشارة اليها

فى بعض الاسئلة بخصوص
- العربية بتظل ثابتة حتى سرعة كام تقريبا ؟
الثبات حدث ولا حرج ثابته جدا وزي ما انت عايز لغاية ١٨٠
- تكييف العربية لو مظبوط حالته ايه و بيأثر على عزم الموتور بنسبة اد ايه تقريبا ؟
تكييف العربيه ممتاز ومش بيأثر خالص علي عزم الموتور ( ال١٦٠٠ )
- معدل استهلاك البنزين داخل المدينة و على الطرق السريعة
داخل المدينه ١٠ لتر لكل ١٠٠ كم و ٧.٥ لتر للطرق السريعة لو الموتور تمام ومضبوط ( ولكن علي فكره جوا البلد بتستهلك اكتر من كدا حوالي ١٢ لتر )
- هل الاكسارا 2 موديل 2004 فيها فتحة سقف ولا لأ ؟؟
انا ماشوفتش فتحة سقف غير فالموديلات الاوروبيه
- الاربعة زجاج كهرباء ولا الاتنين اللى قدام بس ؟؟
الاربعه كهرباء
- الدركسيون مالتى فنكشن للكاسيت بس ولا بيتحكم فى حاجة تانى غير الكاسيت و هل لو غيرنا الكاسيت بيتلغى المالتى فنكشن ولا لأ ؟؟؟؟
للكاسيت بس وحتت لو غيرنا الكاسيت مش متأكد منها الصراحة
- سمعت ان كرسى السائق كهرباء هل المعلومة دى صحيحة ولا لأ ؟؟
معلومه صح بس مش في كل العربيات ده اوبشن
- ايه اغلى حاجة فى صيانة العربية الحساسات ام العفشة ام الميكانيكا ....
مش فاهم اوي السؤال بس انت كنت راكب اوربي مش هتلاقي حاجة اغلي من الاوبل انشاء الله

انا مهتم جدا بهذا الموديل و دى الاسئلة اللى فى بالى حاليا. استاذن حضراتكم ياريت لو فى اى تفاصيل تانية عن العربية ياريت يتم ذكرها جزاكم الله خيرا

اخيرا يسعدنى جدا الانضمام لقسم ستروين و فى انتظار ردودكم و شكرا جزيلا

**إبراهيم المصرى** · 19-07-2011 05:06 PM

ولو انك حتسبنا فى قسم الاوبل لكن ربنا يوفقك مع الستروين ويعطرك فى عربيه تكون حالتها كويسه والستروين وبالاخص الاكسارا انا اعرف انها عربيه محترمه هى مع زميلى فى الشغل وبيشكر فيها جدا

**m20ahmed** · 27-07-2011 08:03 AM

السلام عليكم
أنا معجب بالسيارة دية انا راكب دلوقتى بولونيز 1989 أول مرة أركب عربية وكانت مستحملانى فى الخبطات أصل كنت جديد فى السواقة وعاوز أركب عربية حلوة بفكر فى الأكزارا ممكن
الى خبراء ستروين أكسارا ممكن المواصفات الفنية وصور للسيارة خاصة موديل 2004 وأية الفرق بين أكسارا 1 و 2