( تم تغير عنوان الموضوع ) المساعدة فى شراء كيا ريو 2003

**HOSSAM99** · 13-07-2011 06:16 PM

أنا للأسف معرفش أي شئ عنها
و حضرتك أصبر شويه لغاية أما حد من ملاكها يتكلم عنها
لكن لو محدش جاب سيرتها في القسم ده أوعي تشتريها

و نصيحه خليك في اللانوس و الأكسنت
عربيات جميله و قطع غيارها و صيانتها بسيطه و بتتباع في يوم

**xman103666** · 13-07-2011 07:12 PM

نـــــــــــــــدا ء عــــــــــــاجــــــــل الى الســـــــــادة الافاضــــــــــل ملاك الكيا ريــــــــــو موديــلآت 2003 و2004 عايز اعرف معلــــومات عن كيا ريو 2003 اتومــاتك من حيث توافر قطع الغيـــــــــأر واسعارها وسعر اعادة البيع بالنسبة للعربية وعيوب ومزايا الموديل ده
( ارجو الاهتمام )

**sara2001** · 13-07-2011 10:38 PM

ده لينك لأهم الموضوعات عن كيا ريو بصفه عامه يمكن يفيدك
http://www.nilemotors.net/Nile/221591-a.html

**Mik_t4** · 14-07-2011 04:15 AM

علفكرة انا عن نفسي مبحبهاش شكلا وموضوعا
وشفت منها كتير اوي عطلان علي الكورنيش في اسكندرية
بصراحة مبتنزليش من زور وفي عربيات كتيرة في مستواها السعري واحسن

**roland_yamaha** · 14-07-2011 10:46 AM

هو اعادة البيع قليل جدا خليك في لانوس أو سيفيا افضل كتير

**ahmedfouad88** · 14-07-2011 10:43 PM

بص ياباشا باختصار العربية دى مظلومة جدا فى مصر

اولا السعر المعروض عليك كويس جدا جدا بس اتأكد ان العربية سليمة

ثانيا بالنسبة لقطع الغيار هى متوفرة فى اكتر من مكان ولو انت فى اسكندرية يبقى منصحكش بيها لان العربية دى شبه مش موجودة هناك وقطع غيارها قليلة جدا هناك
انما لو فى القاهرة قطع الغيار متوفرة فى اماكن كتير زى مثلا حلمى سليمان فى وسط البلد وكمان المنير فى اول فيصل ودول اللى انا بتعامل معاهم فى الجديد
اما الاستيراد فده موجود فى الحرفيين فى اماكن كتيرة جدا هناك

ثالثا بالنسبة للعربية هى ممتازة جدا من حيث الثبات و كمان الصالون وموضوع الثبات ده عن تجربة و بسرعات عالية
وبالنسبة للجرى الموتور بتاعها قوى حتى 1300 سى سى قوى برده يكفى انى اقولك انى زعلت اللانوس و الاكسنت اللى هما 1500 سى سى وثبات الريو افضل منهم بمراحل يعنى مثلا انت تبقى جايب 160 مستريح و العربية ثابته و اللانوس بتبقى عايمة وحالتها تصعب عليك

رابعا اعادة البيع ممكن اقدر اقولك ان اعادة البيع كويس لسبب وحيد ان العربية لما تبقى بكل الكماليات و بالسعر ده مين هيرفض يشتريها خصوصا ان البدائل اغلى وهتلاقى فيها اوبشن ناقص يعنى مثلا 2 زجاج كهربائى بدلا من 4 زجاج كهربائى العربية مانيول مش اتوماتيك و هكذا

خامسا مساحة التخزين شنطة العربية كبيرة جدا و بتشيل حاجات كتير ( بالنسبة للسيدان )

و عموما ربنا يوفقك فيها او فى غيرها

ولو فى اى سؤال انا تحت امرك