الله يخليكم افيدونى و خصوصا استاذنا هيرو

**moataz200730** · 10-07-2011 02:34 AM

يا جماعة حكايتى انى كان معايا سكودا فيليشيا و بعتها عشلن خشنة و ما فيهاش اى اوبشنز ... جيت ادور كنت حجيب لانوس بس لاقيت انى حنزل من المانى اركب كورى ؟؟ و با ريتنى ما قولت كدة .. المهم لاقيت قدامى بيجو 405 ف حدود المبلغ اللى كان معايا و قولت كويس و الله و جبتها و من يوم ما جبتها و مفيش مرة حسيت انى مبسوط منها .. التكييف باظ الموتور عملتله عمرة و رجعت بعدها على طول جابت وش سلندر النهاردة وقفت منى ف الشارع و مش عايزة تدور .. قولولى اعمل ايه ابيعها و لا ادفع و اجددها و يا ريت تقولولى لو حبيت اجدد موتور و عفشة و اظبط التكييف يتكلف كام ؟ و هل ممكن اشيل التكييف اللى عندى و احط بتاع تويوتا مثلا ع اساس ان اليابانى احلى واحد لان التكييف عندى و لا كانه شغال و تتكلف كام الليلة دى يا ريت يا جماعة تردوا عليا عشان انا كرهت نفسى خلاااااااااااص

**the-hero** · 10-07-2011 01:19 PM

شوف يا سيدي
انت الاول اشتريت مو ايه وبكام
ال 405 بالذات او اى بيجو عشان يريحك لازم ميكونش ملعوب فيه بمعنى تكون العربية بحالتها وصيانتها عند ناس متخصصين فى البيجو لأن ببساطة اى شئ هيركب مش مظبوط او اى خلل او اى فكار عبقرية او افتكاسات الصنيعية الشطار بتخرب الدنيا
ال 405
قطع غيارها رخيصة وعربية معمرة وحماله اسية
بالنسبة للعافشة فامرها سهل
اما الميكانيكة لآزم واحد يكون بيفهم فى شغل العربية ديه كويس ومش اى ميكانيكي يعملها عمرة لأنها معقدة شوية ومحتاجه حد محترف فاهم لها
بخصوص المكييف فمكيفها ممتاز بس محتاج شوية حجات كدا
كمبروسر قوى تنظيف التلاجة والسربنتينة والرداتير كشف اى تسربات وشحن كويس عند حد عارف ربنا ومش حرامي
وعلى فكرة فكرة تغيير الكمبروسور والأفكار ديه مش هتجيب اى نتيجة بالعكس ممكن تاثر بالسلب لآزم تجيب حاجتها الاصلية وعلى فكرة الكمبروسور بتاعها سنديان يابانى برضو

**moataz200730** · 10-07-2011 03:30 PM

بجد يا استاذ هيرو التكييف بتاعها يابانى ؟؟ انا عربيتى نفسى اجيبلها موتور محترم ابن حلال و اهم حاجة يكون نااااااااااااااعم تفتكر احط انهى موتور و يا ريت لو اوتوماتيك .. و عايزة تابلوه ... و نفسى ف كرسيين طيارة ..و يا ترى ما تعرفش حد من اسكندرية محترم يجيب الحاجات و مين يركبهالى ؟

**the-hero** · 11-07-2011 01:07 PM

المشاركة الأصلية كتبت بواسطة moataz200730

بجد يا استاذ هيرو التكييف بتاعها يابانى ؟؟ انا عربيتى نفسى اجيبلها موتور محترم ابن حلال و اهم حاجة يكون نااااااااااااااعم تفتكر احط انهى موتور و يا ريت لو اوتوماتيك .. و عايزة تابلوه ... و نفسى ف كرسيين طيارة ..و يا ترى ما تعرفش حد من اسكندرية محترم يجيب الحاجات و مين يركبهالى ؟

هو الكمبروسور فيه من سنديان يابانى وفيه فرنساوى والاتنين كويسين جدا
بس عيب تكييف ال 405 مش فى الكمبروسور
فى دورة التكييف نفسها لأنى ببساطة ركبت عربيات 405 تكيفها تلاجة وممتاز
العيب بيكمن فى التلاجة اللى تحت الطبلوة السربنتينة والرداتير
لو كل دول اتنضفوا كويس هيكون تكيفك تلاجة
بالنسبة للماتور
عندك ال 1600 الكربراتير و 1800 الانجكشن وده منه اوتو ماتيك كتير
حضرتك انا نازل مصر ان شاء الله فى رمضان وممكن نظبطها سوا بأذن الله