ارجو المساعدة

**Mik_t4** · 10-07-2011 01:49 AM

يا جماعة في مشكلة في عربية هي مش بتاعتي بس صاحبها قالي اعرفلة السبب
العربية هوندا سيفك قديمة هاتش باك 1300 سي سي
زي دي

المشكلة انة لما بيبق ماشي عادي ويرفع رجلة من علي الاكسراتير عشان يدوس فرامل
الشكمان بيقعد قفرقع جامد
ياتري اية السبب واية الحل
ارجو منكم المساعدة

**zegzaag** · 10-07-2011 02:24 AM

الفرقعه دي كوندنسر (حسب ما بيحصل معايه) الكهربا الي بتتوزع على البوجيهات والموبينه مش سلميه وهو عموما وظيفتو انو ميعملش شراره ما بين اطراف الابلاتين فالخليط بيوصلو كهربا مش مظبوطه وبينج عنو انفجار بسيط او فرقعه حاجه اسمها اشعال خلفي تقريبا
ولو كلامي غلط الاخوه هنا يصححولي ان شاء الله

**Mik_t4** · 10-07-2011 02:29 AM

المشاركة الأصلية كتبت بواسطة zegzaag

الفرقعه دي كوندنسر (حسب ما بيحصل معايه) الكهربا الي بتتوزع على البوجيهات والموبينه مش سلميه وهو عموما وظيفتو انو ميعملش شراره ما بين اطراف الابلاتين فالخليط بيوصلو كهربا مش مظبوطه وبينج عنو انفجار بسيط او فرقعه حاجه اسمها اشعال خلفي تقريبا
ولو كلامي غلط الاخوه هنا يصححولي ان شاء الله

طيب اية الحل يا باشا؟

**zegzaag** · 10-07-2011 02:43 AM

المشاركة الأصلية كتبت بواسطة mik_t4

طيب اية الحل يا باشا؟

بسيطه يا صديقي العزيز
هيشتري كوندينسر من عند اي محل قطع غيار يباني مش هيكلفو 15 جنيه على بعضها ولو يجيب معاه الابلاتين احسن بردو لانو في الغالب لدع وطقم البوجيهات ( خليه يبص عليهم لو محتاجين يجيب معاهم ) يكون افضل وبردو سعرهم رخيص جدا ويباني وده يعتبر كده طقم كهربا كامل
والكهرباني او الميكانيكي هيركبهم وانته واقف والارب بي ام هيتظبط والدنيا كلها هتبقى تمام ولو بتبطل منو لما يهدي هتتظبط والموتور هتوصلو الكهربا المطلوبه

**Mik_t4** · 10-07-2011 02:59 AM

ار بي ام اية ياعم بس
هي اصلا كتر خيرها انها بتمشي
دي حالتها لا تسر عدو ولا حبيب

**zegzaag** · 10-07-2011 03:52 AM

المشاركة الأصلية كتبت بواسطة mik_t4

ار بي ام اية ياعم بس
هي اصلا كتر خيرها انها بتمشي
دي حالتها لا تسر عدو ولا حبيب

ليه بس ؟
هي فيها ايه تاني ؟ كلو ممكن يتصلح ويبقى تمام التمام
طالما بعيد عن الة الجر ( الموتور والجير ) فانته في امان والتكاليف بسيطه بالذات في باقي الحاجات وفي الياباني القديم قطع غيارو دلوقتي رخيصه واي ميكانيكي بيروشها

**Mik_t4** · 10-07-2011 04:00 AM

المشاركة الأصلية كتبت بواسطة zegzaag

ليه بس ؟
هي فيها ايه تاني ؟ كلو ممكن يتصلح ويبقى تمام التمام
طالما بعيد عن الة الجر ( الموتور والجير ) فانته في امان والتكاليف بسيطه بالذات في باقي الحاجات وفي الياباني القديم قطع غيارو دلوقتي رخيصه واي ميكانيكي بيروشها

عايزة اكصدامات وجنوط وفرش وتابلوة وتترش وكل شوية حاجة تخرب ويغيرها
دا كان جايبها ب10 باين صرف عليها نص سعرها واكتر ولسة مقالتش بس
دا لف مصر كلها عشان يلاقي كشاف لها ورا لحد مالقي واحد والراجل رفعة في سعرة

**zegzaag** · 10-07-2011 08:18 AM

المشاركة الأصلية كتبت بواسطة mik_t4

عايزة اكصدامات وجنوط وفرش وتابلوة وتترش وكل شوية حاجة تخرب ويغيرها
دا كان جايبها ب10 باين صرف عليها نص سعرها واكتر ولسة مقالتش بس
دا لف مصر كلها عشان يلاقي كشاف لها ورا لحد مالقي واحد والراجل رفعة في سعرة

طبعا رأيك ده رأي يحترم
بس بردو الجديد بيتعملو صيانه حضرتك عارف صيانة الجديد بكام ؟
ولا قطع غيارو بكام ؟ اسعار ضخمه
فاحنا بنتكلم فعربيه بقالها 30 سنه تقريبا لازم صيانه شيء طبيعي والاكصدمات فالقديم بتبقى شاسيه شايل الاكصدام اعتقد هو عاوز الوش الي بيركب على الشاسيه وده ممكن يتجدد وفي ناس متخصصه فيه وبترجعو فبريكه
الجنوط سدقني ملهاش فايده مع المودلات دي لان الي صمم العربيه حطلك مقاس للجنط ووحاجه ستوك معمول عليها حسابات الدنيا والاخره لكن لما تجيب جنوط هتعمل حسابات بحيث متحملش على العفشه زياده ؟ او تحمل بطريقه تؤذيها ؟ او مثلا الجنط الصيني او الحاجات الي فاسوقانا دي تكسر في مطب لا قدر الله
وفي حاجات في العربيه ممكن تعيش علطول في اجزاء مصممه دائمة ودي بيكون ليها مجرد طقم اصلاح بتاعها وهكذا
اما باقي الحاجات فاليابان خلاص مبتصنعش حاجه للموديلات القديمه فسايبه الموضوع لمليزيا و تايلند وكوريا وتايوان ( وده بيرخص سعر قطع الغيار جدا ) القديم بعشرين جنيه تروقو
هي الفكره هو عشان لسه جايبها فطبيعي لسه معرفش يتعامل معاها ازاي او معرفش محلات كتير بتبيع حاجتها اعتقد مع الوقت هيتعود عليها ويعرف ازاي يجيب حاجتها
هو لو فالجيزه او القاهره انا ممكن ادلك على كذا مكان تقولهم ليه

**Mik_t4** · 10-07-2011 03:27 PM

يمكن
انا هروح معاة للميكانيكي النهردا

**l0new0lf** · 10-07-2011 04:16 PM

backfire ده
و بيحصل عشان الكهربا مش مضبوطه (توقيت الاشعال) فيحصل حريق فى الشكمان و ساعات بيحصل فى الكربرتير
انما لو مشكله كوندنسر و الابلاتين سليم كنت تلاقى المكنه بتنتش كل ما تدوس بنزين
الحل هو ينضف الكربرتير و الاسبرتير و يكشف على الابلاتين و يضبط فتحته و لو لادع يغيره و كوندنسر و يكشف على غطا الاسبرتير و الشاكوش و كابلات البوجيهات و يضبط الكهربا
الابلاتين غلط يتصنفر
خلى بالك الميكانيكى ممكن يقلب توصيله 2 بوجيه عشان العربيه تضرب مدافع و هو هيقول لك انه كده بينضف الكربرتير
الكلام ده اكبر غلط لناه ببساطه بينسف المعدن بتاع الكربرتير و بيتشرخ و مفيش حاجه بتنضف
و ممكن لو حصلت فى الشكمان ممكن تطير علبه الشكمان

الموضوع: ارجو المساعدة

LinkBack

أدوات الموضوع

عرض

-

-

-

-

المواضيع المتشابهه

ارجو ارجو ارجو المساعدة فى هذا الاختيار وذالك على سبيل الحصر بين هذين السيارتين

ارجو المساعدة عندى كل ده مفيش bass خالص ارجو الحل

ارجو المساعدة عندى كل ده مفيش bass خالص ارجو الحل

ارجو المساعدة ارجوا المساعدة

ارجو المساعدة

الكلمات الدلالية لهذا الموضوع

المفضلات

المفضلات

ضوابط المشاركة