سؤال بسيط عن العقيد/ عمر عفيفي و ما يثيره من اخبار كارثيه إن صحت !!

اقتباس:

---

المشاركة الأصلية كتبت بواسطة تامر.محمد

يا باشا اي حد هايهاجم السلطة هايتقال عليه عميل , بيس
و تلاقي ابناء المخلوع بيعبدوا اكبر عميل امريكي في الشرق الاوسط , و بيتهموا اي حد بالعمالة

ده مش معناه اني بانزه الراجل عن كل شيء لأني مش فاهم له اصلا
لكن كلامي عن الاتهامات

لكن النهارده لما لقيته بيدعو طنطاوي للرحيل عشان عنان يمسك اندهشت جدا و فعلا بقى شكيت فيه

---

طيب انت ايه اللي خلاك تندهش يا باشا من طلبه ان طنطاوي يمشي, و يمسك مكانه سامي عنان !؟؟؟

سامي عنان ده كانت الناس في التحرير بتنادي باسمه و بيتقال فيه شعر و معروف عنه الوطنية...

انا لحد هذه اللحظه ماشفتش شئ وحش من طنطاوي اقول انه لازم يمشي بصراحة,
سواء يجي مكانه عنان او غيره من الشخصيات المحترمة من قيادات الجيش و اظن انهم كتير ما شاء الله...

بس انا عايز افهم وجهة نظرك في انك استغربت او اندهشت يا تامر باشا !!؟؟؟؟

اقتباس:

---

المشاركة الأصلية كتبت بواسطة khaloooda

بصراحة انا شفت جزء من الحلقة بتاعته من الاخ اللطيف الظريف الفذ الاعلامي اللاااااااااااااامع وائل الابراشي ( بكرهه جدا )

وبصراحة لا صدقته ولا ارتحت له

وبعدين ما احنا قلنا له يا سيد عمر
مادام انت بتحب البلد كده
واهو حسني غار وحبيب العادلي في السجن
طيب ما ترجع تفيدنا في خبراتك وتقعد وسطنا في القرف والزبالة دي
بدل موضوع الاون لاين والشات اللي تعبنا منه ده

رفض

بصراحة انا لا اصدقه

---

طبعاً رأيك يحترم تماماً يا باشا و انا مش ضده, مع اني بحب وائل الابراشي :))

بس هو مارفضش على حد علمي... هو ابدى استعداده التام للنزول لمصر, بس في حالة
التاكد ان ماحدش هيقربله او هيعتقله في المطار بمجرد نزوله, و ده حقه !!؟؟؟

يعني هو يثبت وطنيته و ينزل للحبس و الاعتقال برجليه؟؟؟؟ ساعتها مين هيفتكره او يسأل فيه؟؟؟

الراجل ده لو عليه اي حاجه تدينه فعلاً... ماكانش حد سكت و كانوا جابوه من امريكا متعلق والله

انا بردو مش عارف ليه الناس مركزه على انه ينزل... انا مش فارق معايا ينزل او يفضل
او يسافر بلد تانيه مهما كانت... انا اللي يفرق معايا ايه مدى صحة المعلومات اللي بيقولها ؟؟؟

ده بس اللي يفرق معايا و يهمني بصراحه, لكن هو عايز ينزل او مش عايز, مش فارقه كتير...

والله بص يابشمهندس غازي انا الراجل ده كنت متابعه و متابع اخباره و اللي بيقوله
بس مكنتش مرتاحله بيني و بينك و بالذات ايام الثوره و كنت تحسه بيعمل فزعات كده و اخبار ترهب الواحد بصراحه
لحد مافي يوم كان بيقول ان فيه انقلاب في الجيش و الجيش هاينقلب علي الشعب و هايبتدي يضرب في المتظاهرين و انه ابتدي يعزز تواجده في الميادين و الشوارع الرئيسيه و بينقل دبابات من القطاعات لداخل البلاد و حوار كبير كده واخنا اسفين يامصر و لازم ماخد الخطوه دي علشان البلد هاتضيع و كلام كبير يخاليك تنط من مكانك فكان ذكر شارع خليفه المامون بمصر الجديده ساعتها قولت اه دي منطقتي بقي و هانزل اشوف بنفسي لان بيني و بين خليفه المامون ده 3 دقائق مشي نزلت عادي انا و جاري و ووقفنا في الشارع مافيش حاجه و الشرطه العسكريه واقفه و كل تمام و التفتيش شغال الله ينور و الجو عادي مافيش تحركات تقلق خالص اكلم ناس صحابي ساكنين حواليا علي امتداد خليفه المامون لحد وزاره الدفاع يابني في حاجه عندك مافيش حاملة دبابات عدة كده ولا كده يقولي لأ و هو عمارة بتبص علي وزارة الدفاع علطول و الشارع بتاع دار الهيئه الهندسيه يقولي لا كله تحت السيطره و الجيش واقف و الدبابه بيروشوا قدامها ميه و الدنيا هاديه
اللي كان بيروح الشارع ده كان بجانب وزارة الدفاع علطول علي ناصيه شارع دار الهيئه الهندسيه مع خليفه المامون فيه دبابه واقفه صحبي قالي كان ليسه بيتعشوا من شويه عليها
طيب ياعم مشكرين اكلم واحد تاني عند المنصه بقوله خير في اي تحركات بيقولي اه الدنيا مقلوبه هنا اووووببببببببببببببببا خير يابني حاملات الدبابات دي ياعيني رايحه جايه من الساعه 12 بليل كده ...... رايحه جايه ليه خير ..... قالي عادي يعني بيشيلوا الدبابات الزياده اللي مالهاش لازمه
اللي كان بيروح الحته دي في شارع قبل المنصه يمين دا كان ماليااااااان دبابات كتييييره جدا و الشارع اللي بعد نادي الزهور كان ماليان بردوا فهما كانوا بيفضوا و بيشيلوا شويه و بيحطوا شويه ورا المنصه في الجراج الكبير و كده
فبقوله يعني مافيش اي حاجه تاني غير كده قالي لا تمام و كله تحت السيطره و بتاع
بس من ساعتها و ابتديت بقي اركز معاه في اخباره
و انه بيجيب اخبار مش عارف اي حد قاعد خلف شاشة الكمبيوتر انه يتأكد منها خااااااااااااالص زي مثلا حتة ان مبارك مش موجود و ان علاء و جمال مش موجودين طيب انا دلوقتي بني ادم طبيعي اهو هتأكد ازاي من الخبرين دول ان شاء الله و كان في ناس ليهم مصداقيه اعلاميه راحوا و اتأكدوا بنفسهم و كان اتصل علي برنامج ناس بوك و هاله سرحان ردت عليه قالته كان مش في ...... راح و اتاكد انهم هناك و بتاع
طيب انا كمواطن عادي ليس لي اي سلطات في اي حته هتأكد ازاي من الاخبار اللي انت بتقولها دي بقي
بعد كده لاقيت بقي ماشاء الله الشعب كله بيشتم فيه ..... بس يعني

اقتباس:

---

المشاركة الأصلية كتبت بواسطة ghazy12

معنى كلامك ده يا باشا ان مهما كان اي شخص عايز يفيد البلد بس كلامه مش على هوى مجموعة من الناس هيتشتم و يتخون !!؟؟

لو ده حقيقي فعلاً, و عادي كده, تبقى دي مصيبة اكبر من كل اللي احنا فيه !!!!! لان ماحدش هيسيب حد يفيد البلد دي !!!

لكن في رأي الشخصي... انا ماظنش ان الموضوع وصل للمرحلة دي او للشكل ده... والله أعلم

---

المشكلة ان دا بيحصل فعلا .. من اول عمر عفيفي للاخوان و السلفيين .. لاي حزب موجود دلوقتي .. و اللي بيتظاهروا .. واللي ماشي فحالة .. والجيش .. والشرطة حتى الناس الكوييسن منهم .. وائل غنيم لما خرج ناس هاجمته .. خالد سعيد لما اتقتل ناس هاجمتة
هي دي الحقيقة للاسف

اقتباس:

---

المشاركة الأصلية كتبت بواسطة ghazy12

طيب انت ايه اللي خلاك تندهش يا باشا من طلبه ان طنطاوي يمشي, و يمسك مكانه سامي عنان !؟؟؟
سامي عنان ده كانت الناس في التحرير بتنادي باسمه و بيتقال فيه شعر و معروف عنه الوطنية...

بخصوص الوطنية , هاقول لك اسأل العقيد خالد , و غير سؤاله , خد عندك المثال ده
http://www.nytimes.com/2011/03/11/wo...4&ref=samianan


انا لحد هذه اللحظه ماشفتش شئ وحش من طنطاوي اقول انه لازم يمشي بصراحة,
سواء يجي مكانه عنان او غيره من الشخصيات المحترمة من قيادات الجيش و اظن انهم كتير ما شاء الله...

و الله انا شايف ان المجلس كله لازم يرحل , بس للأسف مافيش بديل عليه توافق :(

بس انا عايز افهم وجهة نظرك في انك استغربت او اندهشت يا تامر باشا !!؟؟؟؟

اتمنى تكون وصلت يا باشا و لو عايز اكتر سيرش على النت

.

---