هوندتي هتجنني أرجو المساعدة العاجلة

**dr_hman** · 10-07-2011 03:15 AM

السلام عليكم ورحمة الله وبركاته

تحياتي إلى هذا المنتدى الرائع واعضائه ومشرفينه الكرام.

اشتريت هوندا سيتي 2004 اوتوماتيك من شهر ,صاحب العربية قال ان العربية بتسخن وتقريبا جايبة وش سلندر, في ميكانيكي اعرفه ربنا يسامحه قالي بسيطة اشتريها ونغيروا اللي حصل ان المشكلة مطلعتش وش سلندر وبعد تغيير الرياديتير انتهت مشكلة السخونة ولكن بقت المشكلة الاعظم تنتيشة بين السرعة 20 إلى 60 كيلو متر وعند الوقوف سبحان الله في معظم الاحيان بتسحب أول مرفع رجلي عن الفرامل واحيانا مش بتتحرك والأر بي ام لا يتجاوب مع ضغطتي على البنزين ومع التكييف لا استطيع التوقف لأنه ببساطة لو مقفلتهووش العربية بترج أوي وأحس انها خلاص هتبطل لو سايبو شغال, المهم ناس قلولي فتيس رحت الحرفيين قلولي الفتيس تمام, ناس تانية قلتلي مباين رحت كشفت عليهم وغيرت 3 منهم والباقي سليم واتنضف, استمرت المشكلة على خفيف شوية, قلولي البوجيهات مش بتاعتها وكانت ضيقة على 65 اتوسعت على 100 واتظبطت, احتمال تكون التنتيشة خفت حاجة بسيطة بس لسا موجودة ومزعجة, أخر حاجة قلولي عليها الأيدل واني أغير البوابة وحالياً أنا محتاس مش عارف اعمل ايه والعربية عجباني.

اعذروني بقى اتكلمت كتير انا شفت كذا واحد بيشتكي من أعراض المرض المزمن ده على النت من غير اجابة شافية فقولت اسأل أهل الخبرة هنا, على فكرة انا كنت هروح اشيك في التوكيل بس قلولي مش بيحدد العيوب اوي ( ومدحدش يسألني مين هما اللي بيقولولي d: )ولو انا غيرت المكنة كلها احسن ولا ابيع واخلص منها وناوي على تغيير فلتر البنزين بكرة فياريت تساعدوني لو تقدروا بس اعرف فين المشكلة وفين الحل الجذري ليها

وشكــــــــــــــــــــــ ــــــراً

**SAMEH_FOUAD** · 10-07-2011 03:47 AM

مبروك عليك ياباشا وان شاء الله كل حاجة تتحل

دلوقتى بالنسبة لمشكلة السخونة الحمد لله اتحلت

نيجى لمشكلة النتشة طيب انا عايزك تحط الفتيس دة على الكمبيوتر وتشوف جهاز كشف الاعطال هيديك اية لان ممكن تكون مشكلة السخونة اثرت علية وخصوصا انة شوية يتحرك اول ماتشيل رجلك وشوية يعلق

بالنسبة لمشكلة التكييف والرعشة دلوقتى حلها بسيط جدا واضح ان العربية دية صاحبها كان مهملا فيها شوية

يبقى حضرتك هتفك البوابة وتنظفها كلها هية وحساس الايدل وتركب كل حاجة وتظبطها على جهاز كشف اعطال , وان شاء الله كل حاجة تتحل وتبقى العربية تمام

**dr_hman** · 10-07-2011 05:19 AM

الله يبارك في حضراتكم ومش عارف اقولكم ايه غير الف شكر على اهتمامكم وبالنسبة للكمبيوتر أي بنزينة موبيل أو توتال؟ يعني مش لازم التوكيل

**OmaR_FekrY** · 10-07-2011 05:05 PM

السلام عليكم

احب اقول لحضرتك انى معايا هوندا سيتى اوتوماتيك 2005 و برضو فيها النتشه دى و اللى اكتشفته بعد عذاب لاكتر من شهرين عند الميكانيكيه و تنظيف رشاشاات و حطيت منظف الرشاشات السائل مع البنزين و تغيير عوامه البنزين بنفس العوامه اصلى 2005
اكتشفت ان كل الهوندا سيتى من 2003 ال 2006 فيها النتشه دى و العيب من العوامه و انك ممكن تبدلها بعوامه 2007 و هتمشى معاك زى الفل .... بس انا بصراحه كسلت اغيرها و اتعودت على الموضوع :)

ممكن كمان يا باشا تجرب حاجه كده انا كنت عملتها و النتشه دى قلت معايا قوى
انا كنت احيانا بكبس الدواسه جامد من الثبات ...... كانت تفضل تنتش معايا لحد ال60
بعد كده بقيت ادوس واحده واحده لحد ال60 كانت بتبقى زى الفل و احيانا كانت ممكن تنتش معايا نتشه واحده و احيانا متنتش خاالص و بعد ال80 كنت بدوس براحتى على الدواسه

**refaat78** · 10-07-2011 06:55 PM

لو عايز تحل المشكله عندى مركز محترم فى امبابه يعملك اللى انت عايزه

**dr_hman** · 14-07-2011 03:02 AM

الف شكر يا باشا هو البنزين غريب يعني اللمبة نورت وكان المؤشر نازل اوي رحت فولتها خدت 31 لتر وشوية استغربت وهل تانكها 40؟

وبالنسبة للعوامة هل هي غالية اوي واجيبها منين

بالنسبة للتكيف عند حضرتك ميحجرش الفرامل على السرعات المنخفضة تحت 10 او 15 لأن بيحصل معايا وانا مشغلو ولو وقفت على الدي بلاقي الار بي ام مش ثابت وبيطلع وبينزل كل شوية وزي ميكون في رجة بتجي وانا واقف

والعربية انا مركبلها ترموستات اضافي على امبير عشان اعرف الحرارة وكانت بتوصل ساعات ل 93 درجة وكل مشغل التكييف العربية تبرد يعني متوسطها 90 بيبقى 85 او 80 وهل ده طبيعي وشكرا جزيلا يا باشا

**SAMEH_FOUAD** · 14-07-2011 04:03 PM

المشاركة الأصلية كتبت بواسطة dr_hman

الف شكر يا باشا هو البنزين غريب يعني اللمبة نورت وكان المؤشر نازل اوي رحت فولتها خدت 31 لتر وشوية استغربت وهل تانكها 40؟

وبالنسبة للعوامة هل هي غالية اوي واجيبها منين

بالنسبة للتكيف عند حضرتك ميحجرش الفرامل على السرعات المنخفضة تحت 10 او 15 لأن بيحصل معايا وانا مشغلو ولو وقفت على الدي بلاقي الار بي ام مش ثابت وبيطلع وبينزل كل شوية وزي ميكون في رجة بتجي وانا واقف

والعربية انا مركبلها ترموستات اضافي على امبير عشان اعرف الحرارة وكانت بتوصل ساعات ل 93 درجة وكل مشغل التكييف العربية تبرد يعني متوسطها 90 بيبقى 85 او 80 وهل ده طبيعي وشكرا جزيلا يا باشا

العوامة مش غالية هية تمنها عامل 350 جنية استيراد وتجيبها من الحرفيين بس خلى بالك عشان فية ناس بتغلى فى السعر وخلاص

بالنسبة للى بيحصل عندك وانت مشغل التكييف دة عيب ( السيرفو ) يبقى هتراجع الاول على خرطوم السيرفو اللى واصل للمانيفولد , لو لقيتة سليم يبقى السيرفو دة الطاقية بتاعتة مقطوعة , بس دة اخر حاجة تلجألها

وياريت تقوم بتنظيف البوابة كلها الاول

لا تنسى الايدل لازم يتنظف اول حاجة فى كل دة وبعد كدة شوف الفرق

**SAMEH_FOUAD** · 14-07-2011 04:51 PM

المشاركة الأصلية كتبت بواسطة omar_fekry

العربيه اصلا يا باشا مفيهاش عداد حراره ... ده هما لمبتين واحده cold واحده hot و كل واحده بتنور حسب درجه حراره العربيه .. بس مببقاش عارف هى بتبقى على كام و اعتقد ان ال 90 ده حلو اوى عليها ان ماكنش سخنه سنه

درجة حرارة الهوندا 89 درجة مؤية

-

-

الموضوع: هوندتي هتجنني أرجو المساعدة العاجلة

LinkBack

أدوات الموضوع

عرض

-

المواضيع المتشابهه

ارجوا المساعدة العاجلة

أرجو الأفادة العاجلة ولكم جزيل الشكر

سيراتو وكيل و لا خليجي ؟؟؟ أرجو المساعدة العاجلة

أرجو منكم المساعدة العاجلة

أرجو المساعدة العاجلة

الكلمات الدلالية لهذا الموضوع

المفضلات

المفضلات

ضوابط المشاركة