الموضوع: البلد و الناس , سؤال مطروح للتفكير

المشاركة الأصلية كتبت بواسطة hagan

السلام عليكم / بشمهندس تامر
انا دائما افكر في السؤال و اقيسه دينيا و بالتالي اجاوب علي طول نبتدي بسم الله
هل ان صار بلدنا متقدما جدا و عاد ناتج هذا التقدم على فئة من الشعب فقط , هانبقى مبسوطين ؟
طبعا شئ ممتع ان نكون بلد متقدم و ايضا شئ ممتع ان يكون من بيننا اغنياء (( و ليس عائد علي البعض فقط دون غيرهم كالاحتكار مثلا او الاقطاع )) فهذا يخالف الدين يبي لو الموضوع مجرد ان من جد وجد و من زرع حصد
يبقي انا موافق جدا
و الا نحاسب الله ان هناك (( فلاحين )) احدهما اجتهد و حرث و بدر و سقي و سهر و انتظر فحصد فباع فأغتني
و جاره الذي يملك ايضا قطعة مماثلة من الارض ما قام و ما حرث و ما زرع و ما جني و لا حصد
لو ان من الاصل احدهما تملك ارض بدون وجه حق اذا فهذا بلد لا يقام فيه الشرع
اما اذا التزم الملتزمون و اجتهدو و لم يوفقو فأن الله كفل للفقير منا ان يعيله الغني بمال الله
و حينما تتقدم البلد فلا تقلق علينا فنحن غيرهم
نحن امرنا ديننا بألا نشبع وحدنا
و الا نكتسي وحدنا
و الا نأكل وحدنا
و الا نبخل فأننا نثق في ان الرزق بيد الله و طبعا نحن بذلك سيقوم اغنيائنا بأخراج صدقات لا حصر لها للفقراء و كذلط (( زكاة المال )) بأذن الله
فلا تقلق ابدا يا هندسة بس نتحضر بس و سيب الباقي عليا

م.حاتم السباعي

و عليكم السلام باشمهندس حاتم :)
انا متفق معاك في كل كلمة , بس عندي كام اضافة, دي مش بس احكام الطبقية في الاسلام طبقا لمعلوماتي اكبر من كده, اديك كام مثال, الاحتكار في الاسلام حرام , مافيش حاجة اسمها حد يحتكر سلعة معينة و يتحكم في سعرها في الاسلام, و مافيش حاجة اسمها حد يعطش السوق, المفروض لو سلعة معينة نقصت من السوق و فيه حد مخزنها (بيعطش السوق يعني) , وجب عليه انه يفتح مخازنه و يبيعها و مش بسعر اغلى كمان, الكلام ده كله مثبت بأحاديث صحيحة طبقا لمعلوماتي , طبعا ده مش بيحصل عندنا اصلا :) , تفتكر معايا احكام زي دي ليه ؟ ببساطة عشان ماحدش يغتني غنى فاحش على حساب الناس , طب حسبة زي دي الاجتهاد عامل فيها ؟ لأ خالص, بالمناسبة الدفاع عن حقوق الفقراء هو الأساس اللي مبني عليه الفكر اليساري كله , و سبحان الله احنا عندنا في الاسلام نفس الشيء و لكن بصورة معتدلة تحفظ لكل واحد حقه, فقير او غني, بس احنا مش واخدين بالنا , او واخدين و مش بنفكر في تطبيق ده , مجرد كلام نظري و خلاص , عيب علينا ولا لأ ؟ بلاش دي و دي , بعض دول الغرب النهارده عاملين حد ادنى لمستوى المعيشة حتى للي مش بيشتغل, تظن الفكرة دي من عندهم ؟ ابدا, فاكر يا باشمهندس حاتم ايام عمر بن عبد العزيز ؟ بيقول لك ما بقاش في البلاد فقير واحد, رحم الله خامس الخلفاء الراشدين

المشاركة الأصلية كتبت بواسطة ahmed anwer

يا باشا يساريين تويتر مقتنعين إن فقر ((س )) هو نتيجة لثراء (( ص ))
لو بتتكلم عن الصين كنموذج أنا شايف إنها كده فعلا أحسن أو بمعني آخر مالهاش بديل
بلد بالحجم ده لو معملتشي كده الناس هتموت من الجوع
و علي فكرة الصينين دخولهم مش ضايعة زي مإحنا متخيلين ، المرتبات هناك زي مصر تقريبا و يمكن أعلي شوية
و كمان مع النهضة الإقتصادية هناك عندهم فرص كبيرة جدا للفقراء إنهم يكونوا أثرياء ، بتلاقي هناك مديرين مصانع و فنين
دخولهم مهولة جدا ،،
مش شرط اللي ينفع في أمريكا و السويد ، يصلح لنا في مصر
مهاتير محمد قال إنه رفض تطبيق الحد الأدني للأجور في ماليزيا
مش عارف أنا ليا رأي ممكن يكون ساذج شوية إن الإشتراكية ممكن تصلح للسويد أو دول الخليج
البلاد اللي عندها موارد كبيرة و عدد سكان قليل قبالتالي محتاجين توزيع عادل للموارد دي فقط
أنتا بس أعمل تخطيط اقتصادي سليم و امنع الفساد و الرشوة و زود التنافسية و امنع الإحتكارات
و الأمور هتضبط لوحدها
اعتقادي الشخصي حاجة مثلا زي الحد الأدني للأجور دي مش هيستفيد بها غير العاملين بالحكومة و الشركات الخاصة الكبيرة
و هيتضر منها ملايين ، واحد صبي قهوجي ، عامل أمن ، عامل في محل نظافة
لأن لو القانون أتطبق فعلا ، الناس دي هتتسرح ، بدل ما صاحب البقالة بيشغل اربعة عمال علي أساس إن مرتباتهم رخيصة
هيشغل اتنين بس عشان يريح دماغه من وجع الدماغ

هممم , انت طرحت نقط كتير اوي , طب واحدة واحدة
نقطة فقر (س) راجع لثراء (ص) , هو مش كله , بس بنسبة كبيرة حاصل , ازاي ؟ اول حاجة الاحتكار , اللي هو بيسبب الغلاء , اللي بيسبب فقر (س) و طبعا ثراء (ص), و المبالغة في اسعار الخدمات , اللي بيعمل خدمة معينة بيعمل على تحقيق مكسب 500% في بعض الاحيان , دي صور من صور ما يسمى بالرأسمالية المتوحشة , اللي هي اصلا بتتطبق في الدول المتخلفة بس لإفقار شعوبها و جعلها اكثر تخلفاو, في حين في الغرب مش بيطبقوها بالمنظر ده

بخصوص الصين, هي في رأيك احسن من ايه ؟ مننا ؟ معاك, لكن فكر فيها تاني , فيه عمال من الصين بييجوا هنا في مصر يشتغلوا مندوبين مبيعات , و بيتبهدلوا اخر بهدلة , هل دول غاويين شحططة ؟ ولا هما فقرا و مالقوش شغل هناك ؟ انا مش باقول مافيش ناس اغتنت , لكن انا باتكلم ان يبقى هدفنا حد ادنى لمستوى المعيشة , و دي عملها الخلفاء زي ما باقول مش بدعة يسارية ولا بدعة غربية

بخصوص الحد الادنى للأجور , انا مش متمكن اقتصادي بصراحة عشان اقدر احكم فيها بالعمق ده , بس كده كده فيه اساس ان ماحدش يبقى شغال و يقبض كأنه مش شغال و يضطر يدور على شغل تاني او يبقى فقير او او او, و عن نفسي اتمنى ان الراجل اللي هايمشى الاتنين دول يلاقوا شغل في حتت تاني بسبب الرواج الاقتصادي (ببساطة لأن تواجد سيولة مع شريحة كبيرة من الشعب + تحجيم الاسعار = رواج اقتصادي , لأنهم طبعا هايصرفوا)

نقطة الاشتراكية تصلح لإيه و ما تصلحش لايه , انا كلامي كله من شريعة الاسلام على فكرة الاشتراكية في ذاتها لا تلزمني في شيء , و عموما فيه نقطة لازم تتوافر في اي بلد , اللي هي توزيع الثورة , ما يبقاش فئة من الشعب غنية بصورة فاحشة و الباقي مش لاقي

بخصوص الفساد انا معاك طبعا , لكن من الفساد برده سياسات

المشاركة الأصلية كتبت بواسطة م.احمد زكريا

نسبة كبيرة جدا من المصريين المتهمين بالفلولة (من فلول ) زي حضرتك بالظبط وكأن الحزب الواطي كان بيدفعلهم مرتبات او كانوا معاهم كارنيهات تفتحلهم الابواب المغلقة

المنتفعين من الحزب الواطي ورجال مبارك لن تجدهم الا في اماكن محدودة وعددهم لا يتجاوز 3000 في مصر ودول تايهين في الزحمة

مشكلتنا في مصر هي مشكلة رؤية كل فرد للمستقبل وكيفية تحقيق الهدف

الخطر الان منا نحن ................. مصريين ما بعد الثورة أخطر من الفلول على مصر

ما تسيبك من الثورة يا باشمهندس و نتكلم في الموضوع ده كموضوع عام