كفائة التوكيل بأقل من سعر التوكيل بكتير !!!
السلام عليكم ورحمة الله أنا كان عندي عربية سكودا فيليشيا وجبت سكودا أوكتافيا موديل 2000 وللأسف سخنت مني وكانت هتجيب وش سيلندر لولا ستر ربنا ووالدي وداها لكام ميكانيكي لكن كتر خيرهم قلولي وديها التوكيل أنا حطيت قيدي على قلبي حاكم أنا عارف أسعار التوكيل لحد ما قريت مشاركة من أحمد علوي الي ساكن جنبي في المقطم عن مهندس شغال في التوكيل وفاتح مركز صيانة في المعادي روحت ضايف أحمد على الماسينجر والراجل بصراحة متأخرش خالص وراح مكلم المهندس ومظبط معاه ورحتلة وطلع صراحة كفائة وزي الفل حسيت فعلا إني بتعامل مع التوكيل وأول مره أحس إني بتكلم مع مهندس فاهم هو بيعمل إيه ومش بيجرب ويلبسني في الحيط وشغال معاه 2 صنايعية شغالين في توكيل أوبل صراحه ناس شغلها نضيف ومش بتفبرك لو خايف على عربيتك وعايز المفيد ومن الأخر عليك بالراجل ده هو ممكن يكون أغلى شويه من الميكانيكية العاديين بس زي ما بيقولو الغالي تمنه فيه :)
كفائة التوكيل بسعر أقل بكتير...!!!
لا مؤاخذه نسيت أقول على العنوان هوه في صقر قريش - المعادي- تدخل شارع الجزائر كأنك رايح البساتين تفضل ماشي وبعد ماتعدي بنزينة موبيل تسيب أول شارع وتدخل في الي بعده يمين تلاقيه على شمالك في أخر الشارع أسمة إف-بي-إس والمهندس إسمة فادي ورقمة 0181861139 قولة بس أنا من نيل موتورز وهوه هيكرمك إن شاء الله :)