المشاركة الأصلية كتبت بواسطة abdalah_hashem
بما انى شاب عشرينى ( فى سن العشرينات يعنى)
وبما ان الجواز من احد الاحلام المستبعدة فى هذه الفترة العصيبة من حياة الامة والفترات القليلة القادمة
وبما انى متابع الحوار من زمان وملتزم الصمت لاستمع لصوت الخبراء
وبما انى كنت فاكرها وردى وربيع
وبما انى وانا صغير كان نفسى اتجوز من برة مصر
وبما انى من بضعة سنوات قليلة وانا بفكر فى ان الجوزة المستقبلية ( الزوجة يعنى ) يعنى تكون يابانية عمر افتراضى كبير , heavy duty زى مبيقولوا , بتحب الشغل , مطيعة لزوجها ولو نسبيا , مش هتقعد هى وامها يدبروا للزوج فى مكيدة وهو خارج البيت , فيهم حاجات فلتة زى القمر ,وبعدين لونهم ابيض ناصع ودة لون انا بتفائل بية,..... وكفاية لو حكيت لبكرة مش هخلص :))
وبما انى من ردود الاعضاء هنا بدات اصرف نظر عن كل شئ وامشى تبع مقولة ( اللى اتكتب عليك يا ابن ادم لازم هتشوفة بعنيك )
ومن منبرى هذا احب اقلكم الروسى تقيل وعنيف وعايزك ناشف ومفتول العضلات وبتتحمل الظروف الصعبة ( ومن امثلتة اللادا ) محدش يفهمنى غلط :))
اما اليابانى ويا سلام على اليابانى مليان مميزات والله وخد عندك مريح و عملى وكفائة وبتاع شغل وفى بعض الموديلات تحفة بمعنى الكلمة وبيتحملوا اقصى الظروف ( ومن امثلتة التويوتا ) سفر شغال صحرا شغال وبرضة ثقافة شرقية وانا عن نفسى بحب الثقافة دية وبكدة انت متعبتش زى الروسى ;)) وكمان عندهم دلوقتى ازمات يعنى هتجيب الاحسن وبسعر اقل واهو تكسب ثواب انك بتساعدهم فى الكوارث
عاوزين بقى نناقش موضوع الزوجة اليابانية ( اى حاجة يابانى اثبتت كفاءة فى مصر ) وذلك بعد رحلة البحث هذه عن الزوجة الروسية