الموضوع: الى هواة القراءة

المشاركة الأصلية كتبت بواسطة mahora

موضوع حلو....
من افضل المجموعات القصصية القصيرة اللى قرأتها هى مجموعة (ارخص ليالى) ليوسف ادريس... كتبها سنة 1954 و كل قصة فيها معجونة بمية البلد دى.... انا قرأتها من اكتر من 15 سنة بس لسه فى تفكيرى لغاية دلوقتى خاصة قصة الجناينى و صاحب القصر، اللى لما حاول يمارس شغلانة الجناينى لمدة ساعة مقدرش و ضحك عليه الجناينى اللى قعد يحمد ربنا على نعمة الصحة

أنا كمان قريت المجموعة دى :) وكل قصة فيها قضية اجتماعية .. سياسية .. اقتصادية .. وطنية صميمة :)

ولسه فاكرة منها : قصة الهجانة وتخويفهم وقهرهم لأهل القرية ومن بعدهم للعمدة عميل القصر :)

وقصة الضابط البطل اللى استشهد وهو بيطارد المجرمين ومحاولات الاطباء المضنية لانقاذ حياته وانفعالات ودموع تحمل معنى الواجب والرسالة السامية من طرف الضابط الشهيد والاطباء المخلصين :)

وقصة أرخص ليالى والخادمة الصغيرة والتليفون والبدوى اللى أكل شوال التين الشوكى ههههه :) وغيرهم ....
---------------------------------------

ومن أحلى ما قرأت أيضا " هاتف من الأندلس " لعلى الجارم

قصة ممتعة جدا :) وفيها يمتزج التاريخ والحضارة بالأدب والشعر وبحقيقة وواقع يتكرر :)

ياااه فى روايات انتو قلتوها أول مرة أسمع عنها حتى :)

أكتر رواية أثرت فيا أوي هى (حذار من الشفقة) لستيفن زيفايج.