بحمد الله تمت صيانة ال 15000 بمركز المنصور رابعه العدوية ... تغير زيت و فلتر و تيل أمامي و (المفروض) تربيط عفشة و تنضيف فلتر هواء و بنزين .. الي كان بيعجبني ان في رابعه كنت بقف علي ايد الي شغال في العربيه .. دلوقت منعوها مش عارف ليه .. بيقول قال ايه عشان خناقة بين عميلين .... ما علينا نيجي بقي للصدمة ... تنضيف فلتر التكيف و ايد العامل المصري .. (طفل) كده هناك فك الفلتر .. نضفة بالهواء و ركبه تاني .. و بعدين لقيته بيقولي تعالي جرب التكيف .. رحت لقيته فاتح الكونتكت بس مش مدور العربيه و مشغل مروحة التكيف علي 4 .. ما علينا قلتلة معلش دور عشان غلط كده ... دور العربيه و فضل دايس علي المفتاح خلي المارش يصرخ .. ما علينا المهم التكلفة كلها كانت 804 بلإكراميات .. مسافر طنطا بعديها و طبعا مشغل التكيف والدي ركب جمبي لقيته بيقولي ايه الميه دي ؟؟ مية ايه يا عم الحج ؟؟ الاقي ان الدواسة بتاعت الكرسي اليمين الي تحت مكان فلتر التكيف غرقانه ميه بمعني الكلمة ... اطفي التكيف و اشغلة تاني الاقي نفس الكلام ... نفس المكان بيسقط ميه بالعبيط ... بصراحة مش فاهم ايه السبب .. بس أيقنت ان العامل المصري لما بيحط ايده في حاجه لازم تبوظ ... المهم لو حد يعرف المشكلة دي سببها ايه ؟؟ ممكن احلها ازاي؟؟؟ لازم ارجع التوكيل ولا ممكن يدويا ؟؟؟ ولا في حد كويس بتاع تكيف في مدينة نصر اروحلو و ينجزني بدل حرقة الدم و الخناقات في التوكيل ؟؟ جزاكم الله خيرا
