مشكله فى استهلاك البنزين - ألنترا 2006 اوتو

**M.Mostafa80** · 12-07-2011 12:22 AM

المشاركة الأصلية كتبت بواسطة حماده المصري

اهو هوه ده الي يخلي العربيه تبلع بنزين مش تستهلك

انك في الهرم زيي والهرم زحمه ومنيل بستين نيله

يعني مشوارك من الهرم للدقي بتاخد فيه ساعه تعتبر العربيه فيها شبه وافقه ده هوه ده اكبر استهلاك للبنزين مش هتشوفه في حياتك زييه خصوصا في التكييف والصيف والحر العربيات فعلا في الحر في الصيف ومع التكييف بحس ان العربيه بتشححر ومش عايزه تمشي اساسا

انا الموضوع ده كان مجنني في المانيوال في النيو اكسنت وجنني برضو في الالنترا الي كانت معايا

فعلا انت لازم تحسب الاستهلاك على طريق

حاول مثلا تبقى رايح مدينه نصر مصر الجديده واحسب استهلاك البنزين هتلاقي الدنيا كويسه ان شاء الله

بس حط في الاعتبار بيزود استهلاك بنزين بوجيهات وحشه وفلتر هوا وحش

العربيه فى المشى كويسه والحمد لله ومش بعانى لا من تشحير ولا عدم سحب
بس فعلا مش طبيعى ان يكون الأستهلاك 130 كم فى الصفيحه اكيد فى حاجه غلط اخر طريق قدامى بعد مراجعه دوره البنزين والكشف على التانك من عدم التسريب والكشف على البوجيهات وتنظيف فلتر الهواء والتأكد من عدم تسييل الرشاشات هو وضع السياره على جهاز كشف الأعطال ولو انى معلوماتى عن كونترولات العربيات الكورى والحساسات المتصله بيها انها ليس من السهل تسجيل فولتات وا ايرور يعنى فى حاله واحده بتسجل اللى هى تلف الحساس تماما
والغريب ايضا فيها انها مابتحتجش لعمل ريست للكنترول او اعاده ظبط

**حماده المصري** · 12-07-2011 07:47 AM

الاجهزه الجديده والاجهزه الاصليه الي في التوكيلات بيبقى فيها حاجه اسمها تحليل الوظائيف ودي بتبيين كفاءه الحساس من عدمه

بس اسمع مني اطلع مشوار على الدائري مصر الجديده وارجع وشوف كام كيلو والبنزين اد ايه ااو لو مسافر اي مكان قريب يبقى تمام التمام

لان كلنا بنمر بالموضوع ده على فكره بس مبيبقاش مستمر يعني لو في يوم في زحمه والبنزين خلص بسرعه مش بدقق

انما انت لو مشاويرك كلها زحمه وخصوصا لو الصبح لازم هتستهلك بنزين كتير والحل الوحيد ليك انت تعمل مشوار مش في زحمه وتشوف

**M.Mostafa80** · 28-07-2011 12:06 AM

حطيت العربيه على الجهاز حساسات العربيه الحمد لله كلها تمام
وحتى تحليل امر الكنترول للرشاشات مظبوط
ولكن المهندس قالى ان ممكن تكون الرشاشات محتاجه تتحط لى جهاز كشف وتنظيف الرشاشات للكشف على اذا كان هناك تسييل من عدمه فهل حد يعرف مكان جهاز لتنظيف الرشاشات فى منطقه الهرم او الجيزه

**HOSSAM99** · 28-07-2011 01:31 AM

طيب حضرتك ما تشوف برقان اللي في آخر العريش
فيه ناس بتشكر فيه
لكن معرفش عندهم تنظيف رشاشات و لا لأ

**M.Mostafa80** · 28-07-2011 03:53 PM

التست اللى عملته كان هناك وفى هناك مهندس محترم قوى وعملى اتشك على اشاره الكنترول للرشاشات وهو اللى نصحنى بموضوع انى احطهم على جهاز تنظيف الرشاشات وهو مش موجود عندهم

**BraveHeart_13** · 02-08-2011 09:53 PM

المشاركة الأصلية كتبت بواسطة m.mostafa80

انا عندى مشكله فى العربيه انها بتعمل 130 كم فى الصفيحه جوه البلد انا عارف ان الأوتومتيك اعلى فى استهلاكه عن المانيوال لكن بيتهيئلى مش للدرجادى ياترى ايه المشكله ياريت حد يفدنى

أولا تقبل تحياتى وثانيا حكاية 130 فى الصفيحة ده كتير أوى وأنا كانت بتعمل معايا 150 فى المتوسط أول ما إشتريتها بس أنا كنت بشم ريحة بنزين جوه الصالون ولما رفعت الكنبة ورا إكتشفت ان كان فى تسريب بسبب ان الجزء اللى بتركب فيه طرمبة البنزين وبيدخل جوة التانك ماكانش مربوط كويس وكمان كشفت على طرمبة البنزين بالكومبيوتر لقيت إشارتها ضعيفة فطبعا غيرتها بس بالأصلية من الوكيل وتمنها 1300 ج وأصبحت بتعمل معايا فى المتوسط 177 كم فى الصفيحة - بس ممكن تركب بتاعة الماتريكس تمنها 500 ج جديدة من الوكيل لكن أنا فضلت أركب الأصلية بتاعتها - بس إوعى تركب الصينى تمنها 75ج بس هتعطل قبل ما توصل بيها لبيتك.
سبب آخر: أكتر الأسباب استهلاكا للبنزين هى الرشاشات - أنا برده غيرتهم بالأصلى وتمنهم من الوكيل كان 3000ج - بس ممكن تجيبهم إستيراد من الحرفيين (تحت التجربة) بحوالى 300ج (إنت وشطارتك) وربنا يساعدك فى المشكلة دى لأنى مجربها وعارف إنها مقلقة وسخيفة
أرحب بأى استفسار لك وتقبل مرورى