خلاص قررت اغير رشاشات النوبيرا (برجاء المساعدة)

بعون الله قررت اغير الرشاشات يوم الجمعة القادم عن طريق ميكانيكي هيوفرهم ليا، بس محتار حبتين ومحتاج المساعدة في النقاط التالية

1-خوفي من شراهم بنفسي وتحمل مسئولية الاختيار وعدم القدرة علي اختبار صلاحية الرشاشات
2- محتار بين الهيونداي والبوش بتوع البي ام (الميكانيكي بيرشح الهيونداي ولكنه مستعد لجلب البوش)
3- سعر الرشاشات 250جم (علي ضمانته)
4- بيقول هينظفهم بالبنزين ويركب علي طول

ايه رايكم فيما سبق ، ولو حبيت اشتريهم بنفسي ايه الخطوات الاحترازية التي تضمن شراء الافضل ، وكيف اختبرهم واسعارهم ايه (اليومين دول)

وايه هيا الفروق بين الهيونداي والبي ام (السعر ، الاستهلاك، العمر الافتراضي ، الاداء ، الانسب للمحرك)

برجاء المساعدة فيما سبق في هيئة خطوات ونقاط مرتبه وياريت صورة لرشاشات الهيونداي لو امكن ، ورقم الرشاشت الكودي لكلاهما

ايييييييه

ما فيش حد ناوي ينفعنا :Ka_che1[1]:

شكلي كده هعمل مظاهرات فئوية ادام بوابة المنتدي لحد ما مطالبي تتنفذ :grin54:

use the search function

MMamdouh

ممدوح بيك

ايون عملت كده ، ومعايا صور الرشاشات البوش ، وقرأت كل الحورات عن الرشاشات وانواعها بس مش قادر اوصل للطريقة الي اشتري بيها الرشاشات وتطلع مضمونة ( اختبرها ازاي) يعني مثلا
1- part No للرشاش
2- لو معيا الافوميتر ، اعمل ايه بيه علشان اتأكد انها سليمة ومقاومتها مضبوطة
وايه الاختبارات الاخري الي تضمن اني ما اشتريش الترماي كخطوات مرتبة ، اصل اخوك بيعد صوابعة بعد ما يسلم علي اي صنايعي وخصوصا من بتوع الحرفيين (علموا عليا بتاع 100 مرة ايام الفولكس بتاعتي)

وشكرا لاهتمامك وردك

اقتباس:

---

المشاركة الأصلية كتبت بواسطة waleedraafat

ا
1- part No للرشاش

---

0280150715

http://i83.photobucket.com/albums/j3...0280150715.jpg

اقتباس:

---

2- لو معيا الافوميتر ، اعمل ايه بيه علشان اتأكد انها سليمة ومقاومتها مضبوطة

---

قيس مقاومة الرشاشت و شوفها كام اوم... المفروض تبقى فى حدود 12 الى 15 اوم

اقتباس:

---

وايه الاختبارات الاخري الي تضمن اني ما اشتريش الترماي كخطوات مرتبة

---

و انت بتشترى يفضل تاخد طقم رشاشات من على مكنة... او على الاقل طقم راكب على مسطرة.. غالبا الرشاشات المفرطة بتبقى مش تمام و اساسا راجعة من زبون قبلك عموا معاه مشاكل

بعد ما تشترى الرشاشات روح بيها على محل انجكشن اند انجكشن (لو انت فى الحرفيين) و هو حيقيس ادائها... او على الاقل لما تركبها شوف المكنة و هى دايرة مضبوطة ولا مبرجلة و هل فيه دخنة ولا لا سحب العربية تمام ولا لا

MMamdouh

تسلم ليا ولقسم الدايوا يا رب ، وشكرا علي سرعة الرد

ويارب كده اشوفك راكب الحتة البي ام الي نفسك فيها ، بس ما تنساناش في قسم الدايو بالخبرة والمشورة