عرض للطباعة
فى حد مهم عندى دلوقتى طلع عنده زيادة فى افرازات الغدة الدرقية لدرجة انه حصل له تسمم
ومكناش عارفين المهم الدكتور كتب علاج وبعد فترة هيعيد التحليل
انا عايزة اعرف فعلا الموضوع ممكن يعدى بعلاج طول العمر وخلاص
فى ناس قالت كده وفى ناس قال حتى بالعلاج حصل لهم جحوظ العين وارتفاع فى الضغط
واذا كان فى عملية صحيح دلوقتى فى بالليزر
والأشعاع ده نظامه ايه
ومين احسن دكاترة ممكن يعملوها وفين
الف سلامه للمريض
صديقتي بتاخد علاج مستمر من فتره طويله وبتعمل تحاليل دوريه فقط
وحالتها مش محتاجه عمليه
اعتقد إجراء العمليه او الإستمرار في العلاج فقط بيكون حسب الإستجابه للعلاج
والدتي اخدت علاج لفترة ثم عملت العملية
وماشية دلوقتى على علاج مستمر مدى الحياه
وعملتها في عين شمس التخصصي
بداية أسأل الله تعالى الشفاء لكل مريض وأن يشفيه شفاء لا يغادر سقما.
أنا لست طبيبا وهذا الكلام من تجربتي الشخصية ولا أعرف إذا كان يتم تطبيقه في مصر أم لا.
علاج النشاط الزائد للغدة الدرقية يتم عن طريق:
الدواء:
propylthiouracil وهو يعمل على تقليل إنتاج الهورمون thyroxine وغالبا يكون معه دواء أخر من عائلة الBeta Blockers مثل Sectral وهو يعمل على التقليل من سرعة نبض القلب العالية التي هي أحد الأعراض الجانبية لنشاط الغدة الدرقية.
هذا الحل للأسف قد يأتي بأعراض جانبية سيئة منها تقليل عدد كرات الدم البيضاء إلى نسب غير آمنة كما إنه يرفع بعض إنزيمات الكبد إلى درجات قد تكون خطيرة.
الجراحة:
وهو أيضا غير مفضل نظرا لموضع الغدة مما قد يجعل التدخل الجراحي ممكن يصيب الأحبال الصوتية بضرر.
اليود المشع radioactive iodine therapy:
يأخذ المريض جرعة من اليود المشع على هيئة قرص أو حقنة. تقوم الغدة بإمتصاص اليود فيبدأ بقتل الخلايا المنتجة للهرمون على مدار الأيام. هي متعبة فقط في أول يوم نظرا لوجود المادة المشعة بالجسم ويقوم المريض بشرب الماء بكميات كبيرة وستعدد زياراته إلى الحمام ويفضل أن يستعمل حمام خاص ويراعي أن flush the toilet أكثر من مرة وأن لا يقترب من الأشخاص حوله مسافة متر مثلا. هذه الإحتياطات فقط يوم تناول الجرعة. ثم يعود لحياته العادية بعد يومين مثلا.
المشكلة التي تحدث غالبا أنه يتم قتل خلايا أكثر من المطلوب أو أقل لأنه لا يوجد معادلة دقيقة تقول أن فلان يجب أن يأخذ الجرعة الفلانية. حتى تقل نسبة الهرمون إلى المعدل الطبيعي. فإن قلت أكثر من اللازم أصبحت الحالة عكسية وتكون الغدة كسلانة وهنا يتم علاجها بقرص واحد يوميا من بديل للهرمون مثل synthroid أو Eltroxin.
لايوجد حل مثالي ولكن هناك حلول وعلى المريض أن يستشير الطبيب المختص لإختيار العلاج الأنسب لحالته بأقل الأضرار والشافي هو الله ولكنا نأخذ بالأسباب.
والحمد لله.
العمليه اسلم حل بس خد بالك كويس لو حصل نقل دم خد بالك كويس جدا ان الدم مايكنش فيه فيرس لانها حصلت مع والدتي الله يرحمها
الكلام دة مظبوط جدااقتباس:
المشاركة الأصلية كتبت بواسطة the_last_rebel
لان والدى عمل العملية من حوالى تلات سنين
ولازم اللى يعملها د جراح غدد وليس جراح عام
لانه هايقدر يحدد مكان الغدة بالظبط وبالتالى مش هايكون فى ضرر فى الاحبال الصوتية باذن الله
ومع التحاليل لو اتبقى حجات بسيطة بياخد فعلا جرعة يود
ودى بيحددها الدكتور المعالج حسب الحالة اذا كانت مرة او اكتر
ومع الوقت بياخد علاج علشان يعوض الافرازات الناقصة فى الجسم
اهم حاجة انه مايتكاسلش
ويسيبها علشان مايحصلش اى مضاعفات
وربنا يشفى كل مريض باذن الله
شكرا على اهتمامكو
بس مقلتوش اسماء الدكاترة
وطالما فى امهات فى الموضوع كان فى جراح تجميل بقى عشان منظر الجرح؟
وسمعت حكاية اليود دى برضه
طب يا سارة صاحبتك عينيها مجحظتش ؟ لأن سمعت ان ممكن ده يحصل حتى مع العلاج -ربنا يشفيها ويشفى كل مريض يارب
طب وبعد العملية الناس بتتخن بدون تحكم بقى ولا ايه النظام انتو عارفين ان مع زيادة الأفراز المريض بياكل براحته جدا ويفضل رفيع اكيد بيتعود على كميات الكل دى؟؟
اقتباس:
المشاركة الأصلية كتبت بواسطة rompo10
الله يجعل مثواها الجنة
بس انا معرفش ان الموضوع بيوصل انه يحتاج نقل دم؟
لأ الحمد لله عينيها عاديه جداًاقتباس:
المشاركة الأصلية كتبت بواسطة azmeralda
هي بس بتعمل تحاليل بصفه دوريه
في الأول كانت على فترات متقاربه وبعد كده كل فتره طويله
انا عندي الغده من 5 سنين
وباخد الدوا عادي
عاوزك تعرفي حاجه مهمه
طالما فيه استجابه من الدوا ونشاط الغده توقف بدون زياده او نقص
يبقي تمام
اللجوء للعمليه او لليود المشع بيتعمل في حاله ان الغده لم تستجيب للدواء
والدكتور بتاعي نصحني اني معملش اليود المشع ده وانا صغير عشان بيؤثر علي الجينات الوراثيه او الانجاب مش فاكر
اما عن اعراضها فخمول وعرق زياده وخسسان اوي مهما كلت لو افرازها زياده
والدكتور بتاعي اسمه حسين الدماطي
في مصر الجديده
طب الحمد للهاقتباس:
المشاركة الأصلية كتبت بواسطة sara2001
سلامتك يا ميكىاقتباس:
المشاركة الأصلية كتبت بواسطة funnymickey
ما هم بيقولوا اللى يستعمل اليود ده لازم ميخلفش لمدة سنتين بعدها
والحمد لله مبتاثرش على مودك ولا حاجة؟ وبالدوا برضه بتفضل رفيع ولا عادى بقى الأعراض بتروح
الكلام في الاقتباس التالي سليم مية في المية وحكتب تعليقاتي عليه باعتباري شايل الغدة الدرقية تماماً وماشي على دواء بصفة مستمرة .
اقتباس:
المشاركة الأصلية كتبت بواسطة the_last_rebel
وبالنسبة لصاحب الموضوع .. الدكتور اللي عملي العملية هو جراح أستاذ مناظير الجهاز الهضمي بمستشفيات عين شمس التخصصي .. وأسمه د. إبراهيم عبد النبي (فوق معرض سيارات الطيران) بشارع الطيران .. وأثناء العملية كان معاه استشاري جراحة أنف وأذن وحنجرة .اقتباس:
المشاركة الأصلية كتبت بواسطة funnymickey
والحمد لله بعد العملية حاسس بتغير جذري والوزن رجع لطبيعته وكذلك راحت العصبية الزائدة .. بس طبعاً أخدت وقت كبير بعد العملية (حوالي 8 أشهر) لتظبيط جرعة الدواء المناسبة (التروكسين) .. وطبعاً بيبقى فيه متابعة لتحاليل (t3 , t4 , tsh) كل 3 أو 6 شهور .
ملحوظة : بالنسبة للتحاليل قبل وبعد العملية يجب مراعاة عملها في معامل كويسة (البرج أو ألفا) لأن دقة النتائج بتفرق .. لأنه بالنسبة ليا كانت التحاليل الخاطئة في البداية السبب في تدهور الحالة ووصولها لغدة درقية تسممية (مكنش في أي نسبة ورم في الرقبة ولا جحوظ بالعين) واللي وصلتني للتدخل الجراحي في النهاية .
اقتباس:
المشاركة الأصلية كتبت بواسطة azmeralda
لا عادي اول ما اخد الدوا برجع طبيعي
انما لما ابطله برجع رفيع تاني واتعب من اقل مجهود
واعرق كتير
اللهم أشفى مرضانا ومرضى المسلمين أجمعين
thank you ziabassem , tarekzein
طب ziabassem دى العملية العادية اللى بخياطة فى الرقبة مش اللى باللليزر ؟ اهتميت يكون فى جراح تجميل؟
واضح ان مستشفى عين شمس دى فى اجماع عليها
وليه يا ميكى متواظبش فى الدوا ؟؟الموضوع مش بسيط
موضوع اخذ الدوا كل يوم طول عمرك ده موضوع ممل اوي
مش سهل يعني
بس الحمد لله علي كل شئ
اقتباس:
المشاركة الأصلية كتبت بواسطة azmeralda
فعلاً المواظبة على دواء معين طول العمر شيء ممل .. بس زي ما بتقول الحمد لله على كل شيء .. والمضطر يركب الصعب .اقتباس:
المشاركة الأصلية كتبت بواسطة funnymickey
ايوه فعلا انا اعرف ان الدكتور لازم يمشى على تنيات الرقبة والمريض قاعد مش نايم كمان بس واحدة قريبتى عاملاها ومنظر الجرح جامد مع ان فات سنتين وباين جدا مش زى ما بتقول خالص لو دققت وكده فيمكن عشان دكتور التجميل فعلا لازم يكون موجود ساعة العملية
بس بيقولوا الليزر ده خرم صغير ومش لاقية حد اسأله يكون عملها
بالنسبة لأخد دوا طول العمر فعلا شىء ممل بس اعتبره زى الأكل والشرب طول العمر ما احيانا بيبقى ممل وملكش نفس تاكل بس بتاكل عشان لازم تاكل عشان لازم تعيش ده فى ناس كتير بتبقى عيانة طول العمر بحاجات اصعب زى الغسيل الكلوى بعد الشر علينا فحبايتين كل يوم مش مشكلة وبعدين مرض بيخلى الواحد رشيق مهما ياكل ده فى ناس بتحسد عليه: ) متخلفين والله
بالعكس
والله الموضوع مش رشاقه خالص
انتي طبعا شفتي الفتره اللي احمد زاهر تخن ازاي
كان شبه البالونه
ده بسبب الغده الدرقيه
انا لما بطلت الدوا فتره كنت عامل زي الشبح
وللاسف الفتره دي كانت فتره كتب كتابي
مش عاوز اقولك كنت عامل ازاي
ربنا ما يعيدها ايام
دلوقتي بكرش اه
انما بمزاجي
:)
جدا واللهاقتباس:
المشاركة الأصلية كتبت بواسطة ziabassem
ارخم مما تتصور
ولما مباخدش الدوا بتعب وبحس بفرق
ربنا يكرم ان شاء الله ويشفي مرضي المسلمين جميعا
أنا حقولك اللي فاكره لأن العملية كانت من 3 سنين تقريباً .. معرفش العملية بتتعمل والمريض قاعد ولا نايم .. بس أخر حاجة فاكرها قبل البنج اني كنت نايم على سرير العمليات .. وبعد العملية طبعاً لأن الألم بيبقى جامد كنت باخد مسكنات من عائلة الترامادول في الجلوكوز لمدة يومين (المدة اللي قعدتها في المستشفى وكنت أيه أخر سلطنة :embarrassed: والمزاج عالي جداً :penguin4:لأني والحمد لله مبخدتش أي نوع من أنواع المخدرات) وبعد ما خرجت من المستشفى رحت للدكتور استشارة في العيادة وكانت رقبتي بتوجعني جداً (مش من العملية .. وجع زي ما يكون الرقبة كانت ملوحة وأنت نايم) .. فقالي ده طبيعي جداً لأن أسلوب تنفيذ العملية أن الراس بتبقى نازلة من حافة سرير العمليات .. مش عارف أوصلهالك ازاي ؟! بس أكني نايم وجسمي كله على السرير والراس فقط هي اللي نازلة بحيث تبقى الرقبة مشدودة .. وطبعاً مع مدة العملية (حوالي ساعتين) أكيد الرقبة تأثرت بهذا الوضع .اقتباس:
المشاركة الأصلية كتبت بواسطة azmeralda
أكيد قريبتك دي الجرح متخيطش بطريقة تجميلية علشان كدة باين حتى بعد فترة .. والخياطة التجميلية بتتقدم كل سنة عن التانية .. ومسمعتش عن الخياطة الليزر دي بصراحة مع أنها ممكن تكون معمولة عندي .. لأني مش فاكر إذا كان في سلك اتفك ولا لآه .. اللي فاكره هو الدرنقة اللي اتشالت بعد يومين .. والحمد لله على كل شيء وأحنا أفضل من ناس كتير .. وتحت أمرك في أي استفسار .
أنت أكنك بتحكي نفس ظروفي والله .. في كتب الكتاب وفي الفرح كنت شبه واقع من البدلة من كتر الخسسان .. والبدلة كانت أصغر مقاس تقريباً .. والوش زي ما يكون واحد بيضرب مخدرات بقاله سنين من كتر الخسسان اللي الواحد كان فيه .. لدرجة أني كاره صورة الفرح ومبحبش أبص فيها ولا معلقها حتى .اقتباس:
المشاركة الأصلية كتبت بواسطة funnymickey
اقتباس:
المشاركة الأصلية كتبت بواسطة funnymickey
ايوه ما هو الأفراز الناقص بيتخن والعكس فى الزايد يعنى الناس بتحسد عالزايد ده قصدى لأن مفروض تفضل رفيع : )
ترامادول حتة واحدة ده الموضوع كبير
انا قصدى بيحدد خط الجرح وانت قاعد لكن بتتعمل وانت نايم لأن هى الخطوط اللى هيختفى فيها هى اللى بتبان وانت قاعد
وصفك للعمليةكوميدى اخر حاجة الرقبة مدلدلة والدكتور مستربع عالأرض ولا ايه : )
و ايه الدرنقة دى؟
والحمد لله على سلامتك
اللهم اشفي كل مريض انك انت الشافي المعافي من يشفي الا انت يارب العالمين اللهم امين
امين
أه طبعاً الموضوع كبير علشان كدة عاوز مسكن جامد جداً من اللي بيعملوا بيه دماغ .. وطبعاً أخوكي مالوش في المواضيع دي .. مش عاوز أقولك الأحاسيس اللي كنت حاسس بيها عاملة ازاي .اقتباس:
المشاركة الأصلية كتبت بواسطة azmeralda
بس طبعاً اللي عرفته بعد كدة أنهم مدونيش أي مسكن بعد ما العملية خلصت وأنا في غرفة العمليات بناء على تعليمات دكتور الأنف والأذن .. وكل ده علشان كان عاوز يسمع الجعير بتاعي من الآلم (في فترة الفوقان) ويطمن أن الأحبال الصوتية مفيهاش حاجة .. وقال لهم مبروك الأحبال الصوتية تمام ومفيش مشاكل .. أدوله المسكنات بقى :36_1_40[1]: وحكاياتي مع الترامادول في المستشفى ليها قصص فكاهية بتتحكيلي ومش فاكر منها أي حاجة خالص :Ka_che1[1]:
الدرنقة دي بتتركب بعد أي عملية في مكان العملية من خلال حاجة زي الأبرة كدة متصلة بخرطوم أخره علبة بلاستيك علشان لو فيه دم متجمع مكان العملية تسحبة بره في العلبة دي .
ايوه يبقى هى دى اللى قريت عنها وقالوا بتسبب اثر برضه ويفضل متتركبش
وتلاقيك قلت حاجات فى البنج برضه ياما : )
http://a2.sphotos.ak.fbcdn.net/hphot...7_142926_n.jpg
انا بقى لما بروح لدكتور الأسنان مثلا اقوله بقولك ايه انا احساسى بالألم عالى والبنج مبيأثرش معايا , ولما يديلى حقنة البنج الأولانية ميبقاش مصدق انى حسة حتى يمشى حاجة على الضرس ويسألنى دى فين لما اقوله بقى يقوم مدينى حقنة بنج كمان واكون بالعة مسكن كمان قبل ما ادخله
هو فى ناس بيبقى احساسهم بالألم عالى جدا عن ناس دى حاجة طبية وعلمية معروفة
ده كان فى واحدة معرفة بتمسك الحلة من على البوتجاز بايديها عادى lol قدرات بقى
مش الأثر اللي أنت متخيلاه .. بتبقى زي نقطة أو حفرة صغيرة قوي في الجلد .. ومينفعش متتركبش لأنها بتجمع بواقي الدم إن وجد مكان العملية وتخرجه بره الجسم .. ومش عاوز أفتي في حاجات طبية لو قلت أنها ممكن تدي مؤشر إذا كان فيه نزيف داخلي مكان العملية ولا لآه لو زاد معدل الدم في الدرنقة بشكل كبير (مجرد توقعات مش أكتر)اقتباس:
المشاركة الأصلية كتبت بواسطة azmeralda
ok ..