اتخانقت مع تاكسي بسبب ...!!

**Dr.Karim Emam** · 10-07-2011 08:22 PM

فيه أفكار شيطانية لو عاوز ابعتلي على الخاص
بس خد بالك دي فيها مرمطة جامده :))

**rahmanboud** · 10-07-2011 09:24 PM

الظاهر إن كل سواقين التاكسي نسخه واحده فى كل المحافظات

يا عم مفيش داعى للمحضر ولا حاجه لأنك مش حتلاقى حد فاضيلنا دلوقتى والبلد كلها مظاهرات وإعتصامات

ربنا يعوض عليك

**graffittiii** · 14-07-2011 04:08 AM

ياغالي لو حضرتك من طنطا نصيحة خدها أو تجاهلها ....
بعيدا عن مين اللي غلطان لازم تركز كويس أنت فين قبل ماتتخانق
يعني مبقاش مثلا ف موقف ميكروباصات وأروح أضرب سواق ميكروباص ... ضربته ماشي لكن وبعدين ؟؟؟

كذلك حضرتك هنا جي وعاوز تتخانق مع سواق تاكسي وفين ... ف المرشحة ...طبيعي أنه ف المكان ده يعلي صوته ويشتم مهو عارف هو بيتخانق فين ...

لو ف حته تانية ماكنتش سمعتله صوت...

اللي عاوز أوصلهولك أن مش دايما اللي صح هو اللي بياخد حقه وهذا لايعيب صاحب الحق في شئ ..... الأفضل تمرير هذه المواقف .... ولاتجعلها تأخذ حيز كبير من تفكيرك ..
__________________________________________________ ___________

**misoalex** · 14-07-2011 08:58 AM

نفس اللى حصلك حصلى بس مع سواق مكروبص وبوظلى الرفرف والاكصدام وعاوز يتغير

العربيه واقفه عند المزلقان مستنى القطار يعدى وده جاى بسرعه عاوز يعدى قبل القطار وراح خابطنى ونازل يقوللى انت واقف كده ليه

قولتله لما اشوف قطال حبقى انط من فوقيه

وطبعا اتخانقت معاه وواحد سواق صاحبه جاى يقوللى انا شايفك انت اللى خبطه طبعا خلانى عليت صوتى اكتر وبهدلت الدنيا

وفى الاخر كل واحد اخد عربيته ومشى مهو ولا حتاخد منه حق ولا باطل

واهى العربيه عاوزه تروح للسمكرى وبتاع الدوكو منه لله اللى كان السبب