ارجو الافادة على وجة السرعة تمبرا 1998

**ateffthy** · 04-05-2008 02:50 AM

يااااااااااااااا اهل الخبرة افيدونى عن سيارةتمبرا 1998 فول ابشن منول 85الف كماة اخبار ذالك السيارة وموصفاتها وقطع غيارها وسعر ذالك الموديل برجاء المشاركة والرد للاهمية وبارك اللة فيكم

**furp** · 04-05-2008 09:08 PM

السلام عليكم

بص ياسيدي

التمبرا باختصار عربيه ممتازه وده من وجهة نظري طبعا موتور قوي وعربيه وحش علي الطريق وفعلا ثبات غير عادي علي الطريق

بجد كنت جي مع زوجتي ووالده ووالدتها واختها ومحملين فوق ال200 كيلو في العربيه والعربيه يعني تصعب عليك ورغم كده ماشاء الله عليها جينا بمنتهي الراحه والقوه

التمبرا مشكلتها انها مش واخده حظها في مصر وللاسف تقيله في بيعها يعني محدش بيجبها الا اذا كان عارف مميزاتها وده للاسف مهبط سعرها مقارنة بعربيات تاينه

المهم التمبرا موديل 98 لو حاله نضيفه قوووي هتعمل مش اكتر من 40 لغايه 45 الف وده طبعا حسب الحاله العامه للسياره

بالنسبه لقطع الغيار موجوده بس مش منتشره زي الفيات القديم والاسعار مش غاليه ومش رخيصه بس برضك تعتبر كويسه للفئه الاجتماعية المتوسطه

يعني مثلا فانوس اشاره امامي ب15 جنيه وده وش الفانوس
ترس المارش ب75 جنيه

تيل فرامل خلفي تركي ب75 جنيه

يعني دي الحاجات الي فاكرها دلوقتي

وربنا يوفقك للاختيار الصح

**ateffthy** · 05-05-2008 12:00 AM

شكرا على رئيك المفيد جدا دة هى مطلوب فيها 43 الف

**hazem_khidr** · 05-05-2008 12:55 AM

علي فكره موديل 98 مصري مش ايطالي
و مش حزود كلمه علي كلام الاخ Furp

**ateffthy** · 05-05-2008 12:57 AM

هل فى الكلام السبق شىء غلط عن السيارة وما هو الفرق بين المصرى والايطالى

**hazem_khidr** · 05-05-2008 03:55 AM

المشاركة الأصلية كتبت بواسطة ateffthy

هل فى الكلام السبق شىء غلط عن السيارة وما هو الفرق بين المصرى والايطالى

غلط ايه يا استاذ عاطف ؟؟؟؟؟

بقول لحضرتك موديل 98 تقفيل مصري ايه وجه الغلط في المعلومه دي؟
و عموما الفرق بين المصري و الايطالي ممكن تسأل عليه و تشوف الكلام صح و لا غلط

**ateffthy** · 05-05-2008 10:14 AM

يا استاذ حازم انت مهمت كلامى غلط انت تقول مش هزود على كلام الاخ شىء فانا بسالك هل فى الكلام السابق شىء غير واضح او معلومة غلطعن مميزات السيارة كما قال الاخ السابق وانا بسالك للعلم لانى لا اعلم ما هو الفرق بين التقفيل المصرى والايطالى هل التقفيل المصرى فية عيوب معروفة لديكم وهذا هو قصدى وشكرا لك

**maka** · 07-05-2008 02:44 PM

المشاركة الأصلية كتبت بواسطة ateffthy

يا استاذ حازم انت مهمت كلامى غلط انت تقول مش هزود على كلام الاخ شىء فانا بسالك هل فى الكلام السابق شىء غير واضح او معلومة غلطعن مميزات السيارة كما قال الاخ السابق وانا بسالك للعلم لانى لا اعلم ما هو الفرق بين التقفيل المصرى والايطالى هل التقفيل المصرى فية عيوب معروفة لديكم وهذا هو قصدى وشكرا لك

؟؟؟؟؟؟؟؟؟؟

**ahmed_su** · 10-05-2008 06:29 PM

انا استخدم سيارة تمبرا منذ اربع سنوات واعتقد انى قد كونت حكما على اداء هذه السيارة

الفيات التمبرا هى سيارة ايطالية تم انتاحها بديلا عن السيارة التيبو بدء من سنة 1990 حتى 1996 توقف انتجاها فى ايطالية وان ظلت تصنع فى تركيا والبرازيل حتى 2001 وكانت تجمع فى النصر للسيارات حتى سنة 2000

ويوجد منها موديلان نوع ذو عدادت عادية واخر ديجتال
والسيارة ذات محرك متميز 1600 سى سى يتسم بالقوة والهدوء خصوصا السيارات المصنعة فى ايطاليا عكس المجمعة فى مصر لان محركها مش اد كده بالمقارنة بالايطالى
السيارة ذات تصميم جيد من ناحية الاتزان ودينامكية الهواء وان كان يعبها ارتفاع الشنطة وصعوبة الرؤية الخلفية فى حالة الركن
الصالون واسع ومريح جدا وبقليل من الصرف يبان انه فخم
التكيف فيها ممتاز من ناحية التبريد بس عيبه انه بيسحب جزء محترم من قدرة الموتور بيبان اوى فى السحب
تسارع العربية مش جامد بطىء نبسيا بس العربية بتجرى كويس اوى
استهلكها فى البنزين منقدرش نقول انه موفر بس تقريبا زى اللانوس فى السفر انما جوه البلد عالى زى الماتريكس
الفتيس يدوى خمس سرعات يعتبر ناعم احسن من الاكسيل على سبيل المثال وفى منها موديلات اتوماتك بس الحقيقة مجربتهاش
ويوجد منها نوعين واحد كربراتير ودى اللى عندى والتانى انجكشن بس مش متعدد النقاط والاشعال الكترونى رائع
يعنى لا ابلاتين ولاكوندنسر ولا كلام فاضى والشفاط بها اتوماتكيا تبعا لدرجة حرارة الموتور
والعربية فيها شوية تجهيزات كهرائية والكترونية كتير شوية وبتتطلب واحد كهربائى بيفهم كويس علشان يعمل فيها اى شغل والعربيات المزودة بتبلوه ديجتال بتبقى مشكله اكتر شويتين من العادى وان كان الاتنين شكلهم حلو

قطع الغيار ياسيدى متوفرة بس مش عند كل الناس ناس بعينهم فى التوفقية وشارع شمبليون عتدهم كل حاجة اسعرهم اعلى بحاجة بسيطة عن الفيات عموما بس تعتبر فى رينج الهيونداى والدايو
وفى منها التركى والبرازيلى والمكسيكى وفيه حاجات صينى ابعد عنها هى والايطالى لانه مش ايطالى ولا حاجة

العربية هادية على الطريق ماتسمعش دوشة الموتور والعجل خصوصا اذا كنت قافل الازا ز ومشغل التكيف

العربية فيها كل الكماليات باور -زجاج كهرباء وفيه بعض الموديلات المرايات بتتظبط كهرباء

العفشة فيها غريبة شوية بس متينة ووزنة العربية كويس عيبها مثلا ان لو عاوز تغير جلبة مقص يبقى المقص كله لازم يتغير لانه يعتبر حته واحده والتعليق عموما يعتبر ناشف حاجة بسيطة بالمقارنة بالعربيات الحديثة وده بتحس بيه وانت سياق بس القاعدة ورا باشا اخر راحة بيستمتع بيها اللى قاعد فى الخلف وكمان فيه فتحة للتكيف علشان الركاب فى الخلف تقدر تشغلها اوتقفلها حسب الحاجة

يارب اكون قد افادتك
تحياتى