وش سلندر للعربيه وتحيه واجبه للاستاذ محمد طنانى

**enghanyomar** · 10-07-2011 03:03 PM

امبارح باليل غيرت البوجيه رقم واحد اللى ناحيه فلتر الهواء لانه كان معرق زيت والعربيه كانت بتنتش وزودت قربه الميه ومشيت المهم العربيه لسه بتنتش قلت الصبح وانا رايح الشغل بكره اغيرة تانى انهارده الصبح فتحت الكبوت ملقتش ولا نقطه ميه فى القربه زودت خدت 3 لتر ميه وجيت اغير البوجيه لقيته معرق ميه المهم مشيت بيها لغايه المصنع (الشغل) الحراره زى الفل وسحب العربيه كويس بس بتنتش بطلتها وهووب كلمت محمد بك طنانى بس ادعوله بالشفاء عنده نزله برد ربنا يشفيه المهم وصفتله الاعراض وقاللى الصدمه وش سلندر وقاللى الزيت عامل ايه قلتله مشفتوش قاللى روح شوفه عند الغطا فعلا لقيته طحينه والحمد لله قدر الله وماشاء فعل انا النهارده حروح للميكانيكى ويارب تكون جوان بس ادعوللى . بكرر ان محمد طنانى هو احسن واحد يمثل قسم الاوبل فى المنتدى ربنا يكرمه ويزيده.

**emadhero** · 10-07-2011 03:06 PM

فعلا محمد طناني احسن واحد يمثل قسم الاوبل وربنا معاك ياباشا ومتنساش التقرير

**enghanyomar** · 10-07-2011 03:09 PM

المهم لو الميكانيكى قاللى لازم اغير وش السلندر اجيبه منين وبكام هو الموتور الاسود 1600 ؟؟؟

**tananybasha** · 10-07-2011 03:39 PM

ارجوكم بلاش الكلام ده
انا والله العظيم مش باحبه
انت قلتلى اعراض قلتلك سبب
فين العبقرية فى كده

**فادى محمد** · 11-07-2011 12:28 PM

المشاركة الأصلية كتبت بواسطة tananybasha

ارجوكم بلاش الكلام ده
انا والله العظيم مش باحبه
انت قلتلى اعراض قلتلك سبب
فين العبقرية فى كده

لا فيها فن برده...ربنا يكرمك يا طنون..
لو الوش حالته حلوه املاة واقشطه في مخرطه محترمه لانه نادر الوجود في الاستيراد ولو لقيته مش رخيص انا سمعت فيه 900ج قبل الثوره طبعا دلوقتي هيخش في 1300 علشان وقف الاستيراد

**فادى محمد** · 11-07-2011 01:29 PM

التاكل الداخلي لمجاري وش السلندر بتكون بنسبه كبيره بسبب ان صاحب السياره بيزود ميه حنفيه الاملاح اللي فيها بتهري الوش زي دوده الارض ومجاري الميه تفتح علي مجاري الزيت من غير مالجوان يضرب.زي ماحصل مع اخونا ا عماد.

**enghanyomar** · 11-07-2011 03:01 PM

المشاركة الأصلية كتبت بواسطة hellboy

التاكل الداخلي لمجاري وش السلندر بتكون بنسبه كبيره بسبب ان صاحب السياره بيزود ميه حنفيه الاملاح اللي فيها بتهري الوش زي دوده الارض ومجاري الميه تفتح علي مجاري الزيت من غير مالجوان يضرب.زي ماحصل مع اخونا ا عماد.

انا والله بحطلها ميه تكييف بس وقليل قوى لما احطلها ميه حنفيه لما ابقى مزنوق
بس الله اعلم الراجل صاحبها اللى قابلى كان بيحط فيها ايه؟؟؟ شكله كان بيحط فيها ميه نار

-

-

الموضوع: وش سلندر للعربيه وتحيه واجبه للاستاذ محمد طنانى

LinkBack

أدوات الموضوع

عرض

-

-

-

-

المواضيع المتشابهه

شكر واجب للاستاذ محمد على طنانى

رساله شكر /للاستاذ طنانى

انا هطمنكم على محمد طنانى

نداء الى طنانى محمد باشا

شكر للاستاذ محمد ممدوح على نصيحته للميكانيكى محمد عبده

الكلمات الدلالية لهذا الموضوع

المفضلات

المفضلات

ضوابط المشاركة